14 shlokas
- 1
वीतिहोत्रम् इति दक्षिणाम् ऊर्ध्वाम् आधारसमिधम् आदधाति समिद् अस्य् आयुषे त्वेत्य् उत्तरां तूष्णीं वा
vītihotram iti dakṣiṇām ūrdhvām ādhārasamidham ādadhāti samid asy āyuṣe tvety uttarāṃ tūṣṇīṃ vā
- 2
तेजिष्ठा त इति परिहितम् अग्निं यजमानो ऽनुमन्त्रयते
tejiṣṭhā ta iti parihitam agniṃ yajamāno 'numantrayate
- 3
अध्वर्युर्विशो यन्त्रे स्थ इति समाव् अनन्तर्गर्भौ दर्भौ विधृती उदगग्रे निदधाति
adhvaryurviśo yantre stha iti samāv anantargarbhau darbhau vidhṛtī udagagre nidadhāti
- 4
विच्छिनद्मि विशो यन्त्रे नुदमाने इति द्वाभ्यां यजमानो ऽभिमन्त्रयते
vicchinadmi viśo yantre nudamāne iti dvābhyāṃ yajamāno 'bhimantrayate
- 5
वसूनां रुद्राणाम् इत्य् अध्वर्युस्तयोः प्रस्तरं सादयति
vasūnāṃ rudrāṇām ity adhvaryustayoḥ prastaraṃ sādayati
- 6
अयं प्रस्तर इति साद्यमानं यजमानः
ayaṃ prastara iti sādyamānaṃ yajamānaḥ
- 7
जुहूर् असीत्य् अध्वर्युः प्रस्तरे जुहूं सादयति
juhūr asīty adhvaryuḥ prastare juhūṃ sādayati
- 8
आरोह पथो जुहूर् असि घृताची गायत्रियाम्नीति द्वाभ्यां साद्यमानां जुहूं यजमानः
āroha patho juhūr asi ghṛtācī gāyatriyāmnīti dvābhyāṃ sādyamānāṃ juhūṃ yajamānaḥ
- 9
उपभृद् असि घृताचीत्य् अध्वर्युर् उपभृतम् अधस्ताद्विधृत्योः प्रतिकृष्टतराम् इव सादयति
upabhṛd asi ghṛtācīty adhvaryur upabhṛtam adhastādvidhṛtyoḥ pratikṛṣṭatarām iva sādayati
- 10
उपरिष्टात्प्रस्तर इत्य् एके
upariṣṭātprastara ity eke
- 11
अवाहं बाधे सुभृद् अस्य् उपभृद् इति द्वाभ्यां साद्यमानां यजमानः
avāhaṃ bādhe subhṛd asy upabhṛd iti dvābhyāṃ sādyamānāṃ yajamānaḥ
- 12
ध्रुवासि घृताचीत्य् अध्वर्युर्ध्रुवां सादयति
dhruvāsi ghṛtācīty adhvaryurdhruvāṃ sādayati
- 13
यो मा वाचा मनसा ध्रुवासि धरणी धनस्येति द्वाभ्यां साद्यमानां यजमानः
yo mā vācā manasā dhruvāsi dharaṇī dhanasyeti dvābhyāṃ sādyamānāṃ yajamānaḥ
- 14
ऋषभो ऽसि शाक्वर इत्य् अध्वर्युः स्रुवं सादयति
ṛṣabho 'si śākvara ity adhvaryuḥ sruvaṃ sādayati

