10 shlokas
- 1
दिवः शिल्पम् इति प्रोक्षितानि स्रुक्संमार्जनान्य् अग्नौ प्रहरति
divaḥ śilpam iti prokṣitāni sruksaṃmārjanāny agnau praharati
- 2
अपरेण गार्हपत्यं दक्षिणतः पत्नीम् उदङ्मुखीम् उपवेश्याशासाना सौमनसम् इति मौञ्जेन योक्त्रेणान्यतरतः पाशेनोर्ध्वज्ञुम् आसीनां प्राङ्मुखीं तिष्ठन्तीं वा संनह्येत्
apareṇa gārhapatyaṃ dakṣiṇataḥ patnīm udaṅmukhīm upaveśyāśāsānā saumanasam iti mauñjena yoktreṇānyatarataḥ pāśenordhvajñum āsīnāṃ prāṅmukhīṃ tiṣṭhantīṃ vā saṃnahyet
- 3
पूषा ते ग्रन्थिं ग्रथ्नात्व् इत्य् उत्तरतो नाभेर्निष्टर्क्यं ग्रन्थिं कृत्वा दक्षिणतो नाभेः परिकर्षति
pūṣā te granthiṃ grathnātv ity uttarato nābherniṣṭarkyaṃ granthiṃ kṛtvā dakṣiṇato nābheḥ parikarṣati
- 4
पत्न्य् आचम्याग्ने गृहपत इति तिष्ठन्ती गार्हपत्यम् उपस्थाय देवानां पत्नीर् इति देवपत्नीश्चेन्द्राणीवेत्य् उदङ्मुख्य् अन्वास्ते
patny ācamyāgne gṛhapata iti tiṣṭhantī gārhapatyam upasthāya devānāṃ patnīr iti devapatnīścendrāṇīvety udaṅmukhy anvāste
- 5
सुप्रजस्त्वा वयम् इति जपति मम पुत्रा इति च
suprajastvā vayam iti japati mama putrā iti ca
- 6
पूषा ते बिलं विष्यत्व् इत्य् आग्नीध्रः सर्पिर्धानस्य बिलम् अपावृत्येदं विष्णुर्विचक्रम इत्य् अन्वाहार्यपचने ऽधिश्रित्यादितिर् अस्य् अच्छिद्रपत्रेत्य् आज्यस्थालीम् आदाय महीनां पय इति तस्यां पवित्रवत्यां प्रभूतम् आज्यं निर्वपति
pūṣā te bilaṃ viṣyatv ity āgnīdhraḥ sarpirdhānasya bilam apāvṛtyedaṃ viṣṇurvicakrama ity anvāhāryapacane 'dhiśrityāditir asy acchidrapatrety ājyasthālīm ādāya mahīnāṃ paya iti tasyāṃ pavitravatyāṃ prabhūtam ājyaṃ nirvapati
- 7
इषे त्वेति दक्षिणार्धे गार्हपत्यस्याधिश्रित्योर्जे त्वेत्य् अपादाय वेदेनोपयम्य महीनां पयो ऽसीति पत्नीं प्रदर्शयति
iṣe tveti dakṣiṇārdhe gārhapatyasyādhiśrityorje tvety apādāya vedenopayamya mahīnāṃ payo 'sīti patnīṃ pradarśayati
- 8
तत्सा निमील्य वीक्ष्यानुच्छ्वसन्त्य् अवेक्षते
tatsā nimīlya vīkṣyānucchvasanty avekṣate
- 9
तेजो ऽसीत्य् उत्तरार्धे ऽधिश्रित्य तेजसे त्वेत्य् अपादाय तेजो ऽनुप्रेहीत्य् आहवनीयम् अभ्युद्द्रुत्याग्निस्ते तेजो मा विनैद् इत्य् आहवनीये ऽधिश्रित्याग्नेर्जुह्वासीत्य् उत्तरेण प्रोक्षणीः स्फ्यस्य वर्त्मन्सादयति
tejo 'sīty uttarārdhe 'dhiśritya tejase tvety apādāya tejo 'nuprehīty āhavanīyam abhyuddrutyāgniste tejo mā vinaid ity āhavanīye 'dhiśrityāgnerjuhvāsīty uttareṇa prokṣaṇīḥ sphyasya vartmansādayati
- 10
ईडेन्यक्रतूर् इति यजमान आसाद्यमाना अनुमन्त्रयते
īḍenyakratūr iti yajamāna āsādyamānā anumantrayate

