11 shlokas
- 1
इमां नराः कृणुतेति संप्रेष्य देवस्य सवितुः सव इति वेदेः स्फ्येनोत्तमां त्वचम् उद्धन्ति
imāṃ narāḥ kṛṇuteti saṃpreṣya devasya savituḥ sava iti vedeḥ sphyenottamāṃ tvacam uddhanti
- 2
यद् उद्घ्नन्त इति यजमान उद्धन्यमानाम् अनुमन्त्रयते
yad udghnanta iti yajamāna uddhanyamānām anumantrayate
- 3
द्व्यङ्गुलां चतुरङ्गुलां रथवर्त्ममात्रीं प्रादेशमात्रीं वैता इयतीर्नातिखनेत्
dvyaṅgulāṃ caturaṅgulāṃ rathavartmamātrīṃ prādeśamātrīṃ vaitā iyatīrnātikhanet
- 4
पितृदेवत्यातिखातेत्य् उक्तम्
pitṛdevatyātikhātety uktam
- 5
दक्षिणतो वर्षीयसीं पुरीषवतीं प्राचीनप्रवणाम् उदीचीनप्रवणां प्रागुदक्प्रवणां वा वेदिं करोति
dakṣiṇato varṣīyasīṃ purīṣavatīṃ prācīnapravaṇām udīcīnapravaṇāṃ prāgudakpravaṇāṃ vā vediṃ karoti
- 6
यन्मूलम् अतिरिक्तं स्फ्येन तच्छिनत्ति न नखेन
yanmūlam atiriktaṃ sphyena tacchinatti na nakhena
- 7
यत्पुरीषम् अतिरिक्तम् उत्करं तद्गमयति
yatpurīṣam atiriktam utkaraṃ tadgamayati
- 8
आहार्यपुरीषां पशुकामस्य वेदिं करोति
āhāryapurīṣāṃ paśukāmasya vediṃ karoti
- 9
यत्प्राक्खननात्तत्कृत्वा यद् आहरेत्तन्मन्त्रेण खनेत्
yatprākkhananāttatkṛtvā yad āharettanmantreṇa khanet
- 10
भूमिर्भूत्वेति यजमानः कृतां वेदिम् अनुमन्त्रयते
bhūmirbhūtveti yajamānaḥ kṛtāṃ vedim anumantrayate
- 11
अध्वर्युर्ब्रह्मन्न् उत्तरं परिग्राहं परिग्रहीष्यामीत्य् आमन्त्र्य बृहस्पते परिगृहाण वेदिम् इति तेन प्रसूत ऋतम् असीति त्रिभिः पूर्ववद्वेदिं परिगृह्णाति
adhvaryurbrahmann uttaraṃ parigrāhaṃ parigrahīṣyāmīty āmantrya bṛhaspate parigṛhāṇa vedim iti tena prasūta ṛtam asīti tribhiḥ pūrvavadvediṃ parigṛhṇāti

