12 shlokas
- 1
स्योनो मे सीदायं स्रुव इति द्वाभ्यां स्रुवं यजमानः
syono me sīdāyaṃ sruva iti dvābhyāṃ sruvaṃ yajamānaḥ
- 2
इयं स्थालीत्य् अध्वर्युर् आज्यस्थालीं सादयति
iyaṃ sthālīty adhvaryur ājyasthālīṃ sādayati
- 3
तयैव यजमानः
tayaiva yajamānaḥ
- 4
एता असदन्न् इत्य् अध्वर्युः सन्नाः स्रुचो ऽभिमन्त्रयते विष्णूनि स्थेत्य् आज्यानि च
etā asadann ity adhvaryuḥ sannāḥ sruco 'bhimantrayate viṣṇūni sthety ājyāni ca
- 5
अथ सस्रुवाम् आज्यस्थालीम् आदाय सव्येन वेदम् अपरेण गार्हपत्यम् उपविश्य कपालवद्वेदेन दक्षिणस्मात्पुरोडाशाद् अङ्गारान् अपोह्योत्तरस्माद् अपोहति
atha sasruvām ājyasthālīm ādāya savyena vedam apareṇa gārhapatyam upaviśya kapālavadvedena dakṣiṇasmātpuroḍāśād aṅgārān apohyottarasmād apohati
- 6
सूर्य ज्योतिर् इति पुरोडाशम् अभिमन्त्र्याप्यायतां घृतयोनिर् इत्य् आग्नेयं पुरोडाशम् अभिघारयति तूष्णीम् उत्तरं यस्त आत्मेति शृतम्
sūrya jyotir iti puroḍāśam abhimantryāpyāyatāṃ ghṛtayonir ity āgneyaṃ puroḍāśam abhighārayati tūṣṇīm uttaraṃ yasta ātmeti śṛtam
- 7
स्योनं ते सदनं करोमीति पात्र्याम् उपस्तीर्यार्द्रः प्रथस्नुर् इति पुरोडाशम् अभिन्दन्न् अपर्यावर्तयन्न् उद्वासयति
syonaṃ te sadanaṃ karomīti pātryām upastīryārdraḥ prathasnur iti puroḍāśam abhindann aparyāvartayann udvāsayati
- 8
वेदेन भस्म प्रमृज्य तस्मिन्सीदेति पात्र्याम् उपस्तीर्णे पुरोडाशं निदधाति
vedena bhasma pramṛjya tasminsīdeti pātryām upastīrṇe puroḍāśaṃ nidadhāti
- 9
तूष्णीं यवमयं पुरोडाशम्
tūṣṇīṃ yavamayaṃ puroḍāśam
- 10
इरा भूतिः पृथिव्यै रसो मोत्क्रमीद् इति कपालान्य् एकैकशो ऽभिघार्यैकं द्वे त्रीणीत्यादिभिः संख्यायोद्वासयति शृतं च दधि च
irā bhūtiḥ pṛthivyai raso motkramīd iti kapālāny ekaikaśo 'bhighāryaikaṃ dve trīṇītyādibhiḥ saṃkhyāyodvāsayati śṛtaṃ ca dadhi ca
- 11
देवस्त्वा सविता मध्वानक्त्व् इति स्रुवेण पुरोडाशं सर्वतो ऽनक्ति
devastvā savitā madhvānaktv iti sruveṇa puroḍāśaṃ sarvato 'nakti
- 12
स्रुवेण हस्त आज्यम् अवदाय पुरोडाशम् अधस्ताद् अभ्यज्यालंकरोत्य् आज्येन शृतं च दधि च
sruveṇa hasta ājyam avadāya puroḍāśam adhastād abhyajyālaṃkaroty ājyena śṛtaṃ ca dadhi ca

