15 shlokas
- 1
विपरीतौ परिग्राहाव् एके
viparītau parigrāhāv eke
- 2
धा असीति वेदिं स्फ्येन प्रतीचीं योयुप्येत
dhā asīti vediṃ sphyena pratīcīṃ yoyupyeta
- 3
पुरा क्रूरस्येत्य् अभिमन्त्र्य पश्चार्धे वेदेः पूर्वेण वितृतीयदेशे स्फ्यं तिर्यञ्चं स्तब्ध्वा प्रोक्षणीर् आसादयेत्य् आग्नीध्रं संप्रेष्यति
purā krūrasyety abhimantrya paścārdhe vedeḥ pūrveṇa vitṛtīyadeśe sphyaṃ tiryañcaṃ stabdhvā prokṣaṇīr āsādayety āgnīdhraṃ saṃpreṣyati
- 4
आग्नीध्रो हवन्यां तिरः पवित्रम् अप आनीयोदञ्चं स्फ्यम् अपकृष्यान्तर्वेदि हवनीं धारयन्स्फ्यस्य वर्त्मन्य् उपनिनीय ऋतसधः स्थेति स्फ्यपदे सादयति
āgnīdhro havanyāṃ tiraḥ pavitram apa ānīyodañcaṃ sphyam apakṛṣyāntarvedi havanīṃ dhārayansphyasya vartmany upaninīya ṛtasadhaḥ stheti sphyapade sādayati
- 5
यं द्विष्यात्तं ध्यायेत्
yaṃ dviṣyāttaṃ dhyāyet
- 6
शतभृष्टिर् असीत्य् उत्करे स्फ्यम् उदस्यति
śatabhṛṣṭir asīty utkare sphyam udasyati
- 7
यं द्विष्यात्तं ध्यायेत्
yaṃ dviṣyāttaṃ dhyāyet
- 8
ईडेन्यक्रतूर् इति यजमानः प्रोक्षणीर् आसाद्यमाना अनुमन्त्रयते
īḍenyakratūr iti yajamānaḥ prokṣaṇīr āsādyamānā anumantrayate
- 9
आग्नीध्रो हस्ताव् अवनेनेक्ति
āgnīdhro hastāv avanenekti
- 10
नानवनिज्य पात्राणि संमृशति न च वेदिम् आ स्तरणात्स्फ्यं प्रक्षालयति नाग्रं परिमृशति
nānavanijya pātrāṇi saṃmṛśati na ca vedim ā staraṇātsphyaṃ prakṣālayati nāgraṃ parimṛśati
- 11
आहवनीयम् उत्तरेण प्रणीता इध्माबर्हिर् उपसादयति प्रागग्रं दक्षिणम् इध्मम् उत्तरं बर्हिः
āhavanīyam uttareṇa praṇītā idhmābarhir upasādayati prāgagraṃ dakṣiṇam idhmam uttaraṃ barhiḥ
- 12
वेदाग्रैः स्रुवं स्रुचश्च सह संमार्ष्टि
vedāgraiḥ sruvaṃ srucaśca saha saṃmārṣṭi
- 13
अनिशिताः स्थ सपत्नक्षयणीर् इत्य् अभिमन्त्र्य घृताचीर् एतेति दक्षिणेन पाणिना स्रुवं जुहूपभृतौ सव्येन ध्रुवां प्राशित्रहरणं वेदाग्राणि चादाय प्रत्युष्टम् इति गार्हपत्ये निष्टप्य गोष्ठं मा निर्मृक्षम् इति स्रुवम् अग्रैर् अन्तरतो ऽभ्याकारं सर्वतो बिलम् अभिसमाहारं निर्लेपं त्रिर् अभितः संमार्ष्टि बाह्यतो मूलैर्दण्डम्
aniśitāḥ stha sapatnakṣayaṇīr ity abhimantrya ghṛtācīr eteti dakṣiṇena pāṇinā sruvaṃ juhūpabhṛtau savyena dhruvāṃ prāśitraharaṇaṃ vedāgrāṇi cādāya pratyuṣṭam iti gārhapatye niṣṭapya goṣṭhaṃ mā nirmṛkṣam iti sruvam agrair antarato 'bhyākāraṃ sarvato bilam abhisamāhāraṃ nirlepaṃ trir abhitaḥ saṃmārṣṭi bāhyato mūlairdaṇḍam
- 14
वाचं प्राणम् इति जुहूं चक्षुः श्रोत्रम् इत्य् उपभृतं प्रजां योनिम् इति ध्रुवां तूष्णीं प्राशित्रहरणम्
vācaṃ prāṇam iti juhūṃ cakṣuḥ śrotram ity upabhṛtaṃ prajāṃ yonim iti dhruvāṃ tūṣṇīṃ prāśitraharaṇam
- 15
पूर्ववत्स्रुचः प्राशित्रहरणं च निष्टप्योत्तरतो वेदिश्रोण्यां निदधाति
pūrvavatsrucaḥ prāśitraharaṇaṃ ca niṣṭapyottarato vediśroṇyāṃ nidadhāti

