41 shlokas
- 1
अध्वर्यो अद्रिभिः सुतम् इति गायत्री भवत्य् अह्नो धृत्यै
adhvaryo adribhiḥ sutam iti gāyatrī bhavaty ahno dhṛtyai
- 2
गायत्र्यः सत्यस्त्रिष्टुभो रूपेण त्रैष्टुभं ह्य् एतद् अहः
gāyatryaḥ satyastriṣṭubho rūpeṇa traiṣṭubhaṃ hy etad ahaḥ
- 3
अभि सोमास आयव इत्य् अभीति रथन्तरस्य रूपं बृहद् इति बृहत उभयोः सह रूपम् उपैत्य् उभौ हि वर्णाव् एतद् अहः
abhi somāsa āyava ity abhīti rathantarasya rūpaṃ bṛhad iti bṛhata ubhayoḥ saha rūpam upaity ubhau hi varṇāv etad ahaḥ
- 4
धर्ता दिवः पवते कृत्व्यो रस इत्य् अधृत इव वा एषस्त्र्यहो यद्धर्तेति धृत्या एव
dhartā divaḥ pavate kṛtvyo rasa ity adhṛta iva vā eṣastryaho yaddharteti dhṛtyā eva
- 5
जगत्यः सत्यस्त्रिष्टुभो रूपेण तस्मात्त्रिष्टुभो लोके क्रियन्ते
jagatyaḥ satyastriṣṭubho rūpeṇa tasmāttriṣṭubho loke kriyante
- 6
गायत्रं भवति यद् एव गायत्रस्य ब्राह्मणम्
gāyatraṃ bhavati yad eva gāyatrasya brāhmaṇam
- 7
वैरूपं भवति
vairūpaṃ bhavati
- 8
पशवो वै वैरूपं पशूनाम् अवरुद्ध्यै विरूपः संवत्सरो विरूपम् अन्नम् अन्नाद्यस्यावरुद्ध्यै
paśavo vai vairūpaṃ paśūnām avaruddhyai virūpaḥ saṃvatsaro virūpam annam annādyasyāvaruddhyai
- 9
आशु भार्गवं भवति
āśu bhārgavaṃ bhavati
- 10
अहर्वा एतद् अव्लीयत तद्देवा आशुनाभ्यधिन्वंस्तद् आशोर् आशुत्वम्
aharvā etad avlīyata taddevā āśunābhyadhinvaṃstad āśor āśutvam
- 11
मार्गीयवं भवति
mārgīyavaṃ bhavati
- 12
देवं वा एतं मृगयुर् इति वदन्त्य् एतेन वै स उभयेषां पशूनाम् आधिपत्यम् आश्नुतोभयेषां पशूनाम् आधिपत्यम् अश्नुते मार्गीयवेण तुष्टुवानः
devaṃ vā etaṃ mṛgayur iti vadanty etena vai sa ubhayeṣāṃ paśūnām ādhipatyam āśnutobhayeṣāṃ paśūnām ādhipatyam aśnute mārgīyaveṇa tuṣṭuvānaḥ
- 13
सौमित्रं भवति
saumitraṃ bhavati
- 14
यद् एव सौमित्रस्य ब्राह्मणम्
yad eva saumitrasya brāhmaṇam
- 15
ऐटतं भवति
aiṭataṃ bhavati
- 16
इढन्वा एतेन काव्यो ऽञ्जसा स्वर्गं लोकम् अपश्यत्स्वर्गस्य लोकस्यानुख्यात्यै स्वर्गाल्लोकान्न च्यवते तुष्टुवानः
iḍhanvā etena kāvyo 'ñjasā svargaṃ lokam apaśyatsvargasya lokasyānukhyātyai svargāllokānna cyavate tuṣṭuvānaḥ
- 17
साकमश्वं भवति यद् एव साकमश्वस्य ब्राह्मणम्
sākamaśvaṃ bhavati yad eva sākamaśvasya brāhmaṇam
- 18
तद् उ धुरां सामेत्य् आहुः प्राणा वै धुरः प्राणानाम् अवरुद्ध्यै
tad u dhurāṃ sāmety āhuḥ prāṇā vai dhuraḥ prāṇānām avaruddhyai
- 19
विलम्बसौपर्णं भवति
vilambasauparṇaṃ bhavati
- 20
आत्मा वा एष सौपर्णानां यद् अष्टमे ऽहनि पक्षाव् एताव् अभितो भवतो ये सप्तमनवमयोर्वीव वा अन्तरात्मा पक्षौ लम्बते यदन्तरात्मा पक्षौ विलम्बते तस्माद्विलम्बसौपर्णम्
ātmā vā eṣa sauparṇānāṃ yad aṣṭame 'hani pakṣāv etāv abhito bhavato ye saptamanavamayorvīva vā antarātmā pakṣau lambate yadantarātmā pakṣau vilambate tasmādvilambasauparṇam
- 21
स्वर्गस्य लोकस्य समष्ट्यै सौपर्णं क्रियते
svargasya lokasya samaṣṭyai sauparṇaṃ kriyate
- 22
द्विहिंकारं वामदेव्यं भवत्यन्नाद्यस्यावरुद्ध्यै
dvihiṃkāraṃ vāmadevyaṃ bhavatyannādyasyāvaruddhyai
- 23
द्वितीयं ह्य् एतद्रूपं यच्छन्दोमाः
dvitīyaṃ hy etadrūpaṃ yacchandomāḥ
- 24
पशवो वै वामदेव्यं पशवश्छन्दोमाः पशुष्व् एव तत्पशून्संदधाति
paśavo vai vāmadevyaṃ paśavaśchandomāḥ paśuṣv eva tatpaśūnsaṃdadhāti
- 25
गायत्रपार्श्वं भवति
gāyatrapārśvaṃ bhavati
- 26
अहर्वा एतद् अव्लीयत तद्देवा गायत्रपार्श्वेन समतन्वंस्तस्माद्गायत्रपार्श्वम्
aharvā etad avlīyata taddevā gāyatrapārśvena samatanvaṃstasmādgāyatrapārśvam
- 27
त्रिरात्रो यद्व्यशीर्यत तम् एतैः सामभिर् अभिषज्यन्गायत्रपार्श्वेनोपायच्छन्सन्तनिना समतन्वन्संकृतिना समस्कुर्वन्प्रतिष्ठितौ पूर्वौ त्रिरात्राव् अप्रतिष्ठित एष यद् एतान्य् एव सामानि क्रियन्त एतस्यैव प्रतिष्ठित्यै
trirātro yadvyaśīryata tam etaiḥ sāmabhir abhiṣajyangāyatrapārśvenopāyacchansantaninā samatanvansaṃkṛtinā samaskurvanpratiṣṭhitau pūrvau trirātrāv apratiṣṭhita eṣa yad etāny eva sāmāni kriyanta etasyaiva pratiṣṭhityai
- 28
पौरुहन्मनं भवति
pauruhanmanaṃ bhavati
- 29
पुरुहन्मा वा एतेन वैखानसो ऽञ्जसा स्वर्गं लोकम् अपश्यत्स्वर्गस्य लोकस्यानुख्यात्यै स्वर्गाल्लोकान्न च्यवते तुष्टुवानः
puruhanmā vā etena vaikhānaso 'ñjasā svargaṃ lokam apaśyatsvargasya lokasyānukhyātyai svargāllokānna cyavate tuṣṭuvānaḥ
- 30
अभ्याघात्यं भवत्य् अभ्याघात्यसामानो हि छन्दोमाः
abhyāghātyaṃ bhavaty abhyāghātyasāmāno hi chandomāḥ

