9 shlokas
- 1
शिशुं जज्ञानं हर्यतं मृजन्तीत्य् अष्टमस्याह्नः प्रतिपद्भवति
śiśuṃ jajñānaṃ haryataṃ mṛjantīty aṣṭamasyāhnaḥ pratipadbhavati
- 2
शिशुर् इव वा एष सप्तमेनाह्ना जायते तम् अष्टमेनाह्ना मृजन्ति
śiśur iva vā eṣa saptamenāhnā jāyate tam aṣṭamenāhnā mṛjanti
- 3
स्तोत्रीयस्तृचो भवति प्राणापानानाम् अवरुद्ध्यै
stotrīyastṛco bhavati prāṇāpānānām avaruddhyai
- 4
हरिवत्यो भवन्ति छन्दोमानाम् अयातयामतायै
harivatyo bhavanti chandomānām ayātayāmatāyai
- 5
नवर्चा भवन्ति
navarcā bhavanti
- 6
पञ्चर्चो भवति पञ्चपदा पङ्क्तिः पाङ्क्तम् अन्नम् अन्नाद्यस्यावरुद्ध्यै
pañcarco bhavati pañcapadā paṅktiḥ pāṅktam annam annādyasyāvaruddhyai
- 7
वाणवान्भवत्य् अन्तो वै वाणो ऽन्त एतद् अष्टमम् अह्नाम् अन्त एव तद् अन्तेन स्तुवते प्रतिष्ठायै
vāṇavānbhavaty anto vai vāṇo 'nta etad aṣṭamam ahnām anta eva tad antena stuvate pratiṣṭhāyai
- 8
त्रयस्तृचा भवन्ति प्राणापानानां सन्तत्यै
trayastṛcā bhavanti prāṇāpānānāṃ santatyai
- 9
चतुश्चत्वारिंश एव स्तोमो भवत्योजस्येव तद्वीर्ये प्रतितिष्ठत्योजोवीर्यं त्रिष्टुप्
catuścatvāriṃśa eva stomo bhavatyojasyeva tadvīrye pratitiṣṭhatyojovīryaṃ triṣṭup

