6 shlokas
- 1
मूर्धानं दिवो अरतिम्पृथिव्या इत्य् आग्नेयम् आज्यं भवति
mūrdhānaṃ divo aratimpṛthivyā ity āgneyam ājyaṃ bhavati
- 2
मूर्धा वा एष दिवो यस्तृतीयस्त्रिरात्रः
mūrdhā vā eṣa divo yastṛtīyastrirātraḥ
- 3
वैश्वानरम् ऋत आजातम् अग्निम् इति वैश्वानर इति वा अग्नेः प्रियं धाम प्रियेणैवैनं तद्धाम्ना परोक्षम् उपशिक्षति
vaiśvānaram ṛta ājātam agnim iti vaiśvānara iti vā agneḥ priyaṃ dhāma priyeṇaivainaṃ taddhāmnā parokṣam upaśikṣati
- 4
प्र वो मित्राय गायतेति द्यावापृथिवीयं मैत्रावरुणं द्यावापृथिवी वै मित्रावरुणयोः प्रियं धाम प्रियेणैवैनौ तद्धाम्ना परोक्षम् उपशिक्षति
pra vo mitrāya gāyateti dyāvāpṛthivīyaṃ maitrāvaruṇaṃ dyāvāpṛthivī vai mitrāvaruṇayoḥ priyaṃ dhāma priyeṇaivainau taddhāmnā parokṣam upaśikṣati
- 5
इन्द्रायाहि चित्रभानव् इत्य् आर्भवम् ऐन्द्रम् ऋभवो वा इन्द्रस्य प्रियं धाम प्रियेणैवैनं तद्धाम्ना परोक्षम् उपशिक्षति
indrāyāhi citrabhānav ity ārbhavam aindram ṛbhavo vā indrasya priyaṃ dhāma priyeṇaivainaṃ taddhāmnā parokṣam upaśikṣati
- 6
तम् ईडिष्व यो अर्चिषेत्य् अनिरुक्तम् ऐन्द्राग्नं देवतानाम् अनभिधर्षायोत्तमार्धे निराह देवतानाम् अप्रणाशाय स्तोमः
tam īḍiṣva yo arciṣety aniruktam aindrāgnaṃ devatānām anabhidharṣāyottamārdhe nirāha devatānām apraṇāśāya stomaḥ

