26 shlokas
- 1
अत्र आण् आपः आपः
atra āṇ āpaḥ āpaḥ
- 2
आङ् इति अत्र संवृतपरिपूतादिमर्यादाम् अधिकुरुते कृतान्नोत्सृष्टवद् अपदान्तरितत्वात्
āṅ iti atra saṃvṛtaparipūtādimaryādām adhikurute kṛtānnotsṛṣṭavad apadāntaritatvāt
- 3
द्वितीयास्थाने प्रथमा द्रष्टव्या
dvitīyāsthāne prathamā draṣṭavyā
- 4
आपोऽत्र लोकादिप्रसिद्धाः
āpo'tra lokādiprasiddhāḥ
- 5
तृणादिव्यावृत्तम् उदकमित्यर्थः
tṛṇādivyāvṛttam udakamityarthaḥ
- 6
वा विभागे
vā vibhāge
- 7
अन्यद्भैक्ष्यम् अन्या आप इति
anyadbhaikṣyam anyā āpa iti
- 8
अपिशब्दः सम्भावने
apiśabdaḥ sambhāvane
- 9
अप्य् अपः पीत्वा स्थेयं न तु शास्त्रव्यपेतेन क्रमेण वृत्त्यर्जनं कर्तव्यमित्यर्थः
apy apaḥ pītvā stheyaṃ na tu śāstravyapetena krameṇa vṛttyarjanaṃ kartavyamityarthaḥ
- 10
यथा इतिशब्दः समानार्थे
yathā itiśabdaḥ samānārthe
- 11
यथा भैक्ष्योपदेशं कृत्वा योगकर्मण्युद्यमः कर्तव्य इति व्याख्यातं तथा अपः पीत्वेति
yathā bhaikṣyopadeśaṃ kṛtvā yogakarmaṇyudyamaḥ kartavya iti vyākhyātaṃ tathā apaḥ pītveti
- 12
कालोऽत्र द्विविधः अलाभकालः अपर्याप्तिकालश्च
kālo'tra dvividhaḥ alābhakālaḥ aparyāptikālaśca
- 13
तत्र यदा ग्रामं नगरं वा कृत्स्नमटित्वा न किंचिदासादयति सः अलाभकालः अपर्याप्तिकालो नाम यदा भिक्षां भिक्षाद्वयं वा आसादयति तदा अपः पीत्वापि स्थेयम्
tatra yadā grāmaṃ nagaraṃ vā kṛtsnamaṭitvā na kiṃcidāsādayati saḥ alābhakālaḥ aparyāptikālo nāma yadā bhikṣāṃ bhikṣādvayaṃ vā āsādayati tadā apaḥ pītvāpi stheyam
- 14
आह एवं स्थितेन किमनेन कर्तव्यम्
āha evaṃ sthitena kimanena kartavyam
- 15
तदुच्यते उपयोक्तव्यम्
taducyate upayoktavyam
- 16
यस्मादाह अश्नीयादनुपूर्वशः इति
yasmādāha aśnīyādanupūrvaśaḥ iti
- 17
अश्नीयादिति योगक्रियानुपरोधेनाहारलाघवमर्यादाम् अधिकुरुते
aśnīyāditi yogakriyānuparodhenāhāralāghavamaryādām adhikurute
- 18
अश भोजने
aśa bhojane
- 19
अश्नीयादनुपूर्वशः
aśnīyādanupūrvaśaḥ
- 20
अनु पृष्ठकर्मक्रियायाम्
anu pṛṣṭhakarmakriyāyām
- 21
अनुपूर्वश इति अतिक्रान्तापेक्षणे प्रकारवचने च
anupūrvaśa iti atikrāntāpekṣaṇe prakāravacane ca
- 22
यथापूर्वं ग्रामादि प्रविश्य भैक्ष्यार्जनं कृत्वालाभकाले अपर्याप्तिकाले वा तदनु पश्चाद् अपः पीत्वा स्थेयमिति कृत्वा भगवता एतदुक्तम् अश्नीयादनुपूर्वश इति
yathāpūrvaṃ grāmādi praviśya bhaikṣyārjanaṃ kṛtvālābhakāle aparyāptikāle vā tadanu paścād apaḥ pītvā stheyamiti kṛtvā bhagavatā etaduktam aśnīyādanupūrvaśa iti
- 23
अत्र श्लोको निर्वचनः
atra śloko nirvacanaḥ
- 24
आह शून्यागारगुहावस्थस्येन्द्रियजयेन वर्ततोऽस्य बलं किं चिन्त्यते किमकलुषत्वमेव
āha śūnyāgāraguhāvasthasyendriyajayena vartato'sya balaṃ kiṃ cintyate kimakaluṣatvameva
- 25
तदुच्यते न
taducyate na
- 26
यस्मादाह
yasmādāha

