325 shlokas
- 1
अत्र महान् इत्य् अभ्यधिकत्वे
atra mahān ity abhyadhikatve
- 2
सर्वक्षेत्रज्ञानाम् अभ्यधिक उत्कृष्टो व्यतिरिक्तश्च भवतीत्य् अभ्यधिकः
sarvakṣetrajñānām abhyadhika utkṛṣṭo vyatiriktaśca bhavatīty abhyadhikaḥ
- 3
ऋषिर्विप्रः अधिपतिः
ṛṣirvipraḥ adhipatiḥ
- 4
सदाशिवत्वम् अभ्यधिकत्वं च प्रवक्ष्यामः
sadāśivatvam abhyadhikatvaṃ ca pravakṣyāmaḥ
- 5
अत्र देव इति दिवु क्रीडायाम्
atra deva iti divu krīḍāyām
- 6
क्रीडाधर्मित्वात्
krīḍādharmitvāt
- 7
अग्न्युष्णत्ववत्
agnyuṣṇatvavat
- 8
क्रीडावान् एव भगवान्विद्याकलापशुसंज्ञकं त्रिविधम् अपि कार्यम् उत्पादयति अनुगृह्णाति तिरोभावयति च
krīḍāvān eva bhagavānvidyākalāpaśusaṃjñakaṃ trividham api kāryam utpādayati anugṛhṇāti tirobhāvayati ca
- 9
उक्तं हि
अप्रचोद्यः प्रचोद्यैस्तु कामकारकरः प्रभुः
क्रीडते भगवान्लोकैर्बालः क्रीडनकैर् इव
uktaṃ hi
apracodyaḥ pracodyaistu kāmakārakaraḥ prabhuḥ
krīḍate bhagavānlokairbālaḥ krīḍanakair iva
- 10
देवस्य इति षष्ठी
devasya iti ṣaṣṭhī
- 11
स्वस्वामिभावः सम्बन्धः
svasvāmibhāvaḥ sambandhaḥ
- 12
परिग्रहार्थम् एवाधिकुरुते
parigrahārtham evādhikurute
- 13
अत्र दक्षिणेति दिक्प्रतिविभागे भवति
atra dakṣiṇeti dikprativibhāge bhavati
- 14
आदित्यो दिशो विभजति
ādityo diśo vibhajati
- 15
दिशश्च मूर्तिं विभजन्ति
diśaśca mūrtiṃ vibhajanti
- 16
मूर्तिनाम यद् एतद्देवस्य दक्षिणे पार्श्वे स्थितेनोदङ्मुखेनोपान्ते यद्रूपम् उपलभ्यते वृषध्वजशूलपाणिनन्दिमहाकालोर्ध्वलिङ्गादिलक्षणं यद्वा लौकिकाः प्रतिपद्यन्ते महादेवस्यायतनम् इति तत्रोपस्थेयम्
mūrtināma yad etaddevasya dakṣiṇe pārśve sthitenodaṅmukhenopānte yadrūpam upalabhyate vṛṣadhvajaśūlapāṇinandimahākālordhvaliṅgādilakṣaṇaṃ yadvā laukikāḥ pratipadyante mahādevasyāyatanam iti tatropastheyam
- 17
दक्षिणामूर्तिग्रहणात्पूर्वोत्तरपश्चिमानां मूर्तीनां प्रतिषेधः
dakṣiṇāmūrtigrahaṇātpūrvottarapaścimānāṃ mūrtīnāṃ pratiṣedhaḥ
- 18
मूर्तिनियोगाच्च मूर्त्यभावे नियमलोपः
mūrtiniyogācca mūrtyabhāve niyamalopaḥ
- 19
भैक्ष्यानुपयोगान्निर्घातानाम् उक्तत्वाच्चेत्य् अर्थः
bhaikṣyānupayogānnirghātānām uktatvāccety arthaḥ
- 20
विधिर् इत्य् उपदिष्टानाम् अर्थानां भस्मस्नानोपदेशाद् अप्सु स्नानादीनां प्रतिषेधः
vidhir ity upadiṣṭānām arthānāṃ bhasmasnānopadeśād apsu snānādīnāṃ pratiṣedhaḥ
- 21
भस्मशयनोपदेशाद्विषयशयनादीनां प्रतिषेधः
bhasmaśayanopadeśādviṣayaśayanādīnāṃ pratiṣedhaḥ
- 22
आयतने वसत्य् अर्थोपदेशाच्छेषवसत्यर्थप्रतिषेधः
āyatane vasaty arthopadeśāccheṣavasatyarthapratiṣedhaḥ
- 23
हसिताद्युपदेशाच्छेषोपहारप्रतिषेधः
hasitādyupadeśāccheṣopahārapratiṣedhaḥ
- 24
निर्माल्योपदेशात्प्रत्यग्राणां माल्यानां प्रतिषेधः
nirmālyopadeśātpratyagrāṇāṃ mālyānāṃ pratiṣedhaḥ
- 25
भस्मनिर्माल्यलिङ्गोपदेशाच्छेषलिङ्गप्रतिषेधः
bhasmanirmālyaliṅgopadeśāccheṣaliṅgapratiṣedhaḥ
- 26
महादेवग्रहणाद् अन्यदेवताभक्तिप्रतिषेधः
mahādevagrahaṇād anyadevatābhaktipratiṣedhaḥ
- 27
दक्षिणामूर्तिग्रहणात्पूर्वपश्चिमानां मूर्तीनां प्रतिषेधः
dakṣiṇāmūrtigrahaṇātpūrvapaścimānāṃ mūrtīnāṃ pratiṣedhaḥ
- 28
एवं दक्षिणामूर्तिर् इत्य् उक्ते अस्य ब्राह्मणस्य पूर्वप्रसिद्धा नियमा नियमैः प्रतिषिध्यन्ते
evaṃ dakṣiṇāmūrtir ity ukte asya brāhmaṇasya pūrvaprasiddhā niyamā niyamaiḥ pratiṣidhyante
- 29
कीलकप्रतिकीलकवत्पुराणोदकनवोदकवच्चेति
kīlakapratikīlakavatpurāṇodakanavodakavacceti
- 30
अत्रेदं भस्मप्रकरणं समाप्तम्
atredaṃ bhasmaprakaraṇaṃ samāptam

