15 shlokas
- 1
अत्र यथान्येषाम् अपि वर्णाश्रमिणाम् आश्रमप्रतिविभागकराणि लिङ्गानि भवन्ति
atra yathānyeṣām api varṇāśramiṇām āśramaprativibhāgakarāṇi liṅgāni bhavanti
- 2
तत्र गृहस्थस्य तावद्वासस्त्रयं वैणवी यष्टिः सोदकं च कमण्डलु सोत्तरोष्ठवपनं यज्ञोपवीतादि लिङ्गम्
tatra gṛhasthasya tāvadvāsastrayaṃ vaiṇavī yaṣṭiḥ sodakaṃ ca kamaṇḍalu sottaroṣṭhavapanaṃ yajñopavītādi liṅgam
- 3
तथा ब्रह्मचारिणो ऽपि दण्डकमण्डलुमौञ्जीमेखलायज्ञोपवीतकृष्णाजिनादि लिङ्गम्
tathā brahmacāriṇo 'pi daṇḍakamaṇḍalumauñjīmekhalāyajñopavītakṛṣṇājinādi liṅgam
- 4
तथा वानप्रस्थस्यापि करीरचीरवल्कलकूर्चजटाधारणादि लिङ्गम्
tathā vānaprasthasyāpi karīracīravalkalakūrcajaṭādhāraṇādi liṅgam
- 5
तथा भिक्षोस्त्रिदण्डमुण्डकमण्डलुकाषायवासोजलपवित्रस्थलपवित्रादि लिङ्गम्
tathā bhikṣostridaṇḍamuṇḍakamaṇḍalukāṣāyavāsojalapavitrasthalapavitrādi liṅgam
- 6
एवम् इहापि यद् एतत्पाशुपतयोगाधिकरणं लिङ्गम् इत्य् आश्रमप्रतिविभागकरं भस्मस्नानशयनानुस्नाननिर्माल्यैकवासादिनिष्पन्नं स्वशरीरलीनं पाशुपतम् इति लौकिकादिज्ञानजनकं तत्
evam ihāpi yad etatpāśupatayogādhikaraṇaṃ liṅgam ity āśramaprativibhāgakaraṃ bhasmasnānaśayanānusnānanirmālyaikavāsādiniṣpannaṃ svaśarīralīnaṃ pāśupatam iti laukikādijñānajanakaṃ tat
- 7
लीयनाल्लिङ्गनाच्च लिङ्गम्
līyanālliṅganācca liṅgam
- 8
तद्धारयन्लिङ्गधारी भवति
taddhārayanliṅgadhārī bhavati
- 9
दण्डधारिवद् इत्य् अर्थः
daṇḍadhārivad ity arthaḥ
- 10
आह अथैते स्नानशयनानुस्नानादयो ऽर्थाः क्व कर्तव्याः
āha athaite snānaśayanānusnānādayo 'rthāḥ kva kartavyāḥ
- 11
कुतो वा निर्माल्यस्यार्जनं कर्तव्यम्
kuto vā nirmālyasyārjanaṃ kartavyam
- 12
कुत्रस्थेन वा तद्धार्यम्
kutrasthena vā taddhāryam
- 13
कृतलिङ्गेन वा क्व वस्तव्यम्
kṛtaliṅgena vā kva vastavyam
- 14
तद् उच्यते आयतने
tad ucyate āyatane
- 15
यस्माद् आह
yasmād āha

