24 shlokas
- 1
यत्पुरस्ताद्वेदेः प्रथमं बर्हि स्तृणाति तस्माद् इमाः प्रजाः शिरस्तः प्रथमं लोमशा जायन्ते
yatpurastādvedeḥ prathamaṃ barhi stṛṇāti tasmād imāḥ prajāḥ śirastaḥ prathamaṃ lomaśā jāyante
- 2
यद् अपरम् इव प्रस्तरम् अनुप्रस्तृणाति तस्माद् आसाम् अपरम् इव श्मश्रूण्य् उपकक्षाण्य् अन्यानि लोमानि जायन्ते
yad aparam iva prastaram anuprastṛṇāti tasmād āsām aparam iva śmaśrūṇy upakakṣāṇy anyāni lomāni jāyante
- 3
यत्प्राग्बर्हिषः प्रस्तरम् अनुप्रहरति तस्माद् इमाः प्रजाः शिरस्तः प्रथमं पलिता भवन्ति
yatprāgbarhiṣaḥ prastaram anupraharati tasmād imāḥ prajāḥ śirastaḥ prathamaṃ palitā bhavanti
- 4
यद् अन्ततः सर्वम् एवानुप्रहरति तस्माद् अन्ततः सर्व एव पलिता भवन्ति
yad antataḥ sarvam evānupraharati tasmād antataḥ sarva eva palitā bhavanti
- 5
यत्प्रयाजा अपुरोनुवाक्यावन्तो भवन्ति तस्माद् इमाः प्रजा अदन्तिका जायन्ते
yatprayājā apuronuvākyāvanto bhavanti tasmād imāḥ prajā adantikā jāyante
- 6
यद्धवींषि पुरोनुवाक्यावन्ति भवन्ति तस्माद् आसाम् अपरम् इव जायन्ते
yaddhavīṃṣi puronuvākyāvanti bhavanti tasmād āsām aparam iva jāyante
- 7
यद् अनुयाजा अपुरोनुवाक्यावन्तो भवन्ति तस्माद् आसां सप्तवर्षाष्टवर्षाणां प्रभिद्यन्ते
yad anuyājā apuronuvākyāvanto bhavanti tasmād āsāṃ saptavarṣāṣṭavarṣāṇāṃ prabhidyante
- 8
यत्पत्नीसंयाजाः पुरोनुवाक्यावन्तो भवन्ति तस्माद् आसां पुनर् एव जायन्ते
yatpatnīsaṃyājāḥ puronuvākyāvanto bhavanti tasmād āsāṃ punar eva jāyante
- 9
यत्समिष्टयजुर् अपुरोनुवाक्यावद्भवति तस्माद् अन्ततः सर्व एव प्रभिद्यन्ते
yatsamiṣṭayajur apuronuvākyāvadbhavati tasmād antataḥ sarva eva prabhidyante
- 10
यद्गायत्र्यानूच्य त्रिष्टुभा यजति तस्माद् अधरे दन्ताः पूर्वे जायन्ते पर उत्तरे
yadgāyatryānūcya triṣṭubhā yajati tasmād adhare dantāḥ pūrve jāyante para uttare
- 11
यद् ऋचानूच्य यजुषा यजति तस्माद् अधरे दन्ता अणीयांसो ह्रसीयांसः प्रथीयांसो वर्षीयांस उत्तरे
yad ṛcānūcya yajuṣā yajati tasmād adhare dantā aṇīyāṃso hrasīyāṃsaḥ prathīyāṃso varṣīyāṃsa uttare
- 12
यद् आघारौ दीर्घतरौ प्राञ्चाव् आघारयति तस्माद् इमौ दंष्ट्रौ दीर्घतरौ
yad āghārau dīrghatarau prāñcāv āghārayati tasmād imau daṃṣṭrau dīrghatarau
- 13
यत्संयाज्ये सच्छन्दसी तस्मात्समे इव जम्भे
yatsaṃyājye sacchandasī tasmātsame iva jambhe
- 14
यच्चतुर्थे प्रयाजे समानयति तस्माद् इमे श्रोत्रे अन्तरतः समे इव दीर्णे
yaccaturthe prayāje samānayati tasmād ime śrotre antarataḥ same iva dīrṇe
- 15
यज्जपं जपित्वाभिहिङ्कृणोति तस्मात्पुमांसः श्मश्रुवन्तो ऽश्मश्रुव स्त्रियः
yajjapaṃ japitvābhihiṅkṛṇoti tasmātpumāṃsaḥ śmaśruvanto 'śmaśruva striyaḥ
- 16
यत्सामिधेनीः संतन्वन्न् अन्वाह तस्माद् आसां संततम् इव शरीरं भवति
yatsāmidhenīḥ saṃtanvann anvāha tasmād āsāṃ saṃtatam iva śarīraṃ bhavati
- 17
यत्सामिधेन्यः काष्ठहविषो भवन्ति तस्माद् आसाम् अस्थीनि दृढतराणीव भवन्ति
yatsāmidhenyaḥ kāṣṭhahaviṣo bhavanti tasmād āsām asthīni dṛḍhatarāṇīva bhavanti
- 18
यत्प्रयाजा आज्यहविषो भवन्ति तस्माद् आसां प्रथमे वयसि रेतः सिक्तं न सम्भवति
yatprayājā ājyahaviṣo bhavanti tasmād āsāṃ prathame vayasi retaḥ siktaṃ na sambhavati
- 19
यन्मध्ये हविषां दध्ना च पुरोडाशेन च प्रचरन्ति तस्माद् आसां मध्यमे वयसि रेतः सिक्तं सम्भवति
yanmadhye haviṣāṃ dadhnā ca puroḍāśena ca pracaranti tasmād āsāṃ madhyame vayasi retaḥ siktaṃ sambhavati
- 20
यद् अनुयाजा आज्यहविषो भवन्ति तस्माद् आसाम् उत्तमे वयसि रेतः सिक्तं न सम्भवति
yad anuyājā ājyahaviṣo bhavanti tasmād āsām uttame vayasi retaḥ siktaṃ na sambhavati
- 21
यद् उत्तमे ऽनुयाजे सकृद् अपानिति तस्माद् इदं शिश्नम् उच्चश एति नीची पद्यते
yad uttame 'nuyāje sakṛd apāniti tasmād idaṃ śiśnam uccaśa eti nīcī padyate
- 22
यन्नापानेत्सकृच्छूनं स्यात्
yannāpānetsakṛcchūnaṃ syāt
- 23
यन्मुहुर् अपानेत्सकृत्पन्नं स्यात्
yanmuhur apānetsakṛtpannaṃ syāt
- 24
तस्मात्सकृद् अपानिति नेत्सकृच्छूनं स्यात्सकृत्पन्नं वेति
tasmātsakṛd apāniti netsakṛcchūnaṃ syātsakṛtpannaṃ veti

