8 shlokas
- 1
अग्निहोत्रं च मा पौर्णमासश्च यज्ञः पुरस्तात्प्रत्यञ्चम् उभौ कामप्रौ भूत्वा क्षित्या सहाविशताम्
agnihotraṃ ca mā paurṇamāsaśca yajñaḥ purastātpratyañcam ubhau kāmaprau bhūtvā kṣityā sahāviśatām
- 2
वसतिश्च मामावास्यश्च यज्ञः पश्चात्प्राञ्चम् उभाव् इति समानम्
vasatiśca māmāvāsyaśca yajñaḥ paścātprāñcam ubhāv iti samānam
- 3
मनश्च मा पितृयज्ञश्च यज्ञो दक्षिणत उदञ्चम् उभाव् इति समानम्
manaśca mā pitṛyajñaśca yajño dakṣiṇata udañcam ubhāv iti samānam
- 4
वाक्च मेष्टिश्चोत्तरतो दक्षिणाञ्चम् उभाव् इति समानम्
vākca meṣṭiścottarato dakṣiṇāñcam ubhāv iti samānam
- 5
रेतश्च मान्नं चेत ऊर्ध्वम् उभाव् इति समानम्
retaśca mānnaṃ ceta ūrdhvam ubhāv iti samānam
- 6
चक्षुश्च मा पशुबन्धश्च यज्ञो ऽमुतो ऽर्वाञ्चम् उभौ कामप्रौ भूत्वाक्षित्या सहाविशताम् इति खलु ह वै दीक्षितो य आत्मनि वसूनि धत्ते न चैवास्य काचनार्तिर्भवति न च यज्ञविष्कन्धम् उपयात्य् अपहन्ति पुनर्मृत्युम्
cakṣuśca mā paśubandhaśca yajño 'muto 'rvāñcam ubhau kāmaprau bhūtvākṣityā sahāviśatām iti khalu ha vai dīkṣito ya ātmani vasūni dhatte na caivāsya kācanārtirbhavati na ca yajñaviṣkandham upayāty apahanti punarmṛtyum
- 7
अपात्येति पुनराजातिम्
apātyeti punarājātim
- 8
कामचारो ऽस्य सर्वेषु लोकेषु भाति य एवं वेद यश्चैवं विद्वान्दीक्षाम् उपैतीति ब्राह्मणम्
kāmacāro 'sya sarveṣu lokeṣu bhāti ya evaṃ veda yaścaivaṃ vidvāndīkṣām upaitīti brāhmaṇam

