9 shlokas
- 1
तद्यद् औदुम्बर्यां म आसिष्ट हिङ्ङकार्षीन्मे प्रास्तावीन्म उदगासीन्मे सुब्रह्मण्याम् आह्वासीद् इत्य् उद्गात्रे दक्षिणा नीयन्ते
tadyad audumbaryāṃ ma āsiṣṭa hiṅṅakārṣīnme prāstāvīnma udagāsīnme subrahmaṇyām āhvāsīd ity udgātre dakṣiṇā nīyante
- 2
ग्रहान्मे ऽग्रहीत्प्राचारीन्मे ऽशुश्रुवन्मे समनसस्कार्षीद् अयाक्षीन्मे ऽवषट्कार्षीन्म इत्य् अध्वर्यवे
grahānme 'grahītprācārīnme 'śuśruvanme samanasaskārṣīd ayākṣīnme 'vaṣaṭkārṣīnma ity adhvaryave
- 3
होतृषदन आसिष्टायाक्षीन्मे ऽशांसीन्मे ऽवषट्कार्षीन्म इति होत्रे
hotṛṣadana āsiṣṭāyākṣīnme 'śāṃsīnme 'vaṣaṭkārṣīnma iti hotre
- 4
देवयजनं मे चीकॢपद्ब्रह्मासादं मे ऽसीसृपद्ब्रह्मजपान्मे ऽजपीत्पुरस्ताद्धोमसंस्थितहोमान्मे ऽहौषीद् अयाक्षीन्मे ऽशांसीन्मे ऽवषट्कार्षीन्म इति ब्रह्मणे
devayajanaṃ me cīkḷpadbrahmāsādaṃ me 'sīsṛpadbrahmajapānme 'japītpurastāddhomasaṃsthitahomānme 'hauṣīd ayākṣīnme 'śāṃsīnme 'vaṣaṭkārṣīnma iti brahmaṇe
- 5
भूयिष्ठेन मा ब्रह्मणाकार्षीद् इति
bhūyiṣṭhena mā brahmaṇākārṣīd iti
- 6
एतद्वै भूयिष्ठं ब्रह्म यद्भृग्वङ्गिरसः
etadvai bhūyiṣṭhaṃ brahma yadbhṛgvaṅgirasaḥ
- 7
ये ऽङ्गिरसः स रसो ये ऽथर्वाणो ये ऽथर्वाणस्तद्भेषजम्
ye 'ṅgirasaḥ sa raso ye 'tharvāṇo ye 'tharvāṇastadbheṣajam
- 8
यद्भेषजं तद् अमृतं यद् अमृतं तद्ब्रह्म
yadbheṣajaṃ tad amṛtaṃ yad amṛtaṃ tadbrahma
- 9
स वा एष पूर्वेषाम् ऋत्विजाम् अर्धभागस्यार्धम् इतरेषाम् अर्धं ब्रह्मण इति ब्राह्मणम्
sa vā eṣa pūrveṣām ṛtvijām ardhabhāgasyārdham itareṣām ardhaṃ brahmaṇa iti brāhmaṇam

