18 shlokas
- 1
प्रियमेधा ह वै भरद्वाजा यज्ञविदो मन्यमानाः
priyamedhā ha vai bharadvājā yajñavido manyamānāḥ
- 2
ते ह स्म न कंचन वेदविदम् उपयन्ति
te ha sma na kaṃcana vedavidam upayanti
- 3
ते सर्वम् अविदुः
te sarvam aviduḥ
- 4
ते सहैवाविदुः
te sahaivāviduḥ
- 5
ते ऽग्निहोत्र एव न समवदन्त
te 'gnihotra eva na samavadanta
- 6
तेषाम् एकः सकृद् अग्निहोत्रम् अजुहोद्द्विर् एकस्त्रिर् एकः
teṣām ekaḥ sakṛd agnihotram ajuhoddvir ekastrir ekaḥ
- 7
तेषां यः सकृद् अग्निहोत्रम् अजुहोत्तम् इतराव् अपृच्छतां कस्मै त्वं जुहोषीति
teṣāṃ yaḥ sakṛd agnihotram ajuhottam itarāv apṛcchatāṃ kasmai tvaṃ juhoṣīti
- 8
एकधा वा इदं सर्वं प्रजापतिः
ekadhā vā idaṃ sarvaṃ prajāpatiḥ
- 9
प्रजापतय एवाहं सायं जुहोमीति प्रजापतये प्रातर् इति
prajāpataya evāhaṃ sāyaṃ juhomīti prajāpataye prātar iti
- 10
तेषां यो द्विर् अजुहोत्तम् इतराव् अपृच्छतां काभ्यां त्वं जुहोषीति
teṣāṃ yo dvir ajuhottam itarāv apṛcchatāṃ kābhyāṃ tvaṃ juhoṣīti
- 11
अग्नये प्रजापतय इति सायं सूर्याय प्रजापतय इति प्रातः
agnaye prajāpataya iti sāyaṃ sūryāya prajāpataya iti prātaḥ
- 12
तेषां यस्त्रिर् अजुहोत्तम् इतरावपृच्छतां केभ्यस्त्वं जुहोषीत्य् अग्नये प्रजापतये ऽनुमतय इति सायं सूर्याय प्रजापतये ऽग्नये स्विष्टकृत इति प्रातः
teṣāṃ yastrir ajuhottam itarāvapṛcchatāṃ kebhyastvaṃ juhoṣīty agnaye prajāpataye 'numataya iti sāyaṃ sūryāya prajāpataye 'gnaye sviṣṭakṛta iti prātaḥ
- 13
तेषां यो द्विर् अजुहोत्स आर्ध्नोत्
teṣāṃ yo dvir ajuhotsa ārdhnot
- 14
स भूयिष्ठो ऽभवत्
sa bhūyiṣṭho 'bhavat
- 15
प्रजया चेतरौ श्रिया चेतराव् अत्याक्रामत्
prajayā cetarau śriyā cetarāv atyākrāmat
- 16
तस्य ह प्रजाम् इतरयोः प्रजे सजातत्वम् उपैताम्
tasya ha prajām itarayoḥ praje sajātatvam upaitām
- 17
तस्माद्द्विर्होतव्यं यजुषा चैव मनसा च
tasmāddvirhotavyaṃ yajuṣā caiva manasā ca
- 18
याम् एव स ऋद्धिम् आर्ध्नोत्ताम् ऋध्नोति य एवं वेद यश्चैवं विद्वान् अग्निहोत्रं जुहोतीति ब्राह्मणम्
yām eva sa ṛddhim ārdhnottām ṛdhnoti ya evaṃ veda yaścaivaṃ vidvān agnihotraṃ juhotīti brāhmaṇam

