13 shlokas
- 1
यस्तद्दर्शपूर्णमासयो रूपं विद्यात्कस्माद् इमाः प्रजाः शिरस्तः प्रथमं लोमशा जायन्ते कस्माद् आसाम् अपरम् इव श्मश्रूण्य् उपकक्षाण्य् अन्यानि लोमानि जायन्ते
yastaddarśapūrṇamāsayo rūpaṃ vidyātkasmād imāḥ prajāḥ śirastaḥ prathamaṃ lomaśā jāyante kasmād āsām aparam iva śmaśrūṇy upakakṣāṇy anyāni lomāni jāyante
- 2
यस्तद्दर्शपूर्णमासयो रूपं विद्यात्कस्माद् इमाः प्रजाः शिरस्तः प्रथमं पलिता भवन्ति कस्माद् अन्ततः सर्वा एव पलिता भवन्ति
yastaddarśapūrṇamāsayo rūpaṃ vidyātkasmād imāḥ prajāḥ śirastaḥ prathamaṃ palitā bhavanti kasmād antataḥ sarvā eva palitā bhavanti
- 3
यस्तद्दर्शपूर्णमासयो रूपं विद्यात्कस्माद् इमाः प्रजा अदन्तिका जायन्ते कस्माद् आसाम् अपरम् इव जायन्ते
yastaddarśapūrṇamāsayo rūpaṃ vidyātkasmād imāḥ prajā adantikā jāyante kasmād āsām aparam iva jāyante
- 4
यस्तद्दर्शपूर्णमासयो रूपं विद्यात्कस्माद् आसां सप्तवर्षाष्टवर्षाणां प्रभिद्यन्ते कस्माद् आसां पुनर् एव जायन्ते कस्माद् अन्ततः सर्व एव प्रभिद्यन्ते
yastaddarśapūrṇamāsayo rūpaṃ vidyātkasmād āsāṃ saptavarṣāṣṭavarṣāṇāṃ prabhidyante kasmād āsāṃ punar eva jāyante kasmād antataḥ sarva eva prabhidyante
- 5
यस्तद्दर्शपूर्णमासयो रूपं विद्यात्कस्माद् अधरे दन्ताः पूर्वे जायन्ते पर उत्तरे
yastaddarśapūrṇamāsayo rūpaṃ vidyātkasmād adhare dantāḥ pūrve jāyante para uttare
- 6
यस्तद्दर्शपूर्णमासयो रूपं विद्यात्कस्माद् अधरे दन्ताः अणीयांसो ह्रसीयांसः प्रथीयांसो वर्षीयांस उत्तरे
yastaddarśapūrṇamāsayo rūpaṃ vidyātkasmād adhare dantāḥ aṇīyāṃso hrasīyāṃsaḥ prathīyāṃso varṣīyāṃsa uttare
- 7
यस्तद्दर्शपूर्णमासयो रूपं विद्यात्कस्माद् इमौ दंष्ट्रौ दीर्घतरौ कस्मात्समे इव जम्भे
yastaddarśapūrṇamāsayo rūpaṃ vidyātkasmād imau daṃṣṭrau dīrghatarau kasmātsame iva jambhe
- 8
यस्तद्दर्शपूर्णमासयो रूपं विद्यात्कस्माद् इमे श्रोत्रे अन्तरतः समे इव दीर्णे
yastaddarśapūrṇamāsayo rūpaṃ vidyātkasmād ime śrotre antarataḥ same iva dīrṇe
- 9
यस्तद्दर्शपूर्णमासयो रूपं विद्यात्कस्मात्पुमांसः श्मश्रुवन्तो ऽश्मश्रुवः स्त्रियः
yastaddarśapūrṇamāsayo rūpaṃ vidyātkasmātpumāṃsaḥ śmaśruvanto 'śmaśruvaḥ striyaḥ
- 10
यस्तद्दर्शपूर्णमासयो रूपं विद्यात्कस्माद् आसां संततम् इव शरीरं भवति कस्माद् आसाम् अस्थीनि दृढतराणीव भवन्ति
yastaddarśapūrṇamāsayo rūpaṃ vidyātkasmād āsāṃ saṃtatam iva śarīraṃ bhavati kasmād āsām asthīni dṛḍhatarāṇīva bhavanti
- 11
यस्तद्दर्शपूर्णमासयो रूपं विद्यात्कस्माद् आसां प्रथमे वयसि रेतः सिक्तं न सम्भवति कस्माद् आसां मध्यमे वयसि रेतः सिक्तं सम्भवति कस्माद् आसाम् उत्तमे वयसि रेतः सिक्तं न सम्भवति
yastaddarśapūrṇamāsayo rūpaṃ vidyātkasmād āsāṃ prathame vayasi retaḥ siktaṃ na sambhavati kasmād āsāṃ madhyame vayasi retaḥ siktaṃ sambhavati kasmād āsām uttame vayasi retaḥ siktaṃ na sambhavati
- 12
यस्तद्दर्शपूर्णमासयो रूपं विद्यात्कस्माद् इदं शिश्नम् उच्चश एति नीची पद्यते
yastaddarśapūrṇamāsayo rūpaṃ vidyātkasmād idaṃ śiśnam uccaśa eti nīcī padyate
- 13
कस्मात्सकृद् अपानम्
kasmātsakṛd apānam

