14 shlokas
- 1
अथ यः पुरस्ताद् अष्टाव् आज्यभागान्विद्यान्मध्यतः पञ्च हविर्भागाः षट्प्राजापत्या उपरिष्टाद् अष्टाव् आज्यभागान्विद्यात्
atha yaḥ purastād aṣṭāv ājyabhāgānvidyānmadhyataḥ pañca havirbhāgāḥ ṣaṭprājāpatyā upariṣṭād aṣṭāv ājyabhāgānvidyāt
- 2
अथ यो गायत्रीं हरिणीं ज्योतिष्पक्षां सर्वैर्यज्ञैर्यजमानं स्वर्गं लोकम् अभिवहन्तीं विद्यात्
atha yo gāyatrīṃ hariṇīṃ jyotiṣpakṣāṃ sarvairyajñairyajamānaṃ svargaṃ lokam abhivahantīṃ vidyāt
- 3
अथ यः अपङ्क्तिं पञ्चपदां सप्तदशाक्षरां सर्वैर्यज्ञैर्यजमानं स्वर्गं लोकम् अभिवहन्तीं विद्यात्
atha yaḥ apaṅktiṃ pañcapadāṃ saptadaśākṣarāṃ sarvairyajñairyajamānaṃ svargaṃ lokam abhivahantīṃ vidyāt
- 4
तस्मै ह निष्कं प्रयच्छन्न् उवाचानूचानो ह वै स्वैदायनासि सुवर्णं वै सुवर्णविदे ददामीति
tasmai ha niṣkaṃ prayacchann uvācānūcāno ha vai svaidāyanāsi suvarṇaṃ vai suvarṇavide dadāmīti
- 5
तद् उपयम्य निश्चक्राम
tad upayamya niścakrāma
- 6
तत्रापवव्राज यत्रेतरो बभूव
tatrāpavavrāja yatretaro babhūva
- 7
तं ह पप्रच्छ किम् एष गौतमस्य पुत्र इति
taṃ ha papraccha kim eṣa gautamasya putra iti
- 8
एष ब्रह्मा ब्रह्मपुत्र इति होवाच यद् एनं कश्चिद् उपवदेतोत मीमांसेत ह वा मूर्धा वा अस्य विपतेत्प्राणा वैनं जह्युर् इति
eṣa brahmā brahmaputra iti hovāca yad enaṃ kaścid upavadetota mīmāṃseta ha vā mūrdhā vā asya vipatetprāṇā vainaṃ jahyur iti
- 9
ते मिथ एव चिक्रन्देयुर्विप्रापवव्रज यत्रेतरो बभूव
te mitha eva cikrandeyurviprāpavavraja yatretaro babhūva
- 10
ते प्रातः समित्पाणय उपोदेयुर् उपायामो भवन्तम् इति
te prātaḥ samitpāṇaya upodeyur upāyāmo bhavantam iti
- 11
किमर्थम् इति
kimartham iti
- 12
यान् एव नो भवांस्तान्ह्यः प्रश्नान् अपृच्छत्तान् एव नो भवान्व्याचक्षीतेति
yān eva no bhavāṃstānhyaḥ praśnān apṛcchattān eva no bhavānvyācakṣīteti
- 13
तथेति
tatheti
- 14
तेभ्य एतान्प्रश्नान्व्याचचष्टे
tebhya etānpraśnānvyācacaṣṭe

