6 shlokas
- 1
अथातो ऽर्धमासे ऽर्धमासे ऽष्टम्यां ब्राह्मणा ब्रह्मचारिणस्त्रियश्चाहर् उपवसन्ति
athāto 'rdhamāse 'rdhamāse 'ṣṭamyāṃ brāhmaṇā brahmacāriṇastriyaścāhar upavasanti
- 2
अथ प्रदोषे रुद्रं विरूपाक्षं सपत्नीकं ससुतं सगणं सपार्षत्कम् आवाहयामि इत्य् आवाह्य गन्धपुष्पधूपदीपैर् अभ्यर्च्य प्रतिपुरुषं पैष्टिकान्दीपान् एकातिरिक्तांश्चतस्रो ऽष्टौ वा देवस्यायतने प्रतिदिशं प्रद्योतयति उद्दीप्यस्व जातवेदः मा नो हिंसीत् इति द्वाभ्याम्हव्यवाहम् अभिमातिषाहं स्विष्टम् अग्ने अभि इति द्वाभ्यां च
atha pradoṣe rudraṃ virūpākṣaṃ sapatnīkaṃ sasutaṃ sagaṇaṃ sapārṣatkam āvāhayāmi ity āvāhya gandhapuṣpadhūpadīpair abhyarcya pratipuruṣaṃ paiṣṭikāndīpān ekātiriktāṃścatasro 'ṣṭau vā devasyāyatane pratidiśaṃ pradyotayati uddīpyasva jātavedaḥ mā no hiṃsīt iti dvābhyāmhavyavāham abhimātiṣāhaṃ sviṣṭam agne abhi iti dvābhyāṃ ca
- 3
अथोपसमिद्धम् अग्निं कृत्वा यद् अशनीयस्य जुहोति इमा रुद्राय स्थिरधन्वने गिरः इति षड्भिर् अनुच्छन्दसं मा नो महान्तं मा नस्तोके इति द्वाभ्यां वास्तोष्पते वास्तोष्पते इति द्वाभ्यां आर्द्रया रुद्रः हेती रुद्रस्य इति द्वाभ्यां द्वादश सम्पद्यन्ते द्वादश मासाः संवत्सरः संवत्सर एव प्रतितिष्ठति इति ब्राह्मणम्
athopasamiddham agniṃ kṛtvā yad aśanīyasya juhoti imā rudrāya sthiradhanvane giraḥ iti ṣaḍbhir anucchandasaṃ mā no mahāntaṃ mā nastoke iti dvābhyāṃ vāstoṣpate vāstoṣpate iti dvābhyāṃ ārdrayā rudraḥ hetī rudrasya iti dvābhyāṃ dvādaśa sampadyante dvādaśa māsāḥ saṃvatsaraḥ saṃvatsara eva pratitiṣṭhati iti brāhmaṇam
- 4
समिधो वाभ्यादधातीति विज्ञायते वैष्णवा वै वनस्पतयः विष्णोः सायुज्यं सलोकताम् आप्नोति
samidho vābhyādadhātīti vijñāyate vaiṣṇavā vai vanaspatayaḥ viṣṇoḥ sāyujyaṃ salokatām āpnoti
- 5
स्तुतिभिः स्तुन्वन्ति ब्रह्म वै ब्रह्मा ब्रह्मणः सायुज्यं सलोकताम् आप्नोति
stutibhiḥ stunvanti brahma vai brahmā brahmaṇaḥ sāyujyaṃ salokatām āpnoti
- 6
सर्वं पाप्मानं तरति तरति ब्रह्महत्याम् अप पुनर्मृत्युं जयतीत्य् आह भगवान्बोधायनः
sarvaṃ pāpmānaṃ tarati tarati brahmahatyām apa punarmṛtyuṃ jayatīty āha bhagavānbodhāyanaḥ

