28 shlokas
- 1
हुतानुकृतिर् उपाकर्म
hutānukṛtir upākarma
- 2
श्रावण्यां पौर्णमास्यां क्रियेतापि वा आषाढ्याम्
śrāvaṇyāṃ paurṇamāsyāṃ kriyetāpi vā āṣāḍhyām
- 3
समन्वारब्धेष्व् अन्तेवासिषु
samanvārabdheṣv antevāsiṣu
- 4
अथ देवयजनोल्लेखनप्रभृत्य् आग्निमुखात्कृत्वा चतस्रः प्रधानाहुतीर्जुहोति
याज्ञिकीभ्यो देवताभ्यः स्वाहा
सांहितीभ्यो देवताभ्यः स्वाहा
वारुणीभ्यो देवताभ्यः स्वाहा
सर्वाभ्यो देवताभ्यः स्वाहा इति
atha devayajanollekhanaprabhṛty āgnimukhātkṛtvā catasraḥ pradhānāhutīrjuhoti
yājñikībhyo devatābhyaḥ svāhā
sāṃhitībhyo devatābhyaḥ svāhā
vāruṇībhyo devatābhyaḥ svāhā
sarvābhyo devatābhyaḥ svāhā iti
- 5
अथ काण्डऋषीन्जुहोति
प्रजापतये काण्डऋषये स्वाहा
सोमाय काण्डऋषये स्वाहा
अग्नये काण्डऋषये स्वाहा
विश्वेभ्यो देवेभ्यः काण्डऋषिभ्यः स्वाहा
स्वयम्भुवे काण्डऋषये स्वाहा इति
atha kāṇḍaṛṣīnjuhoti
prajāpataye kāṇḍaṛṣaye svāhā
somāya kāṇḍaṛṣaye svāhā
agnaye kāṇḍaṛṣaye svāhā
viśvebhyo devebhyaḥ kāṇḍaṛṣibhyaḥ svāhā
svayambhuve kāṇḍaṛṣaye svāhā iti
- 6
अथ सदसस्पतिं जुहोति
सदसस्पतिम् अद्भुतं प्रियम् इन्द्रस्य काम्यम्
सनिं मेधाम् अयासिषं स्वाहा इति
atha sadasaspatiṃ juhoti
sadasaspatim adbhutaṃ priyam indrasya kāmyam
saniṃ medhām ayāsiṣaṃ svāhā iti
- 7
अथ सावित्रीं जुहोति तत्सवितुर्वरेण्यम् इत्य् एताम्
atha sāvitrīṃ juhoti tatsaviturvareṇyam ity etām
- 8
अथ वेदाहुतीर्जुहोति
ऋग्वेदाय स्वाहा
यजुर्वेदाय स्वाहा
सामवेदाय स्वाहा
अथर्ववेदाय स्वाहा
अथर्वाङ्गिरोभ्यः स्वाहा
इतिहासपुराणेभ्यः स्वाहा
सर्पदेवजनेभ्यः स्वाहा
सर्वभूतेभ्यः स्वाहा इति
atha vedāhutīrjuhoti
ṛgvedāya svāhā
yajurvedāya svāhā
sāmavedāya svāhā
atharvavedāya svāhā
atharvāṅgirobhyaḥ svāhā
itihāsapurāṇebhyaḥ svāhā
sarpadevajanebhyaḥ svāhā
sarvabhūtebhyaḥ svāhā iti
- 9
त्रीन् आदितो ऽनुवाकान् अधीयीरन्वा सर्वान्
trīn ādito 'nuvākān adhīyīranvā sarvān
- 10
जयप्रभृति सिद्धम् आ धेनुवरप्रदानात्
jayaprabhṛti siddham ā dhenuvarapradānāt
- 11
अथ ब्राह्मणान्तर्पयत्य् अपूपैर्धानाभिः सक्तुभिर् ओदनेनेति यद्य् उ वैतेभ्यो भवति
atha brāhmaṇāntarpayaty apūpairdhānābhiḥ saktubhir odaneneti yady u vaitebhyo bhavati
- 12
ऋषयश्छन्दांस्य् आचार्या वेदा यज्ञाश्च प्रीयन्ताम् इति वाचयित्वा
ṛṣayaśchandāṃsy ācāryā vedā yajñāśca prīyantām iti vācayitvā
- 13
त्र्यहम् एकाहं वा नाधीयीरन्
tryaham ekāhaṃ vā nādhīyīran
- 14
मासं प्रदोषे नाधीयीरन्
māsaṃ pradoṣe nādhīyīran
- 15
नित्यं चैव भुक्त्वोर्ध्वम्
nityaṃ caiva bhuktvordhvam
- 16
मध्यरात्रात्स्तनिते सप्रदोषम् अहर् अनध्यायः
अस्तमिते चोदयाद्विद्युति च स्वप्नान्तम्
madhyarātrātstanite sapradoṣam ahar anadhyāyaḥ
astamite codayādvidyuti ca svapnāntam
- 17
एवम् एव काण्डोपाकरणकाण्डसमापनाभ्याम्
evam eva kāṇḍopākaraṇakāṇḍasamāpanābhyām
- 18
स एकः काण्डऋषिः
sa ekaḥ kāṇḍaṛṣiḥ
- 19
तस्य चैवैकस्य काण्डस्याद्यो ऽनुवाकः
tasya caivaikasya kāṇḍasyādyo 'nuvākaḥ
- 20
तस्य चैवैकस्य काण्डस्यैतद् अहर् अनध्यायः
tasya caivaikasya kāṇḍasyaitad ahar anadhyāyaḥ
- 21
एवं काण्डविसर्गे
एतावद् एव नाना नात्रानुवाकः
पौरोडाशिकं याजमानं होतारो हौत्रं पैतृमेध इति सब्राह्मणानि सानुब्राह्मणानि प्राजापत्यानि
evaṃ kāṇḍavisarge
etāvad eva nānā nātrānuvākaḥ
pauroḍāśikaṃ yājamānaṃ hotāro hautraṃ paitṛmedha iti sabrāhmaṇāni sānubrāhmaṇāni prājāpatyāni
- 22
आध्वर्यवं ग्रहा दाक्षिणानि समिष्टयजूंष्य् अवभृथयजूंषि वाजपेयः शुक्रियाणि सवा इति सब्राह्मणानि सानुब्राह्मणानि सौम्यानि
ādhvaryavaṃ grahā dākṣiṇāni samiṣṭayajūṃṣy avabhṛthayajūṃṣi vājapeyaḥ śukriyāṇi savā iti sabrāhmaṇāni sānubrāhmaṇāni saumyāni
- 23
अग्न्याधेयम् अग्निहोत्रम् अग्न्युपस्थानम् अग्निचयनं सावित्रं नाचिकेतं चातुर्होत्रीयं वैश्वसृजारुणा इति सब्राह्मणानि सानुब्राह्मणान्य् आग्नेयानि
agnyādheyam agnihotram agnyupasthānam agnicayanaṃ sāvitraṃ nāciketaṃ cāturhotrīyaṃ vaiśvasṛjāruṇā iti sabrāhmaṇāni sānubrāhmaṇāny āgneyāni
- 24
राजसूयः पशुबन्धः इष्टयो नक्षत्रेष्टयो दिवश्येनयो ऽपाघाः सात्रायणम् उपहोमाः कौकिलीसूक्तान्य् औपानुवाक्यं याज्याश्वमेधः पुरुषमेधः सौत्रामण्य् अच्छिद्राणि पशुहौत्रम् उपनिषद इति सब्राह्मणानि सानुब्राह्मणानि वैश्वदेवानि
rājasūyaḥ paśubandhaḥ iṣṭayo nakṣatreṣṭayo divaśyenayo 'pāghāḥ sātrāyaṇam upahomāḥ kaukilīsūktāny aupānuvākyaṃ yājyāśvamedhaḥ puruṣamedhaḥ sautrāmaṇy acchidrāṇi paśuhautram upaniṣada iti sabrāhmaṇāni sānubrāhmaṇāni vaiśvadevāni
- 25
स्वायम्भुवं काण्डं काठके पठितो विधिः स्वयम्भूश्चात्र दैवतं सर्वभूतपतिः शुचिर् इति
svāyambhuvaṃ kāṇḍaṃ kāṭhake paṭhito vidhiḥ svayambhūścātra daivataṃ sarvabhūtapatiḥ śucir iti
- 26
अथ कारीरीव्रतं चतूरात्रम् अक्षारलवणं भूमौ भुञ्जीत पशुवत्
atha kārīrīvrataṃ catūrātram akṣāralavaṇaṃ bhūmau bhuñjīta paśuvat
- 27
एवम् एव काराव्रतम्
evam eva kārāvratam
- 28
सावित्रीभ्यः प्रभृत्यूर्ध्वम् ओषध्यनुवाकान् अधीयीरन्नात्र भूमौ भुञ्जीत न पशुवदिति
sāvitrībhyaḥ prabhṛtyūrdhvam oṣadhyanuvākān adhīyīrannātra bhūmau bhuñjīta na paśuvaditi

