15 shlokas
- 1
अष्टकानुकृतिर्मासिकं तत्पुरस्ताद्व्याख्यातम्
aṣṭakānukṛtirmāsikaṃ tatpurastādvyākhyātam
- 2
अथाभ्युदयिकेषु प्रदक्षिणम् उपचारो यज्ञोपवीतं प्रागग्रान्दर्भान्युग्मान्ब्राह्मणान्यवैस्तिलार्थः पृषदाज्यं हविः
athābhyudayikeṣu pradakṣiṇam upacāro yajñopavītaṃ prāgagrāndarbhānyugmānbrāhmaṇānyavaistilārthaḥ pṛṣadājyaṃ haviḥ
- 3
सोपयामेन पात्रेण नान्दीमुखाः पितरः प्रीयन्ताम् इत्य् अपां प्रतिग्रहणं विसर्जनं च
sopayāmena pātreṇa nāndīmukhāḥ pitaraḥ prīyantām ity apāṃ pratigrahaṇaṃ visarjanaṃ ca
- 4
नान्दीमुखेभ्यः पितृभ्यः स्वाहेत्य् अग्नौकरणम् अनुदेशनम्
nāndīmukhebhyaḥ pitṛbhyaḥ svāhety agnaukaraṇam anudeśanam
- 5
आशयेषु परिसमूढेषु प्रागग्रेषु दर्भेषु पृषदाज्येनानुप्रदानं सर्वं द्विर्द्विर् इति
āśayeṣu parisamūḍheṣu prāgagreṣu darbheṣu pṛṣadājyenānupradānaṃ sarvaṃ dvirdvir iti
- 6
अथैकोद्दिष्टेषु नाग्नौकरणं नाभिश्रावणं न पूर्वं निमन्त्रणं न दैवं न धूपं न दीपं न स्वधा न नमस्कारो नात्रापूपम्
athaikoddiṣṭeṣu nāgnaukaraṇaṃ nābhiśrāvaṇaṃ na pūrvaṃ nimantraṇaṃ na daivaṃ na dhūpaṃ na dīpaṃ na svadhā na namaskāro nātrāpūpam
- 7
सर्वं सिद्धं समानीयायुग्मान्ब्राह्मणान्सुप्रक्षालितपाणिपादान् अप आचमय्य सदर्भोपक्ᄆप्तेष्व् आसनेषूपवेश्य सर्वस्मात्सकृत्सकृत्समवदायाभिघार्य दक्षिणतो भस्ममिश्रान् अङ्गारान्निरूह्य तेषु जुहुयात्प्रेतायामुष्मै यमाय च स्वाहा इति
तद्धुतम् अहुतं च भवति
sarvaṃ siddhaṃ samānīyāyugmānbrāhmaṇānsuprakṣālitapāṇipādān apa ācamayya sadarbhopakᄆpteṣv āsaneṣūpaveśya sarvasmātsakṛtsakṛtsamavadāyābhighārya dakṣiṇato bhasmamiśrān aṅgārānnirūhya teṣu juhuyātpretāyāmuṣmai yamāya ca svāhā iti
taddhutam ahutaṃ ca bhavati
- 8
अमुष्मै तृप्तिर् अस्त्व् इत्य् अपां प्रतिग्रहणं विसर्जनं च
अमुष्मा उपतिष्ठत्व् इत्य् अनुदेशनम् आशयेष्व् एव पिण्डदानं तृप्यस्वेति संक्षालनं तृप्तिर् अस्त्व् इति विसर्जनम् अस्तु तृप्तिर् इतीतरेषां प्रतिवचनम्
amuṣmai tṛptir astv ity apāṃ pratigrahaṇaṃ visarjanaṃ ca
amuṣmā upatiṣṭhatv ity anudeśanam āśayeṣv eva piṇḍadānaṃ tṛpyasveti saṃkṣālanaṃ tṛptir astv iti visarjanam astu tṛptir itītareṣāṃ prativacanam
- 9
प्रेतस्य द्वितीयाप्रभृति ब्राह्मणभोजनैर् एकोत्तरवृद्धिर् आ दशाहात्
pretasya dvitīyāprabhṛti brāhmaṇabhojanair ekottaravṛddhir ā daśāhāt
- 10
अत्र नवं विच्छिद्येत
atra navaṃ vicchidyeta
- 11
एकादश्यां श्राद्धं तृतीये पक्षे द्वितीयं संततम् एकैकेनैकादश मासान्नयन्ति न द्वादशमासम् अभ्यारोहन्ति
ekādaśyāṃ śrāddhaṃ tṛtīye pakṣe dvitīyaṃ saṃtatam ekaikenaikādaśa māsānnayanti na dvādaśamāsam abhyārohanti
- 12
संवत्सरे सपिण्डीकरणं साग्नौकरणं साभिश्रावणं सपूर्वं सदैवं सधूपं सदीपं सस्वधा सनमस्कारं सापूपम्
saṃvatsare sapiṇḍīkaraṇaṃ sāgnaukaraṇaṃ sābhiśrāvaṇaṃ sapūrvaṃ sadaivaṃ sadhūpaṃ sadīpaṃ sasvadhā sanamaskāraṃ sāpūpam
- 13
अथाप्युदाहरन्ति
एकोद्दिष्टे नवश्राद्धे नाग्नौकरणम् इष्यते
न चाभिश्रावणं कुर्यान्न च पूर्वं तु कारयेत्
athāpyudāharanti
ekoddiṣṭe navaśrāddhe nāgnaukaraṇam iṣyate
na cābhiśrāvaṇaṃ kuryānna ca pūrvaṃ tu kārayet
- 14
प्रणामं च न कुर्वीत स्वधाकारं तथैव च
ऊर्ध्वं संवत्सरात्प्रेतः पितृत्वम् उपपद्यते
praṇāmaṃ ca na kurvīta svadhākāraṃ tathaiva ca
ūrdhvaṃ saṃvatsarātpretaḥ pitṛtvam upapadyate
- 15
इतीन्न्वा इमा अनुकृतयो व्याख्याताः
itīnnvā imā anukṛtayo vyākhyātāḥ

