8 shlokas
- 1
अथ यद्य् अगारे स्थूणा विरोहेत्कपोतो वागारमध्ये ऽधिपतेत्वायसो वा गृहं प्रविशेत्गौर्वा गां धयेत्गौर् आत्मानं प्रतिधयेत् अनड्वान्वा दिवम् उल्लिखेत् अनग्नौ वा धूमो जायेत अनग्नौ वा दीप्येत मधु वा जायेत वल्मीकं वोपजायेत निर्यासं वोपजायेत छत्राकं वोपजायेत मण्डूको वाब्भ्रिणे वाशयेत्श्वानप्रसूतो वा सर्पो वा गृहपतिं जायां वोपतपद्विन्देतान्येषु अद्भुतोत्पातेषु
atha yady agāre sthūṇā virohetkapoto vāgāramadhye 'dhipatetvāyaso vā gṛhaṃ praviśetgaurvā gāṃ dhayetgaur ātmānaṃ pratidhayet anaḍvānvā divam ullikhet anagnau vā dhūmo jāyeta anagnau vā dīpyeta madhu vā jāyeta valmīkaṃ vopajāyeta niryāsaṃ vopajāyeta chatrākaṃ vopajāyeta maṇḍūko vābbhriṇe vāśayetśvānaprasūto vā sarpo vā gṛhapatiṃ jāyāṃ vopatapadvindetānyeṣu adbhutotpāteṣu
- 2
अथ देवयजनोल्लेखनप्रभृत्य् आग्निमुखात्कृत्वा पक्वाज्जुहोति यत इन्द्र भयामहे स्वस्तिदा विशस्पतिः इति द्वाभ्याम्
atha devayajanollekhanaprabhṛty āgnimukhātkṛtvā pakvājjuhoti yata indra bhayāmahe svastidā viśaspatiḥ iti dvābhyām
- 3
अथाज्याहुतीर् उपजुहोति वास्तोष्पते वास्तोष्पते शं नो देवीः इन्द्राग्नी रोचना कया नश्चित्र आ भुवत्को अद्य युङ्क्ते भवतं नः समनसौ इति
athājyāhutīr upajuhoti vāstoṣpate vāstoṣpate śaṃ no devīḥ indrāgnī rocanā kayā naścitra ā bhuvatko adya yuṅkte bhavataṃ naḥ samanasau iti
- 4
स्विष्टकृत्प्रभृति सिद्धम् आ धेनुवरप्रदानात्
sviṣṭakṛtprabhṛti siddham ā dhenuvarapradānāt
- 5
अथापरेणाग्निं शमीपर्णेषु हुतशेषं निदधाति शं नो देवीर् अभिष्टये इति
athāpareṇāgniṃ śamīparṇeṣu hutaśeṣaṃ nidadhāti śaṃ no devīr abhiṣṭaye iti
- 6
स्थालीसंक्षालनम् आज्यशेषम् उदकशेषं च पात्र्यां समानीय तेषूत्पातेषु निनयेत्प्रोक्षेद्वा तच्छंयोर् आवृणीमहे इति
sthālīsaṃkṣālanam ājyaśeṣam udakaśeṣaṃ ca pātryāṃ samānīya teṣūtpāteṣu ninayetprokṣedvā tacchaṃyor āvṛṇīmahe iti
- 7
अन्नं संस्कृत्य ब्राह्मणान्सम्पूज्याशिषो वाचयित्वा शिवं शिवम् इति प्रोक्षति
annaṃ saṃskṛtya brāhmaṇānsampūjyāśiṣo vācayitvā śivaṃ śivam iti prokṣati
- 8
अद्भुतो व्याख्यातः
adbhuto vyākhyātaḥ

