40 shlokas
- 1
अथ बलिहरणम्
atha baliharaṇam
- 2
सायं प्रातर्यद् अशनीयस्य क्रियेतौपासने पचवे वा होमः
sāyaṃ prātaryad aśanīyasya kriyetaupāsane pacave vā homaḥ
- 3
एतावद् एव नाना
etāvad eva nānā
- 4
क्षारलवणावरान्नसंसृष्टस्य तु होमं परिचक्षते
kṣāralavaṇāvarānnasaṃsṛṣṭasya tu homaṃ paricakṣate
- 5
कामम् इतरेष्व् आयतनेषु
kāmam itareṣv āyataneṣu
- 6
अथ यद्य् एतद् एव स्याद् उत्तरतो भस्ममिश्रान् अङ्गारान्निरूह्य तेषु जुहुयात्
atha yady etad eva syād uttarato bhasmamiśrān aṅgārānnirūhya teṣu juhuyāt
- 7
सर्वेष्व् आयतनेषु पाणिना परिसमूह्योभयतः परिषेकं निदध्यात्
sarveṣv āyataneṣu pāṇinā parisamūhyobhayataḥ pariṣekaṃ nidadhyāt
- 8
देशाभ्यासे मन्त्राभ्यासः कामं समानस्थानेषु
deśābhyāse mantrābhyāsaḥ kāmaṃ samānasthāneṣu
- 9
अवग्राहशो हस्तेन होमः अग्नये स्वाहा सोमाय स्वाहा ध्रुवाय स्वाहा ध्रुवाय भूमाय स्वाहा ध्रुवक्षितये स्वाहा अच्युतक्षितये स्वाहा ईशानाय स्वाहा जयन्ताय स्वाहा धर्मरुचये स्वाहा धन्वन्तरये स्वाहा विद्यायै स्वाहा अम्बिकायै स्वाहा हरये स्वाहा गणेभ्यः स्वाहा गणपतिभ्यः स्वाहा परिषद्भ्यः स्वाहा विश्वेभ्यो देवेभ्यः स्वाहा साध्येभ्यो देवेभ्यः स्वाहा सर्वेभ्यो देवेभ्यः स्वाहा सर्वाभ्यो देवताभ्यः स्वाहा भूः स्वाहा भुवः स्वाहा सुवः स्वाहा भूर्भुवः सुवः स्वाहा
avagrāhaśo hastena homaḥ agnaye svāhā somāya svāhā dhruvāya svāhā dhruvāya bhūmāya svāhā dhruvakṣitaye svāhā acyutakṣitaye svāhā īśānāya svāhā jayantāya svāhā dharmarucaye svāhā dhanvantaraye svāhā vidyāyai svāhā ambikāyai svāhā haraye svāhā gaṇebhyaḥ svāhā gaṇapatibhyaḥ svāhā pariṣadbhyaḥ svāhā viśvebhyo devebhyaḥ svāhā sādhyebhyo devebhyaḥ svāhā sarvebhyo devebhyaḥ svāhā sarvābhyo devatābhyaḥ svāhā bhūḥ svāhā bhuvaḥ svāhā suvaḥ svāhā bhūrbhuvaḥ suvaḥ svāhā
- 10
अग्नये स्विष्टकृते स्वाहा इत्य् उत्तरार्धपूर्वार्धे
agnaye sviṣṭakṛte svāhā ity uttarārdhapūrvārdhe
- 11
अपरेणाग्निं धर्माय स्वाहा अधर्माय स्वाहा इति
apareṇāgniṃ dharmāya svāhā adharmāya svāhā iti
- 12
अग्रेणाग्निं कद्रुवै नाकमात्रे स्वाहा सर्पेभ्यः स्वाहा इति
agreṇāgniṃ kadruvai nākamātre svāhā sarpebhyaḥ svāhā iti
- 13
अब्भ्रिण्यावकाशे अचलायै देव्यै स्वाहा वास्तुपाल्यै सगणायै स्वाहा इति
abbhriṇyāvakāśe acalāyai devyai svāhā vāstupālyai sagaṇāyai svāhā iti
- 14
अब्भ्रिणदेशे अद्भ्यः स्वाहा वरुणाय स्वाहा इति
abbhriṇadeśe adbhyaḥ svāhā varuṇāya svāhā iti
- 15
स्थाल्यां प्रजापतये स्वाहा परमेष्ठिने स्वाहा इति
sthālyāṃ prajāpataye svāhā parameṣṭhine svāhā iti
- 16
देवतावकाशे ऋषभाय स्वाहा रुद्राय स्वाहा रुद्राण्यै स्वाहा इति
devatāvakāśe ṛṣabhāya svāhā rudrāya svāhā rudrāṇyai svāhā iti
- 17
मध्ये ऽगारस्य ओषधिवनस्पतिभ्यः स्वाहा रक्षोदेवजनेभ्यः स्वाहा इति
madhye 'gārasya oṣadhivanaspatibhyaḥ svāhā rakṣodevajanebhyaḥ svāhā iti
- 18
उच्छिरसि कामाय स्वाहा भगाय स्वाहा श्रियै स्वाहा विष्णवे स्वाहा इति
ucchirasi kāmāya svāhā bhagāya svāhā śriyai svāhā viṣṇave svāhā iti
- 19
स्थूणादेशे गृहाय स्वाहा गृहराजाय स्वाहा इति
sthūṇādeśe gṛhāya svāhā gṛharājāya svāhā iti
- 20
धनधान्याकाशे धनधान्याभ्यां स्वाहा वैश्रवणाय स्वाहा इति
dhanadhānyākāśe dhanadhānyābhyāṃ svāhā vaiśravaṇāya svāhā iti
- 21
गोष्ठे वा पल्वले वा श्रियै स्वाहा पुष्ट्यै स्वाहा इति
goṣṭhe vā palvale vā śriyai svāhā puṣṭyai svāhā iti
- 22
उलूखलमुसलावकाशे उलूखलमुसलाभ्यां स्वाहा इति
ulūkhalamusalāvakāśe ulūkhalamusalābhyāṃ svāhā iti
- 23
दृषदुपलावकाशे दृषदुपलाभ्यां स्वाहा इति
dṛṣadupalāvakāśe dṛṣadupalābhyāṃ svāhā iti
- 24
समूहन्यवकाशे समूहन्यै देव्यै स्वाहा इति
samūhanyavakāśe samūhanyai devyai svāhā iti
- 25
उत्तरपूर्वदेशे ऽगारस्य गृह्याभ्यः स्वाहा अवसानेभ्यः स्वाहा अवसानपतिभ्यः स्वाहा सर्पदेवजनेभ्यः स्वाहा सर्वभूतेभ्यः स्वाहा इति
uttarapūrvadeśe 'gārasya gṛhyābhyaḥ svāhā avasānebhyaḥ svāhā avasānapatibhyaḥ svāhā sarpadevajanebhyaḥ svāhā sarvabhūtebhyaḥ svāhā iti
- 26
द्वारमध्ये अन्तरिक्षाय स्वाहा अवान्तरिक्षाय स्वाहा इति
dvāramadhye antarikṣāya svāhā avāntarikṣāya svāhā iti
- 27
पार्श्वयोः धात्रे स्वाहा विधात्रे स्वाहा इति
pārśvayoḥ dhātre svāhā vidhātre svāhā iti
- 28
उपपार्श्वयोः भूत्यै स्वाहा प्रभूत्यै स्वाहा इति
upapārśvayoḥ bhūtyai svāhā prabhūtyai svāhā iti
- 29
संवरणदेशे यद् एजति जगति यच्च चेष्टति नाम्नो भागो ऽयं नाम्ने स्वाहा इति
saṃvaraṇadeśe yad ejati jagati yacca ceṣṭati nāmno bhāgo 'yaṃ nāmne svāhā iti
- 30
अथोपनिष्क्रम्य ज्येष्ठावकाशे ज्येष्ठाभ्यां स्वाहा करस्करावकाशे करस्कराभ्यां स्वाहा इति
athopaniṣkramya jyeṣṭhāvakāśe jyeṣṭhābhyāṃ svāhā karaskarāvakāśe karaskarābhyāṃ svāhā iti

