29 shlokas
- 1
अथ शूलगवः संवत्सरे संवत्सरे मार्गशीर्ष्यां पौर्णमास्यां क्रियेत
atha śūlagavaḥ saṃvatsare saṃvatsare mārgaśīrṣyāṃ paurṇamāsyāṃ kriyeta
- 2
अपि वार्द्रायाम्
api vārdrāyām
- 3
गोषु वोपतप्तासु गोषु गुप्तासु
goṣu vopataptāsu goṣu guptāsu
- 4
अरण्ये ऽग्निम् उपसमाधाय संपरिस्तीर्या प्रणीताभ्यः कृत्वा बर्हिर् आदाय गाम् उपाकरोति ईशानाय त्वा जुष्टाम् उपाकरोमि इति
araṇye 'gnim upasamādhāya saṃparistīryā praṇītābhyaḥ kṛtvā barhir ādāya gām upākaroti īśānāya tvā juṣṭām upākaromi iti
- 5
तूष्णीम् इत्य् एके
tūṣṇīm ity eke
- 6
अथैनाम् अद्भिः प्रोक्षति ईशानाय त्वा जुष्टां प्रोक्षामि इति
athainām adbhiḥ prokṣati īśānāya tvā juṣṭāṃ prokṣāmi iti
- 7
तूष्णीम् इत्य् एके
tūṣṇīm ity eke
- 8
ताम् अत्रैव प्रतीचीनशिरसीम् उदीचीनपदीं संज्ञपयन्ति
tām atraiva pratīcīnaśirasīm udīcīnapadīṃ saṃjñapayanti
- 9
तस्यै संज्ञप्ताया अद्भिर् अभिषेकम्
tasyai saṃjñaptāyā adbhir abhiṣekam
- 10
प्राणान् आप्याययति तूष्णीम्
prāṇān āpyāyayati tūṣṇīm
- 11
तूष्णीं वपाम् उत्खिद्य हृदयम् उद्धरति
tūṣṇīṃ vapām utkhidya hṛdayam uddharati
- 12
प्रज्ञातानि चावदानानि
prajñātāni cāvadānāni
- 13
तान्य् एष्व् एव शूलेषूपनीक्ष्य तस्मिन्न् एवाग्नौ श्रपयन्ति
tāny eṣv eva śūleṣūpanīkṣya tasminn evāgnau śrapayanti
- 14
अथैतानि शूलेभ्य उपनीक्ष्य पुनः कुम्भ्यां श्रपयन्ति
athaitāni śūlebhya upanīkṣya punaḥ kumbhyāṃ śrapayanti
- 15
अथैतान्य् अभिघारितान्य् उद्वास्य प्रतिष्ठितम् अभिघारयति
athaitāny abhighāritāny udvāsya pratiṣṭhitam abhighārayati
- 16
परिधानप्रभृत्य् आग्निमुखात्कृत्वा दैवतम् आवाहयति
आ त्वा वहन्तु हरयः सचेतसः श्वेतैर् अश्वैः सह केतुमद्भिः
वाताजिरैर्बलवद्भिर्मनोजवैर् आयाहि शीघ्रं मम हव्याय शर्वोम् इति
paridhānaprabhṛty āgnimukhātkṛtvā daivatam āvāhayati
ā tvā vahantu harayaḥ sacetasaḥ śvetair aśvaiḥ saha ketumadbhiḥ
vātājirairbalavadbhirmanojavair āyāhi śīghraṃ mama havyāya śarvom iti
- 17
अथ स्रुवेणोपस्तीर्णाम् अभिघारितां वपां जुहोति सहस्राणि सहस्रशः इति पुरोनुवाक्याम् अनूच्य ईशानं त्वा भुवनानाम् अभिश्रियम् इति याज्यया जुहोति
atha sruveṇopastīrṇām abhighāritāṃ vapāṃ juhoti sahasrāṇi sahasraśaḥ iti puronuvākyām anūcya īśānaṃ tvā bhuvanānām abhiśriyam iti yājyayā juhoti
- 18
अत्रैतान्य् अवदानानीडासूने प्रच्छिद्यौदनं मासं यूषम् इत्य् आज्येन समुदायुत्य मेक्षणेनोपघातं पूर्वार्धे जुहोति भवाय देवाय स्वाहा शर्वाय देवाय स्वाहा ईशानाय देवाय स्वाहा पशुपतये देवाय स्वाहा रुद्राय देवाय स्वाहा उग्राय देवाय स्वाहा भीमाय देवाय स्वाहा महते देवाय स्वाहा इति
atraitāny avadānānīḍāsūne pracchidyaudanaṃ māsaṃ yūṣam ity ājyena samudāyutya mekṣaṇenopaghātaṃ pūrvārdhe juhoti bhavāya devāya svāhā śarvāya devāya svāhā īśānāya devāya svāhā paśupataye devāya svāhā rudrāya devāya svāhā ugrāya devāya svāhā bhīmāya devāya svāhā mahate devāya svāhā iti
- 19
अथ मध्ये जुहोति भवस्य देवस्य पत्न्यै स्वाहा शर्वस्य देवस्य पत्न्यै स्वाहा ईशानस्य देवस्य पत्न्यै स्वाहा पशुपतेर्देवस्य पत्न्यै स्वाहा रुद्रस्य देवस्य पत्न्यै स्वाहा उग्रस्य देवस्य पत्न्यै स्वाहा भीमस्य देवस्य पत्न्यै स्वाहा महतो देवस्य पत्न्यै स्वाहा इति
atha madhye juhoti bhavasya devasya patnyai svāhā śarvasya devasya patnyai svāhā īśānasya devasya patnyai svāhā paśupaterdevasya patnyai svāhā rudrasya devasya patnyai svāhā ugrasya devasya patnyai svāhā bhīmasya devasya patnyai svāhā mahato devasya patnyai svāhā iti
- 20
अथापरार्धे जुहोति भवस्य देवस्य सुताय स्वाहा शर्वस्य देवस्य सुताय स्वाहा ईशानस्य देवस्य सुताय स्वाहा पशुपतेर्देवस्य सुताय स्वाहा रुद्रस्य देवस्य सुताय स्वाहा उग्रस्य देवस्य सुताय स्वाहा भीमस्य देवस्य सुताय स्वाहा महतो देवस्य सुताय स्वाहा इति
athāparārdhe juhoti bhavasya devasya sutāya svāhā śarvasya devasya sutāya svāhā īśānasya devasya sutāya svāhā paśupaterdevasya sutāya svāhā rudrasya devasya sutāya svāhā ugrasya devasya sutāya svāhā bhīmasya devasya sutāya svāhā mahato devasya sutāya svāhā iti
- 21
अथाज्याहुतीरुपजुहोति नमस्ते रुद्र मन्यवे इत्य् आन्ताद् अनुवाकस्य
स्विष्टकृत्प्रभृति सिद्धम् आ धेनुवरप्रदानात्
athājyāhutīrupajuhoti namaste rudra manyave ity āntād anuvākasya
sviṣṭakṛtprabhṛti siddham ā dhenuvarapradānāt
- 22
अथाग्रेणाग्निम् अर्कपर्णेषु हुतशेषं निदधाति यो रुद्रो अग्नौ यो अप्सु य ओषधीषु यो रुद्रो विश्वा भुवनाविवेश तस्मै रुद्राय नमो अस्तु इति
athāgreṇāgnim arkaparṇeṣu hutaśeṣaṃ nidadhāti yo rudro agnau yo apsu ya oṣadhīṣu yo rudro viśvā bhuvanāviveśa tasmai rudrāya namo astu iti
- 23
स्थालीसङ्क्षालनम् आज्यशेषम् उदकशेषं च पात्र्यां समानीय वेतसशाखयावोक्षन्सर्वतः त्रिः प्रदक्षिणं गाः पर्येत्य् आ गावो अग्मन्न् उत भद्रम् अक्रन् इत्य् एतेन सूक्तेन
sthālīsaṅkṣālanam ājyaśeṣam udakaśeṣaṃ ca pātryāṃ samānīya vetasaśākhayāvokṣansarvataḥ triḥ pradakṣiṇaṃ gāḥ paryety ā gāvo agmann uta bhadram akran ity etena sūktena
- 24
महत्स्वस्त्ययनम् इत्य् आचक्षते
mahatsvastyayanam ity ācakṣate
- 25
अथ यदि गां न लभते मेषम् अजं वालभते
atha yadi gāṃ na labhate meṣam ajaṃ vālabhate
- 26
ईशानाय स्थालीपाकं वा श्रपयन्ति तस्माद् एतत्सर्वं करोति यद्गवा कार्यम्
īśānāya sthālīpākaṃ vā śrapayanti tasmād etatsarvaṃ karoti yadgavā kāryam
- 27
शूलगवो व्याख्यातः
śūlagavo vyākhyātaḥ
- 28
एवम् एवाष्टम्यां प्रदोषे क्रियेतैतावद् एव नाना
evam evāṣṭamyāṃ pradoṣe kriyetaitāvad eva nānā
- 29
नात्रोपाकरणं पशोः
nātropākaraṇaṃ paśoḥ

