70 shlokas
- 1
अथाष्टकाहोमः
athāṣṭakāhomaḥ
- 2
तैषे मास्यपरपक्षस्याष्टम्यां क्रियेत
taiṣe māsyaparapakṣasyāṣṭamyāṃ kriyeta
- 3
एवं माघ एवं फाल्गुने यदि विहृतः
evaṃ māgha evaṃ phālgune yadi vihṛtaḥ
- 4
यद्य् उ वै समस्त उपरिष्टान्माघ्याः पौर्णमास्या अपरपक्षस्य सप्तम्याम् अष्टम्यां नवम्यामिति क्रियेतापि वाष्टम्यामेव
yady u vai samasta upariṣṭānmāghyāḥ paurṇamāsyā aparapakṣasya saptamyām aṣṭamyāṃ navamyāmiti kriyetāpi vāṣṭamyāmeva
- 5
श्वः करिष्यामीति ब्राह्मणान्निमन्त्रयते योनिगोत्रश्रुतवृत्तसम्बन्धान् इत्येके
śvaḥ kariṣyāmīti brāhmaṇānnimantrayate yonigotraśrutavṛttasambandhān ityeke
- 6
कामं सम्बन्धानपि श्रुतवृत्तसम्पन्नान्श्रुतवृत्तयोर्हि स्वधा निधीयत इत्युपदिशन्ति
kāmaṃ sambandhānapi śrutavṛttasampannānśrutavṛttayorhi svadhā nidhīyata ityupadiśanti
- 7
तान्श्वोभूते श्मश्रुकर्माभ्यञ्जनस्नानैर्यथोपपादं सम्पूज्य स्वयमाप्लुत्य शुचौ समे देशे देवयजनोल्लेखनप्रभृत्या प्रणीताभ्यः कृत्वा बर्हिरादाय गाम् उपाकरोति पितृभ्यस्त्वा पितामहेभ्यस्त्वा प्रपितामहेभ्यस्त्वा जुष्टामुपाकरोमि इति तूष्णीमित्येके
tānśvobhūte śmaśrukarmābhyañjanasnānairyathopapādaṃ sampūjya svayamāplutya śucau same deśe devayajanollekhanaprabhṛtyā praṇītābhyaḥ kṛtvā barhirādāya gām upākaroti pitṛbhyastvā pitāmahebhyastvā prapitāmahebhyastvā juṣṭāmupākaromi iti tūṣṇīmityeke
- 8
अथैनाम् अद्भिः प्रोक्षति पितृभ्यस्त्वा पितामहेभ्यस्त्वा प्रपितामहेभ्यस्त्वा जुष्टां प्रोक्षामि इति
तूष्णीमित्येके
athainām adbhiḥ prokṣati pitṛbhyastvā pitāmahebhyastvā prapitāmahebhyastvā juṣṭāṃ prokṣāmi iti
tūṣṇīmityeke
- 9
तामत्रैव प्रतीचीनशिरसीं दक्षिणापदीं संज्ञपन्ति
tāmatraiva pratīcīnaśirasīṃ dakṣiṇāpadīṃ saṃjñapanti
- 10
तस्यै संज्ञप्ताया अद्भिर् अभिषेकम्
tasyai saṃjñaptāyā adbhir abhiṣekam
- 11
प्राणान् आप्याययति तूष्णीम्
prāṇān āpyāyayati tūṣṇīm
- 12
तूष्णीं वपाम् उत्खिद्य हृदयम् उद्धरति
tūṣṇīṃ vapām utkhidya hṛdayam uddharati
- 13
प्रज्ञातानि चावदानानि
prajñātāni cāvadānāni
- 14
तान्येतेष्वेवं शूलेषूपनीक्ष्यै तस्मिन्नेवाग्नौ श्रपयन्ति
tānyeteṣvevaṃ śūleṣūpanīkṣyai tasminnevāgnau śrapayanti
- 15
पृथङ्मांसं चौदनं चापूपांश्च श्रपयन्त्यन्यांश्च भक्ष्यविशेषांत्सर्वं सिद्धं समानीयायुग्मान्ब्राह्मणान्सुप्रक्षालितपाणिपादान् अप आचमय्य सदर्भोपक्ᄆप्तेष्व् आसनेषु द्वौ दैवे त्रीन्पित्र्ये एकैकमुभयत्र वा प्राङ्मुखान् उपवेशयत्युदङ्मुखान्वा
pṛthaṅmāṃsaṃ caudanaṃ cāpūpāṃśca śrapayantyanyāṃśca bhakṣyaviśeṣāṃtsarvaṃ siddhaṃ samānīyāyugmānbrāhmaṇānsuprakṣālitapāṇipādān apa ācamayya sadarbhopakᄆpteṣv āsaneṣu dvau daive trīnpitrye ekaikamubhayatra vā prāṅmukhān upaveśayatyudaṅmukhānvā
- 16
स यदि प्राङ्मुखान्दक्षिणापवर्गः
यद्युदङ्मुखान्प्रागपवर्गः
sa yadi prāṅmukhāndakṣiṇāpavargaḥ
yadyudaṅmukhānprāgapavargaḥ
- 17
तेषामेवोदकं निनीय सप्रणवेन क्षणं ग्राहयति
teṣāmevodakaṃ ninīya sapraṇavena kṣaṇaṃ grāhayati
- 18
अष्टकाश्राद्धे क्षणः क्रियताम् इत्य् ॐ तथेति प्रतिवचनम्
aṣṭakāśrāddhe kṣaṇaḥ kriyatām ity oṃ tatheti prativacanam
- 19
प्राप्नोतु भवान्प्राप्नोतु भवान् इति
prāpnotu bhavānprāpnotu bhavān iti
- 20
प्राप्नवानि प्राप्नवानि इतीतरे प्रत्याहुः
prāpnavāni prāpnavāni itītare pratyāhuḥ
- 21
अथैतान्तिलमिश्रा अपः प्रतिग्राहयति अमुष्मै स्वधा नमो ऽमुष्मै स्वधा नमः इति
athaitāntilamiśrā apaḥ pratigrāhayati amuṣmai svadhā namo 'muṣmai svadhā namaḥ iti
- 22
त्रिस्तिलोदकम् एके समामनन्ति पुरोऽन्नं द्विस्तिलोदकम्दद्यात्भुक्तवत्सु च तृतीयमिति
tristilodakam eke samāmananti puro'nnaṃ dvistilodakamdadyātbhuktavatsu ca tṛtīyamiti
- 23
अथैनान्वस्त्रगन्धपुष्पधूपदीपमाल्यैर्यथोपपादं सम्पूज्य पृच्छति उद्ध्रियताम् अग्नौ च क्रियतां इतीतरे प्रत्याहुः
athainānvastragandhapuṣpadhūpadīpamālyairyathopapādaṃ sampūjya pṛcchati uddhriyatām agnau ca kriyatāṃ itītare pratyāhuḥ
- 24
अपि वा अग्नौ करिष्यामि इति कुरुष्व इतीतरे प्रत्याहुः
api vā agnau kariṣyāmi iti kuruṣva itītare pratyāhuḥ
- 25
अथाभ्यनुज्ञातः परिधानप्रभृत्याग्निमुखात्कृत्वा शृतायां वपायां पञ्च स्रुवाहुतीर्जुहोति याः प्राचीः सम्भवन्त्य् आप उत्तरतश्च याः
अद्भिर्विश्वस्य भुवनस्य धर्त्रीभिर् अन्तरन्यं पितुर्दधे स्वधा नमः स्वाहा
athābhyanujñātaḥ paridhānaprabhṛtyāgnimukhātkṛtvā śṛtāyāṃ vapāyāṃ pañca sruvāhutīrjuhoti yāḥ prācīḥ sambhavanty āpa uttarataśca yāḥ
adbhirviśvasya bhuvanasya dhartrībhir antaranyaṃ piturdadhe svadhā namaḥ svāhā
- 26
अन्तर्दधे पर्वतैर् अन्तर्मह्या पृथिव्या दिवा
दिग्भिर् अनन्ताभिर् ऊतिभिर् अन्तरन्यं पितामहाद्दधे स्वधा नमः स्वाहा
antardadhe parvatair antarmahyā pṛthivyā divā
digbhir anantābhir ūtibhir antaranyaṃ pitāmahāddadhe svadhā namaḥ svāhā
- 27
अन्तर्दध ऋतुभिः सर्वैर् अहोरात्रैः ससंधिकैः
अर्धमासैश्च मासैश्चान्तर् अन्यं प्रपितामहाद्दधे स्वधा नमः स्वाहा
antardadha ṛtubhiḥ sarvair ahorātraiḥ sasaṃdhikaiḥ
ardhamāsaiśca māsaiścāntar anyaṃ prapitāmahāddadhe svadhā namaḥ svāhā
- 28
यन्मे माता प्रलुलोभ चरत्य् अननुव्रता
तन्मे रेतः पिता वृङ्क्तां माभुर् अन्यो ऽवपद्यतां स्वधा नमः स्वाहा
yanme mātā pralulobha caraty ananuvratā
tanme retaḥ pitā vṛṅktāṃ mābhur anyo 'vapadyatāṃ svadhā namaḥ svāhā
- 29
यद्वः क्रव्याद् अङ्गमदहं लोकाननयन्प्रणयन्जातवेदाः
तद्वो अहं पुनर् आवेशयाम्य् अरिष्टाः सर्वैर् अङ्गैः सम्भवथ पितरः स्वधा नमः स्वाहा इति
yadvaḥ kravyād aṅgamadahaṃ lokānanayanpraṇayanjātavedāḥ
tadvo ahaṃ punar āveśayāmy ariṣṭāḥ sarvair aṅgaiḥ sambhavatha pitaraḥ svadhā namaḥ svāhā iti
- 30
त्रेधा वपां विच्छिद्यौदुम्बर्या दर्व्या जुहोति
सोमाय पितृमते शुष्मिणे जुहुमो हविः
वाजन्निदं जुषस्व नः स्वजा हव्यं देवेभ्यः पितृभ्यः स्वधा नमः स्वाहा
tredhā vapāṃ vicchidyaudumbaryā darvyā juhoti
somāya pitṛmate śuṣmiṇe juhumo haviḥ
vājannidaṃ juṣasva naḥ svajā havyaṃ devebhyaḥ pitṛbhyaḥ svadhā namaḥ svāhā

