13 shlokas
- 1
तद् अप्य् एतद् ऋषिणोक्तम्
tad apy etad ṛṣiṇoktam
- 2
स इद्राजा प्रतिजन्यानि विश्वा शुष्मेण तस्थाव् अभि वीर्येणेति
sa idrājā pratijanyāni viśvā śuṣmeṇa tasthāv abhi vīryeṇeti
- 3
सपत्ना वै द्विषन्तो भ्रातृव्या जन्यानि तान् एव तच्छुष्मेण वीर्येणाधितिष्ठति
sapatnā vai dviṣanto bhrātṛvyā janyāni tān eva tacchuṣmeṇa vīryeṇādhitiṣṭhati
- 4
बृहस्पतिं यः सुभृतम्बिभर्तीति बृहस्पतिर्ह वै देवानाम्पुरोहितस्तम् अन्व् अन्ये मनुष्यराज्ञाम्पुरोहिता बृहस्पतिं यः सुभृतम्बिभर्तीति यद् आह पुरोहितं यः सुभृतं बिभर्तीत्य् एव तद् आह
bṛhaspatiṃ yaḥ subhṛtambibhartīti bṛhaspatirha vai devānāmpurohitastam anv anye manuṣyarājñāmpurohitā bṛhaspatiṃ yaḥ subhṛtambibhartīti yad āha purohitaṃ yaḥ subhṛtaṃ bibhartīty eva tad āha
- 5
वल्गूयति वन्दते पूर्वभाजम् इत्य् अपचितिम् एवास्मा एतद् आह
valgūyati vandate pūrvabhājam ity apacitim evāsmā etad āha
- 6
स इत्क्षेति सुधित ओकसि स्व इति गृहा वा ओकः स्वेष्व् एव तद्गृहेषु सुहितो वसति
sa itkṣeti sudhita okasi sva iti gṛhā vā okaḥ sveṣv eva tadgṛheṣu suhito vasati
- 7
तस्मा इᄆआ पिन्वते विश्वदानीम् इत्य् अन्नं वा इᄆआन्नम् एवास्मा एतद् ऊर्जस्वच्छश्वद्भवति
tasmā iᄆā pinvate viśvadānīm ity annaṃ vā iᄆānnam evāsmā etad ūrjasvacchaśvadbhavati
- 8
तस्मै विशः स्वयम् एवा नमन्त इति राष्ट्राणि वै विशो राष्ट्राण्य् एवैनं तत्स्वयम् उपनमन्ति
tasmai viśaḥ svayam evā namanta iti rāṣṭrāṇi vai viśo rāṣṭrāṇy evainaṃ tatsvayam upanamanti
- 9
यस्मिन्ब्रह्मा राजनि पूर्व एतीति पुरोहितम् एवैतद् आह
yasminbrahmā rājani pūrva etīti purohitam evaitad āha
- 10
अप्रतीतो जयति सं धनानीति राष्ट्राणि वै धनानि तान्य् अप्रतीतो जयति
apratīto jayati saṃ dhanānīti rāṣṭrāṇi vai dhanāni tāny apratīto jayati
- 11
प्रतिजन्यान्य् उत या सजन्येति सपत्ना वै द्विषन्तो भ्रातृव्या जन्यानि तान् अप्रतीतो जयति
pratijanyāny uta yā sajanyeti sapatnā vai dviṣanto bhrātṛvyā janyāni tān apratīto jayati
- 12
अवस्यवे यो वरिवः कृणोतीति यद् आहावसीयसे यो वसीयः करोतीत्य् एव तद् आह
avasyave yo varivaḥ kṛṇotīti yad āhāvasīyase yo vasīyaḥ karotīty eva tad āha
- 13
ब्रह्मणे राजा तम् अवन्ति देवा इति पुरोहितम् एवैतद् अभिवदति
brahmaṇe rājā tam avanti devā iti purohitam evaitad abhivadati

