8 shlokas
- 1
एतेन ह वा ऐन्द्रेण महाभिषेकेणोदमय आत्रेयो ऽङ्गम् अभिषिषेच तस्माद्वङ्गः समन्तं सर्वतः पृथिवीं जयन्परीयायाश्वेन च मेध्येनेजे
etena ha vā aindreṇa mahābhiṣekeṇodamaya ātreyo 'ṅgam abhiṣiṣeca tasmādvaṅgaḥ samantaṃ sarvataḥ pṛthivīṃ jayanparīyāyāśvena ca medhyeneje
- 2
स होवाचालोपाङ्गो दश नागसहस्राणि दश दासीसहस्राणि ददामि ते ब्राह्मणोप मास्मिन्यज्ञे ह्वयस्वेति
sa hovācālopāṅgo daśa nāgasahasrāṇi daśa dāsīsahasrāṇi dadāmi te brāhmaṇopa māsminyajñe hvayasveti
- 3
तद् अप्य् एते श्लोका अभिगीताः
tad apy ete ślokā abhigītāḥ
- 4
याभिर्गोभिर् उदमयम्प्रैयमेधा अयाजयन्द्वे द्वे सहस्रे बद्वानाम् आत्रेयो मध्यतो ऽददात्
yābhirgobhir udamayampraiyamedhā ayājayandve dve sahasre badvānām ātreyo madhyato 'dadāt
- 5
अष्टाशीतिसहस्राणि श्वेतान्वैरोचनो हयान्प्रष्टीन्निश्चृत्य प्रायच्छद्यजमाने पुरोहिते
aṣṭāśītisahasrāṇi śvetānvairocano hayānpraṣṭīnniścṛtya prāyacchadyajamāne purohite
- 6
देशाद्देशात्समोᄆहानां सर्वासाम् आढ्यदुहितॄणाम्दशाददात्सहस्राण्य् आत्रेयो निष्ककण्ठ्यः
deśāddeśātsamoᄆhānāṃ sarvāsām āḍhyaduhitṝṇāmdaśādadātsahasrāṇy ātreyo niṣkakaṇṭhyaḥ
- 7
दश नागसहस्राणि दत्त्वात्रेयो ऽवचत्नुके श्रान्तः पारिकुटान्प्रैप्सद्दानेनाङ्गस्य ब्राह्मणः
daśa nāgasahasrāṇi dattvātreyo 'vacatnuke śrāntaḥ pārikuṭānpraipsaddānenāṅgasya brāhmaṇaḥ
- 8
शतं तुभ्यं शतं तुभ्यम् इति स्मैव प्रताम्यति सहस्रं तुभ्यम् इत्य् उक्त्वा प्राणान्स्म प्रतिपद्यत इति
śataṃ tubhyaṃ śataṃ tubhyam iti smaiva pratāmyati sahasraṃ tubhyam ity uktvā prāṇānsma pratipadyata iti

