13 shlokas
- 1
आषाढ्यां श्रावण्यां वा वरुणप्रघासैर्यजते
āṣāḍhyāṃ śrāvaṇyāṃ vā varuṇapraghāsairyajate
- 2
वैश्वदेववत्तन्त्रम्
vaiśvadevavattantram
- 3
एतेषां वेदौ कृत्वाग्रेण गार्हपत्यं समे द्वे प्राच्यौ वेदी प्रतिप्रस्थाता दार्शिकीं दक्षिणां वेदिं करोति पाशुकीम् अध्वर्युर् उत्तरां तत्र पाशुकीम् उत्तरवेदिं च
eteṣāṃ vedau kṛtvāgreṇa gārhapatyaṃ same dve prācyau vedī pratiprasthātā dārśikīṃ dakṣiṇāṃ vediṃ karoti pāśukīm adhvaryur uttarāṃ tatra pāśukīm uttaravediṃ ca
- 4
पृथमात्रेण चतुरङ्गुलेन वा श्रोण्यंसेष्व् असंभिन्ने वेदी
pṛthamātreṇa caturaṅgulena vā śroṇyaṃseṣv asaṃbhinne vedī
- 5
अध्वर्युप्रतिप्रस्थातारौ ब्रह्माणं संप्रेष्यतः
adhvaryupratiprasthātārau brahmāṇaṃ saṃpreṣyataḥ
- 6
द्वौ ब्रह्मा प्रसौति
dvau brahmā prasauti
- 7
प्रतिप्रस्थातान्तरा वेदी संचरति
pratiprasthātāntarā vedī saṃcarati
- 8
अपरेणोत्तरां वेदिं स्तम्बयजुर्हरन्नाध्वर्युम् अभिपरिहरति
apareṇottarāṃ vediṃ stambayajurharannādhvaryum abhipariharati
- 9
उत्तरस्मिन्न् एवोत्करे निवपति
uttarasminn evotkare nivapati
- 10
यद् एवाध्वर्युः करोति प्रतिप्रस्थाता तत्करोति
yad evādhvaryuḥ karoti pratiprasthātā tatkaroti
- 11
उत्तरात्परिग्राहाकृत्वा दक्षिणवेदेर् उत्तरश्रोणेः प्रक्रम्योत्तरस्या वेदेर्दक्षिणाद् अंसात्स्फ्येनैकस्याम् अनुसंभिनत्ति
uttarātparigrāhākṛtvā dakṣiṇaveder uttaraśroṇeḥ prakramyottarasyā vederdakṣiṇād aṃsātsphyenaikasyām anusaṃbhinatti
- 12
पशुबन्धवद् उभाव् आहवनीयौ प्रणीयोभयत्रोत्तरवेदिसंभारेष्व् अग्नी प्रतिष्ठापयतः
paśubandhavad ubhāv āhavanīyau praṇīyobhayatrottaravedisaṃbhāreṣv agnī pratiṣṭhāpayataḥ
- 13
अग्नीन् अन्वाधाय मारुत्या वारुण्याश्चोभयोर् आमिक्षयोर्वत्सान् अपाकुरुतः सायंदोहौ पृथग्दधिनी कुरुतः
agnīn anvādhāya mārutyā vāruṇyāścobhayor āmikṣayorvatsān apākurutaḥ sāyaṃdohau pṛthagdadhinī kurutaḥ

