13 shlokas
- 1
कृत्वोत्तरं परिग्राहम् आज्येन दध्ना चोदेहीति प्रैषं संनमति
kṛtvottaraṃ parigrāham ājyena dadhnā codehīti praiṣaṃ saṃnamati
- 2
आज्यं निरुप्य पृषदाज्याय दधि निर्वपति
ājyaṃ nirupya pṛṣadājyāya dadhi nirvapati
- 3
तस्याज्यधर्मः स्यात्
tasyājyadharmaḥ syāt
- 4
नाधिश्रयति
nādhiśrayati
- 5
आज्यग्रहणे जुहूपभृतोश्चतुर्गृहीते गृहीत्वा निरुप्ताज्यस्य तृतीयं निरुप्ते दध्य् आनीय महीनां पयो ऽसीति द्वितीयोपभृति पञ्चगृहीतं पृषदाज्यं गृह्णाति
ājyagrahaṇe juhūpabhṛtoścaturgṛhīte gṛhītvā niruptājyasya tṛtīyaṃ nirupte dadhy ānīya mahīnāṃ payo 'sīti dvitīyopabhṛti pañcagṛhītaṃ pṛṣadājyaṃ gṛhṇāti
- 6
हविरुद्वासनेषु द्वयोः पात्रयोर् आमिक्षाम् उद्धृत्य वाजिनैकदेशेनोपसिञ्चति
havirudvāsaneṣu dvayoḥ pātrayor āmikṣām uddhṛtya vājinaikadeśenopasiñcati
- 7
एककपालं पात्रे ऽन्यस्मिन्न् उद्वास्य तद् आज्येनाभिपूरयित्वाविःपृष्ठं कुर्याद् इत्य् एके
ekakapālaṃ pātre 'nyasminn udvāsya tad ājyenābhipūrayitvāviḥpṛṣṭhaṃ kuryād ity eke
- 8
प्रथमं चातुर्मास्यान्य् अन्वारभमाणस्य व्याहृतीभिर्हवींष्य् आसादयति तथा संवत्सरे
prathamaṃ cāturmāsyāny anvārabhamāṇasya vyāhṛtībhirhavīṃṣy āsādayati tathā saṃvatsare
- 9
उत्करे वाजिनम् आसादयति
utkare vājinam āsādayati
- 10
अग्निर्होतेति पञ्चहोत्रा यजमानो हवींष्य् आसन्नान्य् अभिमृशति वाजिनं च
agnirhoteti pañcahotrā yajamāno havīṃṣy āsannāny abhimṛśati vājinaṃ ca
- 11
निर्मन्थ्यं करिष्यन्न् अग्नेर्जनित्रम् असीति शकलम् आदाय बर्हिष्य् अपरेणाहवनीयं निधाय वृषणौ स्थ इति प्राचीने बर्हिषी शकले निधायोर्वश्य् असीत्य् अधरारणिम् आदाय पुरूरवा इत्य् उत्तरारणिं च घृतेनाक्ते इत्य् आज्यस्थाल्या बिले ऽक्त्वायुर् असीति समवदधाति
nirmanthyaṃ kariṣyann agnerjanitram asīti śakalam ādāya barhiṣy apareṇāhavanīyaṃ nidhāya vṛṣaṇau stha iti prācīne barhiṣī śakale nidhāyorvaśy asīty adharāraṇim ādāya purūravā ity uttarāraṇiṃ ca ghṛtenākte ity ājyasthālyā bile 'ktvāyur asīti samavadadhāti
- 12
अग्नये मथ्यमानायानुब्रूहीति संप्रेष्याभि त्वा देव सवितर् इति होत्रा त्रिर् अनूक्तायां गायत्रं छन्दो ऽनु प्रजायस्वेति प्रजातिभिस्त्रिभिस्त्रिः प्रदक्षिणं मन्थम् आवर्त्य यथाकामं मन्थति
agnaye mathyamānāyānubrūhīti saṃpreṣyābhi tvā deva savitar iti hotrā trir anūktāyāṃ gāyatraṃ chando 'nu prajāyasveti prajātibhistribhistriḥ pradakṣiṇaṃ mantham āvartya yathākāmaṃ manthati
- 13
जातायानुब्रूहीति जाते संप्रेष्यति
jātāyānubrūhīti jāte saṃpreṣyati

