13 shlokas
- 1
प्रह्रियमाणायानुब्रूहीति प्रह्रियमाणे
prahriyamāṇāyānubrūhīti prahriyamāṇe
- 2
भवतं नः समनसाव् इत्य् उत्तरपरिधिसंधिना निर्मन्थ्यम् आहवनीये प्रहरति
bhavataṃ naḥ samanasāv ity uttaraparidhisaṃdhinā nirmanthyam āhavanīye praharati
- 3
अग्नाव् अग्निर् इति प्रत्यभिजुहोति
agnāv agnir iti pratyabhijuhoti
- 4
अग्नये समिध्यमानायानुब्रूहीति संप्रेष्यति
agnaye samidhyamānāyānubrūhīti saṃpreṣyati
- 5
यथाप्रकृति चतुरो दुर उषासानक्ता दैव्या होतारा तिस्रो देवीर् इति चतुरः प्रकृतिवद् उत्तम इति नव प्रयाजा इज्यन्ते
yathāprakṛti caturo dura uṣāsānaktā daivyā hotārā tisro devīr iti caturaḥ prakṛtivad uttama iti nava prayājā ijyante
- 6
चतुर्थे ऽर्धं समानीयाष्टमे सर्वं समानयते
caturthe 'rdhaṃ samānīyāṣṭame sarvaṃ samānayate
- 7
तेष्व् आदितश्चतुर्भिर् अनुमन्त्रणैश्चतुरो यजमानो ऽनुमन्त्रयते दुरःप्रभृतींश्चतुरश्चतुर्थस्यानुमन्त्रणेन पञ्चमे नवमम्
teṣv āditaścaturbhir anumantraṇaiścaturo yajamāno 'numantrayate duraḥprabhṛtīṃścaturaścaturthasyānumantraṇena pañcame navamam
- 8
सावित्रैककपालयोर्देवताम् उपांश्व् अध्वर्युर्यजति
sāvitraikakapālayordevatām upāṃśv adhvaryuryajati
- 9
अखण्डम् एककपालम् अवदायर्जुं प्रतिष्ठितम् अपर्यावर्तयञ्जुहोति यथायं न दिक्षु पद्येत
akhaṇḍam ekakapālam avadāyarjuṃ pratiṣṭhitam aparyāvartayañjuhoti yathāyaṃ na dikṣu padyeta
- 10
यदि पद्येत वरं दत्त्वा स्रुगग्रेण प्रतिष्ठापयेत्प्रत्यादाय वा पुनः स्थापयेन्न पाणिनेत्य् एके
yadi padyeta varaṃ dattvā srugagreṇa pratiṣṭhāpayetpratyādāya vā punaḥ sthāpayenna pāṇinety eke
- 11
मधुश्च माधवश्चेति चतुर्भिर्मासनामभिर् एककपालम् अभिजुहोति
madhuśca mādhavaśceti caturbhirmāsanāmabhir ekakapālam abhijuhoti
- 12
प्रथमजो वत्सो दक्षिणा मिथुनौ वा गावौ
prathamajo vatso dakṣiṇā mithunau vā gāvau
- 13
पृषदाज्यं यद् उपभृति तज्जुह्वाम् आनीय ताम् एवोपभृत्यैतेन नवानूयाजा इज्यन्ते
pṛṣadājyaṃ yad upabhṛti tajjuhvām ānīya tām evopabhṛtyaitena navānūyājā ijyante

