10 shlokas
- 1
सद्यस्काला वरुणप्रघासा इत्य् एके
sadyaskālā varuṇapraghāsā ity eke
- 2
प्रातर्हुते ऽग्निहोत्रे पाणिप्रक्षालनादि प्रतिपद्य पृथक्पात्राणि प्रयुङ्क्तः
prātarhute 'gnihotre pāṇiprakṣālanādi pratipadya pṛthakpātrāṇi prayuṅktaḥ
- 3
स्रुचः शमीमय्यो हिरण्मय्यो वा
srucaḥ śamīmayyo hiraṇmayyo vā
- 4
अध्वर्युः पञ्च संचराण्यैन्द्राग्नम् एकादशकपालं च निर्वपति
adhvaryuḥ pañca saṃcarāṇyaindrāgnam ekādaśakapālaṃ ca nirvapati
- 5
प्रतिप्रस्थाता मारुतीम् आमिक्षां प्रति मारुत्यै मेष्यै यवान्निर्वपत्य् अध्वर्युर्वारुणीम् आमिक्षां प्रति वारुणाय मेषाय यवान्निरुप्य कायम् एककपालं निर्वपति
pratiprasthātā mārutīm āmikṣāṃ prati mārutyai meṣyai yavānnirvapaty adhvaryurvāruṇīm āmikṣāṃ prati vāruṇāya meṣāya yavānnirupya kāyam ekakapālaṃ nirvapati
- 6
पुंव्यञ्जनो मेषः स्त्रीव्यञ्जनी मेषी
puṃvyañjano meṣaḥ strīvyañjanī meṣī
- 7
प्रोक्षणीशेषेण यवान्संयुत्यावहन्ति
prokṣaṇīśeṣeṇa yavānsaṃyutyāvahanti
- 8
ऐन्द्राग्नपर्यन्तानां कपालेषूपहितेषु मनागुपतप्तानाम् अवाञ्जनपिष्टानां यवानां प्रतिपुरुषं करम्भपात्राण्य् एकातिरिक्तानि तेषाम् एवाध्वर्युर्वारुणं मेषं प्रतिप्रस्थाता मारुतीं मेषीम् एकादशसु द्वादशसु वा कपालेष्व् अधिश्रयति
aindrāgnaparyantānāṃ kapāleṣūpahiteṣu manāgupataptānām avāñjanapiṣṭānāṃ yavānāṃ pratipuruṣaṃ karambhapātrāṇy ekātiriktāni teṣām evādhvaryurvāruṇaṃ meṣaṃ pratiprasthātā mārutīṃ meṣīm ekādaśasu dvādaśasu vā kapāleṣv adhiśrayati
- 9
आप्येभ्यो निनीयाग्नी प्रणयत इत्य् एके
āpyebhyo ninīyāgnī praṇayata ity eke
- 10
अग्निवत्य् उत्तरं परिग्राहं परिगृह्य स्रुवं स्रुचश्च संमृड्ढि पत्नीं संनह्याज्येन दध्ना चोदेहीति संप्रैषं संनमति
agnivaty uttaraṃ parigrāhaṃ parigṛhya sruvaṃ srucaśca saṃmṛḍḍhi patnīṃ saṃnahyājyena dadhnā codehīti saṃpraiṣaṃ saṃnamati

