13 shlokas
- 1
प्रतिप्रस्थाता दक्षिणम् अग्निं संमार्ष्टि
pratiprasthātā dakṣiṇam agniṃ saṃmārṣṭi
- 2
ऐन्द्राग्नपर्यन्तः प्रचरिते मारुत्या आमिक्षायाः प्रथमेनावदानेन सह प्रतिप्रस्थाता सर्वां मेषीम् अवद्यति
aindrāgnaparyantaḥ pracarite mārutyā āmikṣāyāḥ prathamenāvadānena saha pratiprasthātā sarvāṃ meṣīm avadyati
- 3
द्वितीयेनावदानेन शमीपर्णकरीरसक्तून् अवद्यन्मरुद्भ्यो ऽनुब्रूहीति संप्रेष्यति
dvitīyenāvadānena śamīparṇakarīrasaktūn avadyanmarudbhyo 'nubrūhīti saṃpreṣyati
- 4
वारुण्या आमिक्षायाः प्रथमेनावदानेन सहाध्वर्युः सर्वं मेषम् अवद्यति
vāruṇyā āmikṣāyāḥ prathamenāvadānena sahādhvaryuḥ sarvaṃ meṣam avadyati
- 5
द्वितीयेन शमीपर्णकरीरसक्तून् अवद्यन्वरुणायानुब्रूहीति संप्रेष्य वषट्कृते ऽध्वर्युर्हुत्वैककपालम् अवदाय कायानुब्रूहीति संप्रेष्य पूर्ववद्धुत्वा नभश्च नभस्यश्चेति चतुर्भिर्मासनामभिर् एककपालम् अभिजुहोति
dvitīyena śamīparṇakarīrasaktūn avadyanvaruṇāyānubrūhīti saṃpreṣya vaṣaṭkṛte 'dhvaryurhutvaikakapālam avadāya kāyānubrūhīti saṃpreṣya pūrvavaddhutvā nabhaśca nabhasyaśceti caturbhirmāsanāmabhir ekakapālam abhijuhoti
- 6
सप्तभ्यो वारुण्यन्तेभ्य इडां समवदाय प्रतिप्रस्थात्रे प्रयच्छति
saptabhyo vāruṇyantebhya iḍāṃ samavadāya pratiprasthātre prayacchati
- 7
तस्मिन्प्रतिप्रस्थाता मारुत्या अवदायादधाति
tasminpratiprasthātā mārutyā avadāyādadhāti
- 8
उपहूतां यजमानषष्ठाः प्राश्नन्ति
upahūtāṃ yajamānaṣaṣṭhāḥ prāśnanti
- 9
धेनुर्दक्षिणा
dhenurdakṣiṇā
- 10
परिवत्सरीणां स्वस्तिम् आशास्त इत्य् आशिःषु होता पूर्ववद् अनुवर्तयति
parivatsarīṇāṃ svastim āśāsta ity āśiḥṣu hotā pūrvavad anuvartayati
- 11
प्रहृत्य परिधीन् उभौ वाजिभ्यो ऽनुब्रूहीति पूर्ववच्चरतः
prahṛtya paridhīn ubhau vājibhyo 'nubrūhīti pūrvavaccarataḥ
- 12
आ मा विशन्त्व् इन्दव इति सर्वे वाजिनं भक्षयन्ति
ā mā viśantv indava iti sarve vājinaṃ bhakṣayanti
- 13
पूर्णपात्रवर्जम् अतो ऽन्यत्सिद्धेष्टिः
pūrṇapātravarjam ato 'nyatsiddheṣṭiḥ

