10 shlokas
- 1
आज्यहविष्केणोपांशुयाजेन यजते
ājyahaviṣkeṇopāṃśuyājena yajate
- 2
तस्योच्चैर् आश्रुतप्रत्याश्रुते याज्यापुरोनुवाक्या संप्रैषौ प्रणव आगूर्वषट्कारश्चातो ऽन्यद् उपांशु
tasyoccair āśrutapratyāśrute yājyāpuronuvākyā saṃpraiṣau praṇava āgūrvaṣaṭkāraścāto 'nyad upāṃśu
- 3
आज्यसांनाय्ययोः स्रुवेणावद्यति मेक्षणेन चरूणाम्
ājyasāṃnāyyayoḥ sruveṇāvadyati mekṣaṇena carūṇām
- 4
दब्धिर् असीत्य् उपांशुयाजस्य हुतं यजमानः
dabdhir asīty upāṃśuyājasya hutaṃ yajamānaḥ
- 5
यथादेवतम् उत्तरेण पुरोडाशेनाध्वर्युः प्रचरति
yathādevatam uttareṇa puroḍāśenādhvaryuḥ pracarati
- 6
अग्नीषोमयोर् अहं देवयज्यया वृत्रहा भूयासम् इत्य् अग्नीषोमीयस्य हुतं यजमान इन्द्राग्न्योर् अहं देवयज्ययेन्द्रियाव्य् अन्नादो भूयासम् इत्य् ऐन्द्राग्नस्य हुतम् अनुमन्त्रयते
agnīṣomayor ahaṃ devayajyayā vṛtrahā bhūyāsam ity agnīṣomīyasya hutaṃ yajamāna indrāgnyor ahaṃ devayajyayendriyāvy annādo bhūyāsam ity aindrāgnasya hutam anumantrayate
- 7
अध्वर्युः समवदाय सांनाय्याभ्यां प्रचरति
adhvaryuḥ samavadāya sāṃnāyyābhyāṃ pracarati
- 8
द्विः शृतस्यावद्यति द्विर्दध्नस्त्रिस्त्रिः पञ्चावत्तिनः
dviḥ śṛtasyāvadyati dvirdadhnastristriḥ pañcāvattinaḥ
- 9
इन्द्रस्याहम् इत्य् ऐन्द्रस्य सांनाय्यस्य हुतं यजमानो ऽनुमन्त्रयते महेन्द्रस्याहम् इति माहेन्द्रस्येन्द्रस्य वैमृधस्येति वैमृधस्य हुतम्
indrasyāham ity aindrasya sāṃnāyyasya hutaṃ yajamāno 'numantrayate mahendrasyāham iti māhendrasyendrasya vaimṛdhasyeti vaimṛdhasya hutam
- 10
अध्वर्युर् ऋषभं वाजिनं वयम् अमावास्या सुभगेति यथालिङ्गं विभज्य स्रुवेण पार्वणौ होमौ जुहोति
adhvaryur ṛṣabhaṃ vājinaṃ vayam amāvāsyā subhageti yathāliṅgaṃ vibhajya sruveṇa pārvaṇau homau juhoti

