10 shlokas
- 1
स्रुवाघारम् आघारयिष्यन्भुवनम् असीति जुहूपभृताव् अग्रेण देवेभ्यः प्राचीनम् अञ्जलिं करोति स्वधा पितृभ्य इति पितृभ्यो दक्षिणम्
sruvāghāram āghārayiṣyanbhuvanam asīti juhūpabhṛtāv agreṇa devebhyaḥ prācīnam añjaliṃ karoti svadhā pitṛbhya iti pitṛbhyo dakṣiṇam
- 2
अपरेणाहवनीयं दक्षिणेन पदा दक्षिणातिक्रामति सव्येनोदङ्
apareṇāhavanīyaṃ dakṣiṇena padā dakṣiṇātikrāmati savyenodaṅ
- 3
जुह्व् एहीति जुहूम् आदत्त उपभृद् एहीत्य् उपभृतम्
juhv ehīti juhūm ādatta upabhṛd ehīty upabhṛtam
- 4
सुयमे मे अद्येत्य् उपभृति जुहूम् अवधायाग्नाविष्णू इत्य् अनवक्रामन्प्रस्तरं दक्षिणातिक्रम्य विष्णोः स्थानम् असीत्य् अवस्थायान्तर्वेदि दक्षिणं पादं तत्स्पृष्टप्रपदं सव्यं कृत्वोर्ध्वस्तिष्ठन्न् अन्वारब्धे यजमाने दक्षिणं परिधिसंधिं स्पृष्ट्वेशानान्तं समारभ्योर्ध्व इति पूर्ववद् ऐन्द्रम् आघारयति
suyame me adyety upabhṛti juhūm avadhāyāgnāviṣṇū ity anavakrāmanprastaraṃ dakṣiṇātikramya viṣṇoḥ sthānam asīty avasthāyāntarvedi dakṣiṇaṃ pādaṃ tatspṛṣṭaprapadaṃ savyaṃ kṛtvordhvastiṣṭhann anvārabdhe yajamāne dakṣiṇaṃ paridhisaṃdhiṃ spṛṣṭveśānāntaṃ samārabhyordhva iti pūrvavad aindram āghārayati
- 5
हुत्वाभिप्राणिति
hutvābhiprāṇiti
- 6
बृहद्भा इति स्रुचम् उद्गृह्णाति
bṛhadbhā iti srucam udgṛhṇāti
- 7
वाग् अस्य् ऐन्द्रीति यजमानो ऽनुमन्त्रयते
vāg asy aindrīti yajamāno 'numantrayate
- 8
अध्वर्युः स्रुचाव् असंस्पर्शयन्पाहि माग्न इत्य् उदङ्मुखः प्रत्याक्रामति
adhvaryuḥ srucāv asaṃsparśayanpāhi māgna ity udaṅmukhaḥ pratyākrāmati
- 9
एते एवाक्रमणप्रत्याक्रमणे मन्त्रवती
ete evākramaṇapratyākramaṇe mantravatī
- 10
मखस्य शिरो ऽसीति जुह्वा ध्रुवां त्रिः समनक्ति
makhasya śiro 'sīti juhvā dhruvāṃ triḥ samanakti

