13 shlokas
- 1
दश ते तनुवो यज्ञेति षड्भिः प्रतिमन्त्रं नारिष्ठहोमाञ्जुहोति
daśa te tanuvo yajñeti ṣaḍbhiḥ pratimantraṃ nāriṣṭhahomāñjuhoti
- 2
पुरस्तात्समिष्टयजुष इत्य् एके
purastātsamiṣṭayajuṣa ity eke
- 3
जुह्वाम् उपस्तीर्य सर्वेभ्यो हविर्भ्य उत्तरार्धात्सकृत्सकृत्स्विष्टकृते ऽवद्यति द्विः पञ्चावत्तिनो यद् अनुपूर्वाणि प्रदीयन्ते
juhvām upastīrya sarvebhyo havirbhya uttarārdhātsakṛtsakṛtsviṣṭakṛte 'vadyati dviḥ pañcāvattino yad anupūrvāṇi pradīyante
- 4
द्विर् अभिघारयति हविःशेषान्
dvir abhighārayati haviḥśeṣān
- 5
न प्रत्यभिघारयति
na pratyabhighārayati
- 6
असंसृष्टाम् इतराभिर् आहुतिभिर् उत्तरार्धपूर्वार्धे ज्योतिषि जुहोति
asaṃsṛṣṭām itarābhir āhutibhir uttarārdhapūrvārdhe jyotiṣi juhoti
- 7
अग्नेः स्विष्टकृतो ऽहम् इति यजमानः स्विष्टकृतो हुतम् अनुमन्त्रयते ऽग्निर्मा दुरिष्टात्पात्व् इति च
agneḥ sviṣṭakṛto 'ham iti yajamānaḥ sviṣṭakṛto hutam anumantrayate 'gnirmā duriṣṭātpātv iti ca
- 8
अध्वर्युर् उदङ्ङ् अत्याक्रम्य जुह्वाम् अप आनीय वैश्वानरे हविर् इदं जुहोमीति मध्यमं परिधिं प्रदक्षिणम् अनुपरिषिञ्चति
adhvaryur udaṅṅ atyākramya juhvām apa ānīya vaiśvānare havir idaṃ juhomīti madhyamaṃ paridhiṃ pradakṣiṇam anupariṣiñcati
- 9
अन्तःपरिधि निनयतीत्य् एके
antaḥparidhi ninayatīty eke
- 10
स्रुचौ निधाय स्रुवेण तिर्यञ्चं प्राञ्चं वाग्नेयं विरुज्याङ्गुष्ठेनानामिकया च व्यूह्य मध्यात्पिप्पलमात्रं यवमात्रं वा ज्यायो यवमात्राद् इति प्राशित्रं प्राशित्रहरणे ऽवद्यति
srucau nidhāya sruveṇa tiryañcaṃ prāñcaṃ vāgneyaṃ virujyāṅguṣṭhenānāmikayā ca vyūhya madhyātpippalamātraṃ yavamātraṃ vā jyāyo yavamātrād iti prāśitraṃ prāśitraharaṇe 'vadyati
- 11
एवम् अविरुज्योत्तरस्मात्पुरोडाशाद् अवदायाभिघारयति
evam avirujyottarasmātpuroḍāśād avadāyābhighārayati
- 12
आग्नेयाद् एवावद्यतीत्य् एके
āgneyād evāvadyatīty eke
- 13
मित्रस्य त्वेति ब्रह्मावदीयमानं प्रेक्षते
mitrasya tveti brahmāvadīyamānaṃ prekṣate

