12 shlokas
- 1
अग्नीषोमयोर् इति यजमानस्ताव् अनुमन्त्रयते
agnīṣomayor iti yajamānastāv anumantrayate
- 2
अध्वर्युः प्रत्याक्रम्य जुह्वाम् उपस्तीर्य मा भेर्मा संविक्था इत्य् अवदास्यन्पुरोडाशम् अभिमृशति
adhvaryuḥ pratyākramya juhvām upastīrya mā bhermā saṃvikthā ity avadāsyanpuroḍāśam abhimṛśati
- 3
पञ्चहोतारं यजमानो व्याचक्षीत
pañcahotāraṃ yajamāno vyācakṣīta
- 4
अध्वर्युर्मांससंहिताभ्यां दक्षिणानामिकामध्यमाभ्याम् अङ्गुष्ठेन चाङ्गुष्ठपर्वमात्रं मध्यात्पुरोडाशस्य तिरश्चीनम् अवद्यति
adhvaryurmāṃsasaṃhitābhyāṃ dakṣiṇānāmikāmadhyamābhyām aṅguṣṭhena cāṅguṣṭhaparvamātraṃ madhyātpuroḍāśasya tiraścīnam avadyati
- 5
पूर्वार्धाद्द्वितीयं चतुरवत्तिनो ऽनूचीनं
pūrvārdhāddvitīyaṃ caturavattino 'nūcīnaṃ
- 6
तद्वत्पश्चार्धात्पञ्चावत्तिनस्तृतीयम्
tadvatpaścārdhātpañcāvattinastṛtīyam
- 7
अवदानान्य् अभिघार्य ध्रुवाम् आप्याय्य यद् अवदानानीति हविः प्रत्यभिघार्याग्नये ऽनुब्रूहीति दक्षिणातिक्रम्य वषट्कार आज्यं हुत्वा स्रुवेण प्रस्तरबर्हिः समज्यापिदधद् इवाप्रक्षिणन्पुरोडाशावदानं जुहोति
avadānāny abhighārya dhruvām āpyāyya yad avadānānīti haviḥ pratyabhighāryāgnaye 'nubrūhīti dakṣiṇātikramya vaṣaṭkāra ājyaṃ hutvā sruveṇa prastarabarhiḥ samajyāpidadhad ivāprakṣiṇanpuroḍāśāvadānaṃ juhoti
- 8
आज्येनान्ततो ऽन्ववस्रावयति
ājyenāntato 'nvavasrāvayati
- 9
मुखेन पुरोडाशाद् इतरा आहुतीः स्रावयति
mukhena puroḍāśād itarā āhutīḥ srāvayati
- 10
पूर्वां पूर्वां संहिताम् आहुतिं जुहोति
pūrvāṃ pūrvāṃ saṃhitām āhutiṃ juhoti
- 11
स्रुच्यम् आघारम् अभिजुहोति
srucyam āghāram abhijuhoti
- 12
अग्नेर् अहम् इति हुतम् आग्नेयं यजमानो ऽनुमन्त्रयते
agner aham iti hutam āgneyaṃ yajamāno 'numantrayate

