10 shlokas
- 1
यथेतं प्रत्येत्य प्रत्यग् अग्रेणासीनो दक्षिणे होतुः पाणाव् इडाया अवान्तरेडाम् अवद्यति
yathetaṃ pratyetya pratyag agreṇāsīno dakṣiṇe hotuḥ pāṇāv iḍāyā avāntareḍām avadyati
- 2
इडालेपाद् उपस्तीर्य प्रथमम् अध्वर्युर् अवद्यत्य् अङ्गुष्ठप्रभृताङ्गुलीर् अन्तरेण सव्यं होता द्वितीयं गृह्णाति लेपेन चाध्वर्युर् अभिघारयति
iḍālepād upastīrya prathamam adhvaryur avadyaty aṅguṣṭhaprabhṛtāṅgulīr antareṇa savyaṃ hotā dvitīyaṃ gṛhṇāti lepena cādhvaryur abhighārayati
- 3
द्विः पञ्चावत्तिनः
dviḥ pañcāvattinaḥ
- 4
अङ्गुष्ठेनोपसंकुच्यामुष्टिं कृत्वा मुखसंमितम् इडापात्रं धारयमाणम् इडोपहुता सह दिवेतीडाम् उपहूयमानं होतारम् अध्वर्युर् अग्नीद्यजमानश्चान्वारभन्ते
aṅguṣṭhenopasaṃkucyāmuṣṭiṃ kṛtvā mukhasaṃmitam iḍāpātraṃ dhārayamāṇam iḍopahutā saha divetīḍām upahūyamānaṃ hotāram adhvaryur agnīdyajamānaścānvārabhante
- 5
इड एह्य् अदित एहीत्य् उपांशूपहवे यजमानः सप्त देवगवीर्जपति
iḍa ehy adita ehīty upāṃśūpahave yajamānaḥ sapta devagavīrjapati
- 6
चिद् असि मनासीत्य् उच्चैर् उपहवे सप्त मनुष्यगवीः
cid asi manāsīty uccair upahave sapta manuṣyagavīḥ
- 7
विश्वा त्वं भूत्वेतीडाम् उपहूयमानाम् अनुमन्त्रयते
viśvā tvaṃ bhūtvetīḍām upahūyamānām anumantrayate
- 8
वायव् इडा ते मातेति होतारम् ईक्षमाणो वायुं मनसा ध्यायेत्
vāyav iḍā te māteti hotāram īkṣamāṇo vāyuṃ manasā dhyāyet
- 9
दैव्या अध्वर्युर् उपहूतो ऽयं यजमान इत्य् उच्यमाने ऽध्वर्युयजमानाव् उपहूतः पशुमान् असानीति क्रमेण जपतः सा मे सत्याशीर् इत्य् आशिःषु यजमान इडाया अहं देवयज्ययेत्य् उपहूताम् इडां भक्षायाह्रियमाणाम् अभिमन्त्रयते
daivyā adhvaryur upahūto 'yaṃ yajamāna ity ucyamāne 'dhvaryuyajamānāv upahūtaḥ paśumān asānīti krameṇa japataḥ sā me satyāśīr ity āśiḥṣu yajamāna iḍāyā ahaṃ devayajyayety upahūtām iḍāṃ bhakṣāyāhriyamāṇām abhimantrayate
- 10
उपहूतायाम् इडायाम् अग्रेणाहवनीयम् अध्वर्युर्ब्रह्मणे प्राशित्रं परिहरति परिहरति
upahūtāyām iḍāyām agreṇāhavanīyam adhvaryurbrahmaṇe prāśitraṃ pariharati pariharati

