11 shlokas
- 1
स्रुवेण ध्रुवाया उन्नीतं राय इत्य् आज्यम् आदाय सुवीराय स्वाहेति जुहूं प्रत्यभिघारयति यज्ञेन यज्ञः संतत इति जुह्वा द्विस्त्रिर्वा ध्रुवाम्
sruveṇa dhruvāyā unnītaṃ rāya ity ājyam ādāya suvīrāya svāheti juhūṃ pratyabhighārayati yajñena yajñaḥ saṃtata iti juhvā dvistrirvā dhruvām
- 2
यथास्थानं स्रुचौ सादयति
yathāsthānaṃ srucau sādayati
- 3
स्फ्योपसंनद्धानीध्मसंनहनानि वेदेश्च तृणम् अव्यन्तम् आदायोत्तरतो ऽध्वर्युः प्रवरायावस्थाय क इदम् अध्वर्युर्भविष्यतीति जपति
sphyopasaṃnaddhānīdhmasaṃnahanāni vedeśca tṛṇam avyantam ādāyottarato 'dhvaryuḥ pravarāyāvasthāya ka idam adhvaryurbhaviṣyatīti japati
- 4
तान्य् अन्वारभ्याध्वर्योः पश्चाद् अवस्थायाग्नीध्रः क इदम् अग्नीद् इति
tāny anvārabhyādhvaryoḥ paścād avasthāyāgnīdhraḥ ka idam agnīd iti
- 5
अध्वर्युर्ब्रह्मन्प्रवरायाश्रावयिष्यामीत्य् आमन्त्र्य वाचस्पते वाचम् आश्रावयेति तेन प्रसूत आश्रावयो श्रावय श्रावयेति वाश्रावयति
adhvaryurbrahmanpravarāyāśrāvayiṣyāmīty āmantrya vācaspate vācam āśrāvayeti tena prasūta āśrāvayo śrāvaya śrāvayeti vāśrāvayati
- 6
अस्तु श्रौषड् इत्य् अग्नीद् उत्करे दक्षिणामुखस्तिष्ठन्स्फ्यं धारयन्प्रत्याश्रावयति
astu śrauṣaḍ ity agnīd utkare dakṣiṇāmukhastiṣṭhansphyaṃ dhārayanpratyāśrāvayati
- 7
सर्वत्रैवम् आश्रुतप्रत्याश्रुते भवतः
sarvatraivam āśrutapratyāśrute bhavataḥ
- 8
ऊर्ध्वज्ञुम् आसीनं होतारम् अध्वर्युर् अग्निर्देवो होतेति वृणीते ऽमुवद् अमुवद् इति यथा यजमानस्यार्षेयं सह प्रवरेण त्रीन् अनन्तरान् इति
ūrdhvajñum āsīnaṃ hotāram adhvaryur agnirdevo hoteti vṛṇīte 'muvad amuvad iti yathā yajamānasyārṣeyaṃ saha pravareṇa trīn anantarān iti
- 9
ऊर्ध्वान्मन्त्रकृतो ऽध्वर्युर्वृणीते ऽमुतो ऽर्वाचो होतेति विज्ञायते
ūrdhvānmantrakṛto 'dhvaryurvṛṇīte 'muto 'rvāco hoteti vijñāyate
- 10
अपि वैकं द्वौ त्रीन्पञ्च
api vaikaṃ dvau trīnpañca
- 11
न चतुरो वृणीते न पञ्चातिप्रवृणीते
na caturo vṛṇīte na pañcātipravṛṇīte

