5 shlokas
- 1
अथासीनो ऽध्वर्युर् इध्माद् एकैकां समिधम् आदाय प्रणवे प्रणवे प्रति सामिधेन्यादधाति यावत्पञ्चदश
athāsīno 'dhvaryur idhmād ekaikāṃ samidham ādāya praṇave praṇave prati sāmidhenyādadhāti yāvatpañcadaśa
- 2
अनूयाजेभ्य एकां समिधम् अवशिनष्टि
anūyājebhya ekāṃ samidham avaśinaṣṭi
- 3
पुरस्ताद् उपरिष्टाद्वा सामिधेनीनां यजमानो दशहोतारं व्याचक्षीत
purastād upariṣṭādvā sāmidhenīnāṃ yajamāno daśahotāraṃ vyācakṣīta
- 4
आङ्गिरसो मास्य यज्ञस्येति मध्य उच्छुष्मो अग्न इति समिध्यमानम् अग्निम् अनुमन्त्रयते समिद्धो अग्निर् आहुत इति समिद्धम्
āṅgiraso māsya yajñasyeti madhya ucchuṣmo agna iti samidhyamānam agnim anumantrayate samiddho agnir āhuta iti samiddham
- 5
आजुहोतेत्य् उच्यमाने ऽध्वर्युर् इध्मशेषं प्रक्षिप्य वेदेनाहवनीयं त्रिर् उपवाज्यानूक्तासु सामिधेनीषु स्रुवेण ध्रुवाया आज्यम् आदाय वेदेनोपयम्योत्तरं परिधिसन्धिं स्पृष्ट्वा प्रजापतये स्वाहेति मनसा संततम् ऋजुं ज्योतिषि प्राजापत्यम् आघारम् आघारयति
ājuhotety ucyamāne 'dhvaryur idhmaśeṣaṃ prakṣipya vedenāhavanīyaṃ trir upavājyānūktāsu sāmidhenīṣu sruveṇa dhruvāyā ājyam ādāya vedenopayamyottaraṃ paridhisandhiṃ spṛṣṭvā prajāpataye svāheti manasā saṃtatam ṛjuṃ jyotiṣi prājāpatyam āghāram āghārayati

