14 shlokas
- 1
पयसा मुमुक्षोः श्रीकामस्य वा जुहुयाद् आज्येन तेजस्कामस्य दध्नेन्द्रियकामस्य यवाग्वा ग्रामकामस्यौदनेनान्नाद्यकामस्य तण्डुलैर् ओजस्कामस्य पाप्मानं हन्तुकामस्य वा पिष्टेन विद्याकामस्य सोमेन ब्रह्मवर्चसकामस्य
payasā mumukṣoḥ śrīkāmasya vā juhuyād ājyena tejaskāmasya dadhnendriyakāmasya yavāgvā grāmakāmasyaudanenānnādyakāmasya taṇḍulair ojaskāmasya pāpmānaṃ hantukāmasya vā piṣṭena vidyākāmasya somena brahmavarcasakāmasya
- 2
दध्नस्तण्डुलानां सोमस्य नाधिश्रयणप्रतिषेचने
dadhnastaṇḍulānāṃ somasya nādhiśrayaṇapratiṣecane
- 3
प्रतिषेककाल आज्यस्य दर्भतरुणौ प्रत्यस्येत्
pratiṣekakāla ājyasya darbhataruṇau pratyasyet
- 4
पर्वण्य् एव राजन्यस्याग्निहोत्रं भवति
parvaṇy eva rājanyasyāgnihotraṃ bhavati
- 5
अहरहर्नित्यं ब्राह्मणेभ्यो ऽन्नं दीयते
aharaharnityaṃ brāhmaṇebhyo 'nnaṃ dīyate
- 6
तद् एतद् अन्तराले ऽस्याग्निहोत्रं भवति
tad etad antarāle 'syāgnihotraṃ bhavati
- 7
नित्यम् अग्निर् उपस्थेयः
nityam agnir upastheyaḥ
- 8
यः सोमयाजी तस्य सदाग्निहोत्रं जुहुयात्
yaḥ somayājī tasya sadāgnihotraṃ juhuyāt
- 9
अहर् अहर्यजमानः स्वयम् अग्निहोत्रम्जुहुयाच्छिष्यो वा
ahar aharyajamānaḥ svayam agnihotramjuhuyācchiṣyo vā
- 10
दीदिहि दीद्यासं दीदिता मे ऽसि स्वाहेत्य् अग्नीन् उपसमिन्द्धे
dīdihi dīdyāsaṃ dīditā me 'si svāhety agnīn upasaminddhe
- 11
अपिप्रेर् अग्ने स्वां तन्वम् अयाड्द्यावापृथिवी ऊर्जम् अस्मासु धेहीत्य् अग्निहोत्रस्थाल्यां बर्हिर् अङ्क्त्वाहवनीये ऽनुप्रहरति
apiprer agne svāṃ tanvam ayāḍdyāvāpṛthivī ūrjam asmāsu dhehīty agnihotrasthālyāṃ barhir aṅktvāhavanīye 'nupraharati
- 12
सा ह्य् अग्निहोत्रस्य संस्थितिः
sā hy agnihotrasya saṃsthitiḥ
- 13
न बर्हिर् अनुप्रहरेत्
na barhir anupraharet
- 14
असंस्थितो वा एष यज्ञो यद् अग्निहोत्रम् इति विज्ञायते
asaṃsthito vā eṣa yajño yad agnihotram iti vijñāyate

