13 shlokas
- 1
अथाग्निहोत्रम्
athāgnihotram
- 2
अग्निहोत्रं सायंप्रातर्गृहाणां निष्कृतिम् अपश्यन्न् इति विज्ञायते
agnihotraṃ sāyaṃprātargṛhāṇāṃ niṣkṛtim apaśyann iti vijñāyate
- 3
अग्निहोत्रस्य यज्ञक्रतोर् एक ऋत्विग् अध्वर्युः
agnihotrasya yajñakrator eka ṛtvig adhvaryuḥ
- 4
सायम् अधिवृक्षसूर्ये ऽर्धास्तमितसूर्ये वा ज्वलन्तं गार्हपत्याद् आहवनीयम् उद्धरति प्रातर् उषसि प्राग् उदयाद्वापि वा नक्तम् आहवनीयं धारयेत्
sāyam adhivṛkṣasūrye 'rdhāstamitasūrye vā jvalantaṃ gārhapatyād āhavanīyam uddharati prātar uṣasi prāg udayādvāpi vā naktam āhavanīyaṃ dhārayet
- 5
सुगार्हपत्य उद्बुध्यस्वेति द्वाभ्यां गार्हपत्यम् उपस्थायोद्धरेति यजमानः संप्रेष्यति
sugārhapatya udbudhyasveti dvābhyāṃ gārhapatyam upasthāyoddhareti yajamānaḥ saṃpreṣyati
- 6
धृष्टिर् असि ब्रह्म यच्छेत्य् अध्वर्युर् उपवेषम् आदाय वाचा त्वा होत्रेति तेन गार्हपत्याद् आहवनीयम् उद्धरति
dhṛṣṭir asi brahma yacchety adhvaryur upaveṣam ādāya vācā tvā hotreti tena gārhapatyād āhavanīyam uddharati
- 7
इहामेहाम् इति यथायोन्य् अन्वाहार्यं निदधाति
ihāmehām iti yathāyony anvāhāryaṃ nidadhāti
- 8
भूर्भुवः सुवर् इत्य् उद्धृतं यजमानो ऽभिमन्त्रयते ऽह्ना यद् एन इति सायं रात्र्या यद् एन इति प्रातर्
bhūrbhuvaḥ suvar ity uddhṛtaṃ yajamāno 'bhimantrayate 'hnā yad ena iti sāyaṃ rātryā yad ena iti prātar
- 9
अमृताहुतिम् इत्य् आयतने प्रतिष्ठापयत्य् अग्निम् अग्नौ स्वाहेति सायं प्रत्यङ्मुखः सूर्यम् अग्नौ स्वाहेति प्रातः प्राङ्मुखः
amṛtāhutim ity āyatane pratiṣṭhāpayaty agnim agnau svāheti sāyaṃ pratyaṅmukhaḥ sūryam agnau svāheti prātaḥ prāṅmukhaḥ
- 10
विश्वदानीम् आभरन्त इति स्वयम् इध्महस्तो यजमानो विहारम् अभ्येति
viśvadānīm ābharanta iti svayam idhmahasto yajamāno vihāram abhyeti
- 11
यद् अग्ने यानि कानि चेति पञ्चभिः प्रतिमन्त्रम् अग्निष्व् इध्मान् आदधाति
yad agne yāni kāni ceti pañcabhiḥ pratimantram agniṣv idhmān ādadhāti
- 12
अग्ने गृहपते शुन्धस्वेत्य् एतैः पञ्चभिः पर्युक्षणपरिसमूहनोपरिपुष्पकरणैर् अग्नीन् अलंकरोति पुरस्ताद् उपरिष्टाच्च
agne gṛhapate śundhasvety etaiḥ pañcabhiḥ paryukṣaṇaparisamūhanoparipuṣpakaraṇair agnīn alaṃkaroti purastād upariṣṭācca
- 13
दर्भैः प्राग् उत्तराग्रम् अग्नीन्परिस्तृणाति
darbhaiḥ prāg uttarāgram agnīnparistṛṇāti

