12 shlokas
- 1
उत्तराम् आहुतिम् अनु यजमान आयतनाद् उत्थाय कवातिर्यङ्ङ् इवाहवनीयम् उपप्रयन्तो अध्वरम् इत्य् अनुवाकेन सायम् उपतिष्ठते
uttarām āhutim anu yajamāna āyatanād utthāya kavātiryaṅṅ ivāhavanīyam upaprayanto adhvaram ity anuvākena sāyam upatiṣṭhate
- 2
तत्राग्नीषोमाविमं सु म इति पञ्चम्याग्नीषोमीयया पूर्वपक्ष उभा वाम् इन्द्राग्नी इत्य् ऐन्द्राग्न्या तत्स्थाने ऽपरपक्षे
tatrāgnīṣomāvimaṃ su ma iti pañcamyāgnīṣomīyayā pūrvapakṣa ubhā vām indrāgnī ity aindrāgnyā tatsthāne 'parapakṣe
- 3
अग्न आयूंषीति षड्भिर् उत्तराभिर् उपतिष्ठते
agna āyūṃṣīti ṣaḍbhir uttarābhir upatiṣṭhate
- 4
अग्न आयूंष्य् अग्ने पवस्वेत्य् आग्निपावमानीभ्यां संवत्सरे संवत्सरे गार्हपत्यम् उपतिष्ठते पवमानहविर्भिर्वा यजेत
agna āyūṃṣy agne pavasvety āgnipāvamānībhyāṃ saṃvatsare saṃvatsare gārhapatyam upatiṣṭhate pavamānahavirbhirvā yajeta
- 5
आयुर्दा अग्ने ऽस्यायुर्मे देहीत्य् आहवनीयं चित्रावसो स्वस्ति ते पारम् अशीयेति रात्रिम् उपतिष्ठते
āyurdā agne 'syāyurme dehīty āhavanīyaṃ citrāvaso svasti te pāram aśīyeti rātrim upatiṣṭhate
- 6
इन्धानास्त्वा शतं हिमा इत्य् उपसमिन्द्धे
indhānāstvā śataṃ himā ity upasaminddhe
- 7
सं त्वम् अग्न इत्य् अनुवाकशेषेणाहवनीयम् उपतिष्ठते
saṃ tvam agna ity anuvākaśeṣeṇāhavanīyam upatiṣṭhate
- 8
संपश्यामि प्रजा अहम् इति गृहान्पशूंश्च
saṃpaśyāmi prajā aham iti gṛhānpaśūṃśca
- 9
अम्भः स्थाम्भो व इति गोष्ठम्
ambhaḥ sthāmbho va iti goṣṭham
- 10
रेवती रमध्वम् इत्य् अन्तराग्नी तिष्ठञ्जपति
revatī ramadhvam ity antarāgnī tiṣṭhañjapati
- 11
संहितासीत्य् अग्निहोत्र्या वत्सम् अभिमृशत्य् अग्निहोत्रीं वा
saṃhitāsīty agnihotryā vatsam abhimṛśaty agnihotrīṃ vā
- 12
अप त्वाग्ने दिवे दिव इति तिसृभिर्गायत्रीभिर् अग्ने त्वं न इति द्विपदाभिर्गार्हपत्यम् उपतिष्ठते
apa tvāgne dive diva iti tisṛbhirgāyatrībhir agne tvaṃ na iti dvipadābhirgārhapatyam upatiṣṭhate

