8 shlokas
- 1
ताम् अग्निहोत्रहवणीं निष्टप्य पुनस्तोयैः संशोध्य पुनर् अद्भिः पूरयित्वा सर्पेभ्यस्त्वा सर्पाञ्जिन्वेति पूर्वस्यां संस्राव्याक्षितम् असीति वेदिमध्ये गृहेभ्यस्त्वा गृहाञ्जिन्वेति पत्न्य् अञ्जलौ च
tām agnihotrahavaṇīṃ niṣṭapya punastoyaiḥ saṃśodhya punar adbhiḥ pūrayitvā sarpebhyastvā sarpāñjinveti pūrvasyāṃ saṃsrāvyākṣitam asīti vedimadhye gṛhebhyastvā gṛhāñjinveti patny añjalau ca
- 2
सप्त ऋषीन्प्रीणीहीत्य् उत्तरेण गार्हपत्यम् अपां शेषं विसृजेत्
sapta ṛṣīnprīṇīhīty uttareṇa gārhapatyam apāṃ śeṣaṃ visṛjet
- 3
स्रुवेणाग्नये गृहपतये स्वाहेति गार्हपत्ये ऽग्नये ऽदाभ्याय स्वाहेत्य् अन्वाहार्यपचने ऽग्नये भूर्भुवः सुवः स्वाहेति सभ्ये ऽग्नये ऽन्नपतये स्वाहेत्य् आवसथ्ये हुत्वा सर्वेषु विष्णवे स्वाहेति द्वितीयां जुहोति
sruveṇāgnaye gṛhapataye svāheti gārhapatye 'gnaye 'dābhyāya svāhety anvāhāryapacane 'gnaye bhūrbhuvaḥ suvaḥ svāheti sabhye 'gnaye 'nnapataye svāhety āvasathye hutvā sarveṣu viṣṇave svāheti dvitīyāṃ juhoti
- 4
पुनः पूर्ववत्परिषिञ्चति
punaḥ pūrvavatpariṣiñcati
- 5
स्रुवादीन्प्रक्षाल्योत्तरेणापो विसृज्य वेद्यां निक्षिपेत्
sruvādīnprakṣālyottareṇāpo visṛjya vedyāṃ nikṣipet
- 6
तेजो मूर्तिर् आत्मा हृदये ऽन्तर् ऊर्ध्वं ज्वलन्न् अग्निशिखामध्ये स्थितस्तस्याः शिखाया मध्ये परम् आत्मेति श्रुतिः
tejo mūrtir ātmā hṛdaye 'ntar ūrdhvaṃ jvalann agniśikhāmadhye sthitastasyāḥ śikhāyā madhye param ātmeti śrutiḥ
- 7
ततो होमान्ते सर्वत्रात्मानं प्रोक्ष्य गार्हपत्याद्भस्मादाय ललाटे हृदये कुक्षौ बाह्वोः कण्ठे च तज्ज्वालारूपं चतुरङ्गुलं दीपवद् ऊर्ध्वाग्रं पुण्ड्रं कुर्याद्यजमानः
tato homānte sarvatrātmānaṃ prokṣya gārhapatyādbhasmādāya lalāṭe hṛdaye kukṣau bāhvoḥ kaṇṭhe ca tajjvālārūpaṃ caturaṅgulaṃ dīpavad ūrdhvāgraṃ puṇḍraṃ kuryādyajamānaḥ
- 8
तेन शुभं लब्ध्वात्मयोगम् अन्ते प्राप्नोति
tena śubhaṃ labdhvātmayogam ante prāpnoti

