25 shlokas
- 1
यजमानो ऽग्निभ्यः प्रवत्स्यन्न् अग्नीन्समाधेहीति संप्रेष्यति
yajamāno 'gnibhyaḥ pravatsyann agnīnsamādhehīti saṃpreṣyati
- 2
शुचिः स्वायतने तिष्ठन्मम नाम प्रथमं जातवेद इति ज्वलन्तम् आहवनीयम् उपस्थाय तत्सकाशे वाचंयमः प्रवसेद् असकाशे विसृजेत
śuciḥ svāyatane tiṣṭhanmama nāma prathamaṃ jātaveda iti jvalantam āhavanīyam upasthāya tatsakāśe vācaṃyamaḥ pravased asakāśe visṛjeta
- 3
अधश्शय्यस्त्र्युपायी
adhaśśayyastryupāyī
- 4
न दशमीम् अति प्रवसति
na daśamīm ati pravasati
- 5
न पर्वणि
na parvaṇi
- 6
व्रतकाले व्रतं चरति
vratakāle vrataṃ carati
- 7
विहारम् अभिमुखो ऽग्नीन् उपतिष्ठत इहैव सन्तत्र सतो वो अग्नय इति च
vihāram abhimukho 'gnīn upatiṣṭhata ihaiva santatra sato vo agnaya iti ca
- 8
यद्य् अनुपस्थाय प्रवसेद् एताम् एव विहारम् अभिमुखो जपेत्
yady anupasthāya pravased etām eva vihāram abhimukho japet
- 9
प्रोष्य समिधो धारयञ्छदिर्दर्शे कंचिद् अप्य् अनादृत्याग्नीन्प्रतीयात्
proṣya samidho dhārayañchadirdarśe kaṃcid apy anādṛtyāgnīnpratīyāt
- 10
विश्वदानीम् आभरन्त इति विहारम् अभ्येत्याग्नीनाम्सकाशे वाचं यच्छति सकाशे विसृजते
viśvadānīm ābharanta iti vihāram abhyetyāgnīnāmsakāśe vācaṃ yacchati sakāśe visṛjate
- 11
अग्नीन्समाधेहीति संप्रेष्यति
agnīnsamādhehīti saṃpreṣyati
- 12
मम नाम तव च जातवेद इत्य् आहवनीयम् उपतिष्ठते
mama nāma tava ca jātaveda ity āhavanīyam upatiṣṭhate
- 13
नमो ऽग्नये ऽप्रतिविद्धायेति गार्हपत्यम्
namo 'gnaye 'pratividdhāyeti gārhapatyam
- 14
त्वत्पितार इत्य् अन्वाहार्यपचनम्
tvatpitāra ity anvāhāryapacanam
- 15
अयम् अग्निः श्रेष्ठतम इति पुनर् आहवनीयम्
ayam agniḥ śreṣṭhatama iti punar āhavanīyam
- 16
व्रतभ्रेषे मनो ज्योतिर्जुषताम् इत्य् आहुतिं जुहुयात्
vratabhreṣe mano jyotirjuṣatām ity āhutiṃ juhuyāt
- 17
प्रवत्स्यन्प्रोष्यागतश्च विराट्क्रमैर् एवोपतिष्ठत इत्य् एके
pravatsyanproṣyāgataśca virāṭkramair evopatiṣṭhata ity eke
- 18
प्रवत्स्यतो ऽध्वर्युर् अग्नीन्न समिन्द्ध इत्य् आहुः
pravatsyato 'dhvaryur agnīnna saminddha ity āhuḥ
- 19
कः श्रेयांसं विषुप्तं बोधयिष्यतीति
kaḥ śreyāṃsaṃ viṣuptaṃ bodhayiṣyatīti
- 20
असमिन्धानो ऽभयंकराभयं मे कुरु स्वस्ति मे ऽस्तु प्रवत्स्यामीति प्रवत्स्यन्न् उपतिष्ठते ऽभयंकराभयं मे ऽकार्षीः स्वस्ति मे ऽस्तु प्रावात्सम् इति प्रोष्यागतः
asamindhāno 'bhayaṃkarābhayaṃ me kuru svasti me 'stu pravatsyāmīti pravatsyann upatiṣṭhate 'bhayaṃkarābhayaṃ me 'kārṣīḥ svasti me 'stu prāvātsam iti proṣyāgataḥ
- 21
तूष्णीम् एवाग्नीन्प्रणम्य प्रवसेद् इत्य् एके
tūṣṇīm evāgnīnpraṇamya pravased ity eke
- 22
गृहा मा बिभीतेति पञ्चभिर्गृहान् अभ्येति
gṛhā mā bibhīteti pañcabhirgṛhān abhyeti
- 23
पूर्वसंजातम् अपराधमस्य तद् अहर्निवेदयेयुः स चैतान्नापवदेत्
pūrvasaṃjātam aparādhamasya tad aharnivedayeyuḥ sa caitānnāpavadet
- 24
गृहान् अहम् इति संविशति
gṛhān aham iti saṃviśati
- 25
विश्वा उत त्वया वयम् इति पत्नीं समीक्षते
viśvā uta tvayā vayam iti patnīṃ samīkṣate

