9 shlokas
- 1
विश्वा उत त्वयेत्य् अग्निं प्रदक्षिणं कृत्वातिगाहेमहि द्विष इत्य् आसित्वा त्रिधैवं लाजहोमं जुहुयात्
viśvā uta tvayety agniṃ pradakṣiṇaṃ kṛtvātigāhemahi dviṣa ity āsitvā tridhaivaṃ lājahomaṃ juhuyāt
- 2
ततो मूलहोमान्ते ऽग्निं पतिघ्न्यन्तं वायुः निन्दितान्तमादित्यं घोरान्तं गन्धर्वं यशोघ्न्यन्तं चन्द्रं पुत्रघ्न्यन्तं हुत्वा व्याहृतिः
tato mūlahomānte 'gniṃ patighnyantaṃ vāyuḥ ninditāntamādityaṃ ghorāntaṃ gandharvaṃ yaśoghnyantaṃ candraṃ putraghnyantaṃ hutvā vyāhṛtiḥ
- 3
प्रासावीर् इत्यन्तैश्चतुर्भिः प्रवाहणं कृत्वा पुनः परिस्तीर्य स्विष्टकृन्मिन्दाहुती विच्छिन्नम् ऋद्धिसप्तसमिद्व्याहृतीश्च जुहुयात्
prāsāvīr ityantaiścaturbhiḥ pravāhaṇaṃ kṛtvā punaḥ paristīrya sviṣṭakṛnmindāhutī vicchinnam ṛddhisaptasamidvyāhṛtīśca juhuyāt
- 4
अग्नेर् अपरस्याम् आस्तीर्योदगग्रान्सप्त बर्हिषो वध्वा सह दक्षिणेन पादेनैकम् इषे विष्णुरिति द्वे ऊर्ज इति त्रीणि व्रतायेति चत्वारीति पञ्च पशुभ्य इति षड्रायस्पोषायेति सप्त सप्तभ्य इति तान्पर्यायेणाक्रम्य गत्वा सखेति निवर्तेत
agner aparasyām āstīryodagagrānsapta barhiṣo vadhvā saha dakṣiṇena pādenaikam iṣe viṣṇuriti dve ūrja iti trīṇi vratāyeti catvārīti pañca paśubhya iti ṣaḍrāyaspoṣāyeti sapta saptabhya iti tānparyāyeṇākramya gatvā sakheti nivarteta
- 5
मम हृदय इति तस्या हृदयमभिमृशति
mama hṛdaya iti tasyā hṛdayamabhimṛśati
- 6
प्रोक्षणैः प्रोक्ष्य पुण्याहं स्वस्तिघोषेणारुन्धतीन्द्राण्यदितिः श्रीरिवेति वध्वा मनुः प्रजापतिः पुरुषोत्तमो महेन्द्र इवेति वरस्य च चत्वारि स्तोमान्य् आरोपयेयुः
prokṣaṇaiḥ prokṣya puṇyāhaṃ svastighoṣeṇārundhatīndrāṇyaditiḥ śrīriveti vadhvā manuḥ prajāpatiḥ puruṣottamo mahendra iveti varasya ca catvāri stomāny āropayeyuḥ
- 7
इति पाणिग्रहणम्
iti pāṇigrahaṇam
- 8
ध्रुवदर्शनान्तमित्येके
dhruvadarśanāntamityeke
- 9
ततः प्रभृति गार्हस्थ्यं धर्ममनुतिष्ठतीति विज्ञायते
tataḥ prabhṛti gārhasthyaṃ dharmamanutiṣṭhatīti vijñāyate

