13 shlokas
- 1
अथ जातकर्म व्याख्यास्यामः
atha jātakarma vyākhyāsyāmaḥ
- 2
अरिष्टागारं यथोक्तं कृत्वा वृषभोषितं तिलसर्षपैर्धूपयित्वा तां प्रवेशयेत्
ariṣṭāgāraṃ yathoktaṃ kṛtvā vṛṣabhoṣitaṃ tilasarṣapairdhūpayitvā tāṃ praveśayet
- 3
तज्ज्ञाः स्त्रियस्तिस्रश्चतस्रो वा परिगृह्यैनां संवाहयेयुः
tajjñāḥ striyastisraścatasro vā parigṛhyaināṃ saṃvāhayeyuḥ
- 4
कुक्षौ शिथिले हृदयबन्धं मुक्त्वा सशूले जघने प्रजायत इत्यवधारयेत्
kukṣau śithile hṛdayabandhaṃ muktvā saśūle jaghane prajāyata ityavadhārayet
- 5
गर्भसङ्गे विशल्यां सुवर्चलां वा योनौ निष्पीड्य निदध्यात्
garbhasaṅge viśalyāṃ suvarcalāṃ vā yonau niṣpīḍya nidadhyāt
- 6
धूपयेत्पिण्डीतकेनाहिकृत्त्या वा योनिम्
dhūpayetpiṇḍītakenāhikṛttyā vā yonim
- 7
हिरण्यपुष्प्या मूलं हस्तपादयोरादधाति
hiraṇyapuṣpyā mūlaṃ hastapādayorādadhāti
- 8
यदा नासाग्रं दृश्यते तदास्य ग्रहस्थितिं ज्ञात्वा शुभाशुभं परीक्षेत
yadā nāsāgraṃ dṛśyate tadāsya grahasthitiṃ jñātvā śubhāśubhaṃ parīkṣeta
- 9
यस्मात्तद्गुणान्वितं वर्धयेत्
yasmāttadguṇānvitaṃ vardhayet
- 10
जायमाने मातुर् उदकुम्भं दक्षिणतः शिरोभागे स्थापयित्वा ततस्तूर्यन्तीं पादतो निधाय यथैव सोमः पवत इत्य् उदरम् अभिमृशेत्
jāyamāne mātur udakumbhaṃ dakṣiṇataḥ śirobhāge sthāpayitvā tatastūryantīṃ pādato nidhāya yathaiva somaḥ pavata ity udaram abhimṛśet
- 11
कुमारे जाते द्वारवामे ऽश्मनि परशुं तस्मिन्हिरण्यं स्थापयित्वाश्मा भवेत्य् अधरम् उत्तरं करोति
kumāre jāte dvāravāme 'śmani paraśuṃ tasminhiraṇyaṃ sthāpayitvāśmā bhavety adharam uttaraṃ karoti
- 12
तस्योपर्यङ्गादङ्गादिति कुमारमेकया स्त्रिया धारयेत्
tasyoparyaṅgādaṅgāditi kumāramekayā striyā dhārayet
- 13
तम् अद्भिर् अभ्युक्ष्य तिलदे ऽवपद्यस्वेति सतिलम् अक्षतं मूर्ध्न्याधायौपासनमरण्यां निर्हरति
tam adbhir abhyukṣya tilade 'vapadyasveti satilam akṣataṃ mūrdhnyādhāyaupāsanamaraṇyāṃ nirharati

