6 shlokas
- 1
अथ वास्तुसवनं व्याख्यास्यामः
atha vāstusavanaṃ vyākhyāsyāmaḥ
- 2
नवे वास्तुन्युषिते ऽपि सूतकप्रेतकयोर्वापयित्वा मृन्मयानि भाण्डानि पुराणानि त्यक्त्वा नवानि परिगृह्यान्यान्परिच्छदान्यथोक्तं शोधयित्वा भूमियज्ञेनेष्ट्वा निवसेत्
nave vāstunyuṣite 'pi sūtakapretakayorvāpayitvā mṛnmayāni bhāṇḍāni purāṇāni tyaktvā navāni parigṛhyānyānparicchadānyathoktaṃ śodhayitvā bhūmiyajñeneṣṭvā nivaset
- 3
यस्माद्वास्तुसवनेन शुद्धिवस्तूनाम् आघारो वास्तुसवनस्य
yasmādvāstusavanena śuddhivastūnām āghāro vāstusavanasya
- 4
वास्तोष्पते प्रतिजानीहि वास्तोष्पते शग्मयेति द्वाभ्यां यजेत भूमियज्ञाय स्वाहा यज्ञदैवतं प्र सोदर्यै स्वाहेति द्वौ भूमियज्ञदैवत्यौ मेदिनी देवी देवी हिरण्यगर्भिणी समुद्रवती सावित्री शृङ्गे शृङ्गे वायुपरी जलशयनीति पञ्च भूमिदैवत्या व्याहृतीर्हुत्वा पुण्याहमहमग्ने अग्निं गृह्णामीत्य् अग्निष्ठाद्दर्भपूलेनाग्निं गृहीत्वा प्रथमाद् ऐन्द्राद्भुवंगाद् आरभ्य वास्तुनः कुड्यमूलाद्बहिरन्तश्च वामं परीत्या ब्रह्मस्थानात्पर्यग्निं कारयित्वापरद्वारेण विसृजेत्
vāstoṣpate pratijānīhi vāstoṣpate śagmayeti dvābhyāṃ yajeta bhūmiyajñāya svāhā yajñadaivataṃ pra sodaryai svāheti dvau bhūmiyajñadaivatyau medinī devī devī hiraṇyagarbhiṇī samudravatī sāvitrī śṛṅge śṛṅge vāyuparī jalaśayanīti pañca bhūmidaivatyā vyāhṛtīrhutvā puṇyāhamahamagne agniṃ gṛhṇāmīty agniṣṭhāddarbhapūlenāgniṃ gṛhītvā prathamād aindrādbhuvaṃgād ārabhya vāstunaḥ kuḍyamūlādbahirantaśca vāmaṃ parītyā brahmasthānātparyagniṃ kārayitvāparadvāreṇa visṛjet
- 5
तथैवाणोर् अणीयान् इति पात्रेणान्व् अपः स्रावयित्वा शिष्टाभिः सर्वत्र प्रोक्षयति
tathaivāṇor aṇīyān iti pātreṇānv apaḥ srāvayitvā śiṣṭābhiḥ sarvatra prokṣayati
- 6
एवं वारुणाद्भुवंगाद्वा याम्यात्सौम्याद् आरभ्य पर्यग्न्याधावस्रुती स्याताम्
evaṃ vāruṇādbhuvaṃgādvā yāmyātsaumyād ārabhya paryagnyādhāvasrutī syātām

