14 shlokas
- 1
अथ षष्ठे मास्यन्नप्राशनम्
atha ṣaṣṭhe māsyannaprāśanam
- 2
शुक्लपक्षे दिने शुद्धे तत्राज्येनाघारः
śuklapakṣe dine śuddhe tatrājyenāghāraḥ
- 3
धातादि मूलहोमं पूर्ववत्त्रिवृत्प्राशनम्
dhātādi mūlahomaṃ pūrvavattrivṛtprāśanam
- 4
प्राङ्मुखं मङ्गलयुक्तं कुमारं विष्टरमारोप्य भूर् अपाम् इति पायसम् अन्नं प्राशयेत्
prāṅmukhaṃ maṅgalayuktaṃ kumāraṃ viṣṭaramāropya bhūr apām iti pāyasam annaṃ prāśayet
- 5
योगे योगे तवस्तरम् इत्य् आचमनं ददाति
yoge yoge tavastaram ity ācamanaṃ dadāti
- 6
अथ प्रवासागमनम्
atha pravāsāgamanam
- 7
पुष्पापूपदक्षिणादिसम्भारान्कुमारं च गृहीत्वा कनिक्रदादिम् आलयं गुहस्य गच्छेत्
puṣpāpūpadakṣiṇādisambhārānkumāraṃ ca gṛhītvā kanikradādim ālayaṃ guhasya gacchet
- 8
प्रदक्षिणम् अर्चनं प्रणामो गुहस्य
pradakṣiṇam arcanaṃ praṇāmo guhasya
- 9
तच्छिष्टेन पुष्पादिना गुहस्य शेषमिति तन्नामोहित्वा बालम् अलंकृत्य शान्तिं वाचयित्वा निवर्तयेत्
tacchiṣṭena puṣpādinā guhasya śeṣamiti tannāmohitvā bālam alaṃkṛtya śāntiṃ vācayitvā nivartayet
- 10
प्रोक्ष्यागतं सोमस्य त्वेत्य् अङ्गम् आरोप्यायुषे वर्चस इति पिता मूर्ध्नि जिघ्रति
prokṣyāgataṃ somasya tvety aṅgam āropyāyuṣe varcasa iti pitā mūrdhni jighrati
- 11
वृषभं नमस्कृत्य दक्षिणपाणेः साङ्गुष्ठम् अङ्गुलीर्गृहीत्वा कनिष्ठाद्य् अग्निर् आयुष्मान् इत्यादिकैर्विसर्जनम्
vṛṣabhaṃ namaskṛtya dakṣiṇapāṇeḥ sāṅguṣṭham aṅgulīrgṛhītvā kaniṣṭhādy agnir āyuṣmān ityādikairvisarjanam
- 12
आयुष्टे विश्वतः प्रतिष्ठ वायाविति दक्षिणादिकर्णयोर्जपनम् उदङ्मुखं ब्रह्मादिदेवानां गुरूणां च प्रणामं कारयेत्
āyuṣṭe viśvataḥ pratiṣṭha vāyāviti dakṣiṇādikarṇayorjapanam udaṅmukhaṃ brahmādidevānāṃ gurūṇāṃ ca praṇāmaṃ kārayet
- 13
पादोदकं दत्त्वा पूर्ववत्सगुडभक्ष्यस्यान्नस्य सपिण्डैः श्रोत्रियैः सह भोजनं स्वस्तिवाचनम्
pādodakaṃ dattvā pūrvavatsaguḍabhakṣyasyānnasya sapiṇḍaiḥ śrotriyaiḥ saha bhojanaṃ svastivācanam
- 14
पिण्डवर्धनमिति विज्ञायते
piṇḍavardhanamiti vijñāyate

