13 shlokas
- 1
अथ वर्षे प्रथमे तृतीये वा चौडकम्
atha varṣe prathame tṛtīye vā cauḍakam
- 2
उत्तरायणे पक्ष आपूर्यमाणे पुंनाम्न्याघारः
uttarāyaṇe pakṣa āpūryamāṇe puṃnāmnyāghāraḥ
- 3
मूलहोमान्ते मङ्गलयुक्तम् अग्नेर् अपरस्यां कुमारम् उपवेश्योत्तरे साक्षतं गोशकृच्छरावे गृहीत्वा माता ब्रह्मचारी वा धारयेत्
mūlahomānte maṅgalayuktam agner aparasyāṃ kumāram upaveśyottare sākṣataṃ gośakṛccharāve gṛhītvā mātā brahmacārī vā dhārayet
- 4
शिवो नामासीति ग्रहणं क्षुरस्य
śivo nāmāsīti grahaṇaṃ kṣurasya
- 5
शिवा नो भवथेति शिलायां तीक्ष्णीकरणम्
śivā no bhavatheti śilāyāṃ tīkṣṇīkaraṇam
- 6
गोदानम् उनक्त्व् इति गवादिदक्षिणाकरणम्
godānam unaktv iti gavādidakṣiṇākaraṇam
- 7
आप उन्दन्त्वित्य् अपां सेकं शिरसि
āpa undantvity apāṃ sekaṃ śirasi
- 8
ओषधे त्रायस्वैनमिति साक्षताङ्कुरदर्भौ प्रागुत्तराग्रौ मस्तके स्थापयेत्
oṣadhe trāyasvainamiti sākṣatāṅkuradarbhau prāguttarāgrau mastake sthāpayet
- 9
स्वधिते मैनम्हिंसीरिति क्षुरं निधायोर्ध्वाग्रम् ओषधीरिति येनावपदिति येन पूषेत्य् असाव् आयुषेति पूर्वादिप्रदक्षिणं दर्भं सरोमाणं छित्त्वा ज्योक्च सूर्यं दृश इति चूडां विभजेत्
svadhite mainamhiṃsīriti kṣuraṃ nidhāyordhvāgram oṣadhīriti yenāvapaditi yena pūṣety asāv āyuṣeti pūrvādipradakṣiṇaṃ darbhaṃ saromāṇaṃ chittvā jyokca sūryaṃ dṛśa iti cūḍāṃ vibhajet
- 10
ऋषिक्रमेण स्वस्यैकार्षद्व्यार्षत्र्यार्षपञ्चार्षसप्तार्षाच्चूडा विभजेद् अनुदितस्यैकाम्
ṛṣikrameṇa svasyaikārṣadvyārṣatryārṣapañcārṣasaptārṣāccūḍā vibhajed anuditasyaikām
- 11
इदम् अहम् अमुष्येत्य् उदुम्बरदर्भयोर्मूले गोष्ठे वाच्छादयेत्
idam aham amuṣyety udumbaradarbhayormūle goṣṭhe vācchādayet
- 12
स्नातं वस्त्रादिनालंकृत्योपवेश्य दक्षिणे पञ्च प्रायश्चित्तादि धातादि पञ्च वारुणं मूलहोमं हुत्वा पुण्याहं कृत्वा नापितायान्नदानं गवादिदक्षिणां गुरवे सुराणां पूजनं तर्पणं ब्राह्मणानाम् अन्नेन करोति
snātaṃ vastrādinālaṃkṛtyopaveśya dakṣiṇe pañca prāyaścittādi dhātādi pañca vāruṇaṃ mūlahomaṃ hutvā puṇyāhaṃ kṛtvā nāpitāyānnadānaṃ gavādidakṣiṇāṃ gurave surāṇāṃ pūjanaṃ tarpaṇaṃ brāhmaṇānām annena karoti
- 13
इत्य् अष्टादश संस्काराः शारीराः
ity aṣṭādaśa saṃskārāḥ śārīrāḥ

