12 shlokas
- 1
चुल्ल्यां कपालमारोप्य वृषभशकृत्पिण्डैर्जातकाग्निं साधयेत्
cullyāṃ kapālamāropya vṛṣabhaśakṛtpiṇḍairjātakāgniṃ sādhayet
- 2
तम् एनम् उत्तपनीयम् इत्य् उदाहरन्ति
tam enam uttapanīyam ity udāharanti
- 3
तेनैव धूपं दद्यात्
tenaiva dhūpaṃ dadyāt
- 4
द्वारस्य दक्षिणतो निधायाङ्गारवर्णे परिस्तीर्य कणसर्षपैर्हस्तेन शण्डे रथो ऽयः शण्डो मर्क आलिखन्विलिखन्नर्यम्ण आन्त्रीमुखः केशिनीरेतान्घ्नतैतान्पूर्व एषां मिश्रवाससो नक्तंचारिणो निशीथचारिणी तासां त्वम् अयं ते योनिर्मम नामेति व्याहृतीश्च हुत्वा प्रक्षाल्य पाणिमवनीमालभ्य यत्ते सुसीम इति मेधायै घृतं करोति
dvārasya dakṣiṇato nidhāyāṅgāravarṇe paristīrya kaṇasarṣapairhastena śaṇḍe ratho 'yaḥ śaṇḍo marka ālikhanvilikhannaryamṇa āntrīmukhaḥ keśinīretānghnataitānpūrva eṣāṃ miśravāsaso naktaṃcāriṇo niśīthacāriṇī tāsāṃ tvam ayaṃ te yonirmama nāmeti vyāhṛtīśca hutvā prakṣālya pāṇimavanīmālabhya yatte susīma iti medhāyai ghṛtaṃ karoti
- 5
वचा पथ्या हिरण्यं मधु सर्पिरिति मेधाजननानि भवन्ति
vacā pathyā hiraṇyaṃ madhu sarpiriti medhājananāni bhavanti
- 6
ब्राह्मीघृतं पयो वचाधिकं चामनन्ति
brāhmīghṛtaṃ payo vacādhikaṃ cāmananti
- 7
सुवर्णं दर्भेण बद्ध्वान्तर्धाय घृतं भूर् ऋच इति प्राङ्मुखं प्राशयति
suvarṇaṃ darbheṇa baddhvāntardhāya ghṛtaṃ bhūr ṛca iti prāṅmukhaṃ prāśayati
- 8
नित्यं सायं प्रातर् एवम् अहर् अहर्हुत्वा मेधायै पाययेत्
nityaṃ sāyaṃ prātar evam ahar aharhutvā medhāyai pāyayet
- 9
उष्णशीताभिर् अद्भिर् एनं स्नापयित्वा क्षेत्रियै त्वेति नीत्वा या दैवीर् इति मातुरङ्के स्थापयित्वा तासां त्वेति स्तनौ प्रक्षाल्यायं कुमार इति दक्षिणादि पाययेत्
uṣṇaśītābhir adbhir enaṃ snāpayitvā kṣetriyai tveti nītvā yā daivīr iti māturaṅke sthāpayitvā tāsāṃ tveti stanau prakṣālyāyaṃ kumāra iti dakṣiṇādi pāyayet
- 10
आपो हविष्ष्व् इति न्यस्तमुदकुम्भं शोधयित्वा नित्यं सायं प्रातर् आदधाति
āpo haviṣṣv iti nyastamudakumbhaṃ śodhayitvā nityaṃ sāyaṃ prātar ādadhāti
- 11
तथैव घृतप्राशनान्तं कर्म कृत्वा स्नात्वौपासननिर्हरणादि करोतीत्येके
tathaiva ghṛtaprāśanāntaṃ karma kṛtvā snātvaupāsananirharaṇādi karotītyeke
- 12
तृतीये पञ्चमे सप्तमे नवमे चाह्नि शयनादिकं शोधयतीति
tṛtīye pañcame saptame navame cāhni śayanādikaṃ śodhayatīti

