3 shlokas
- 1
सविता भूत्वा प्रथमे ऽहन्प्रवृज्यते
तेन कामाꣳ एति
यद्द्वितीये ऽहन्प्रवृज्यते
अग्निर्भूत्वा देवान् एति
यत्तृतीये ऽहन्प्रवृज्यते
वायुर्भूत्वा प्राणान् एति
यच्चतुर्थे ऽहन्प्रवृज्यते
आदित्यो भूत्वा रश्मीन् एति
यत्पञ्चमे ऽहन्प्रवृज्यते
चन्द्रमा भूत्वा नक्षत्राण्य् एति
savitā bhūtvā prathame 'hanpravṛjyate
tena kāmām̐ eti
yaddvitīye 'hanpravṛjyate
agnirbhūtvā devān eti
yattṛtīye 'hanpravṛjyate
vāyurbhūtvā prāṇān eti
yaccaturthe 'hanpravṛjyate
ādityo bhūtvā raśmīn eti
yatpañcame 'hanpravṛjyate
candramā bhūtvā nakṣatrāṇy eti
- 2
यत्षष्ठे ऽहन्प्रवृज्यते
ऋतुर्भूत्वा संवत्सरम् एति
यत्सप्तमे ऽहन्प्रवृज्यते
धाता भूत्वा शक्वरीम् एति
यद् अष्टमे ऽहन्प्रवृज्यते
बृहस्पतिर्भूत्वा गायत्रीम् एति
यन्नवमे ऽहन्प्रवृज्यते
मित्रो भूत्वा त्रिवृत इमांल्लोकान् एति
यद्दशमे ऽहन्प्रवृज्यते
वरुणो भूत्वा विराजम् एति
yatṣaṣṭhe 'hanpravṛjyate
ṛturbhūtvā saṃvatsaram eti
yatsaptame 'hanpravṛjyate
dhātā bhūtvā śakvarīm eti
yad aṣṭame 'hanpravṛjyate
bṛhaspatirbhūtvā gāyatrīm eti
yannavame 'hanpravṛjyate
mitro bhūtvā trivṛta imāṃllokān eti
yaddaśame 'hanpravṛjyate
varuṇo bhūtvā virājam eti
- 3
यद् एकादशे ऽहन्प्रवृज्यते
इन्द्रो भूत्वा त्रिष्टुभम् एति
यद्द्वादशे ऽहन्प्रवृज्यते
सोमो भूत्वा सुत्याम् एति
यत्पुरस्ताद् उपसदां प्रवृज्यते
तस्माद् इतः पराङ् अमूं लोकांस्तपन्न् एति
यद् उपरिष्टाद् उपसदां प्रवृज्यते
तस्माद् अमुतो ऽर्वाङ् इमांल्लोकांस्तपन्न् एति
य एवं वेद
एव तपति
yad ekādaśe 'hanpravṛjyate
indro bhūtvā triṣṭubham eti
yaddvādaśe 'hanpravṛjyate
somo bhūtvā sutyām eti
yatpurastād upasadāṃ pravṛjyate
tasmād itaḥ parāṅ amūṃ lokāṃstapann eti
yad upariṣṭād upasadāṃ pravṛjyate
tasmād amuto 'rvāṅ imāṃllokāṃstapann eti
ya evaṃ veda
eva tapati

